له پاکستان څخه د ناقانونه افغانانو د ایستلو په لړ کې چارواکي وايي چې یوازې پرون چهارشنبه، لړم ۱۴مه، له دغه هېواده ۱۴زره او ۵۷۷ افغانان بېرته هېواد ته راستانه شوي دي.
دغه کسان له تورخم او سپینبولدک او د هلمند له بهرامچې څخه هېواد ته راغلې دي.
د دغه ولایت د کرېکټ امر نصیراحمد امرخېل سلاموطندار ته وویل، د کرېکټ دغه پنځوس اوریزې سیالي د یادو ولایتونو د غوره لوبډلو ترمنځ ترسره شوې چې میدانوردګ کرېکټ لوبډلې وکولای شول د یادو سیالیو اتلولي خپله کړي.
د کرنې، اوبولګولو او مالدارۍ وزارت اعلان کړی چې له افغانستان څخه روسیې ته د مڼو د لېږد بهیر پیل شوی دی.
یاد وزارت نن چهارشنبه، لړم ۱۴مه پر خپله اېکسپاڼه لیکلي چې د مڼو لومړۍ جوپه چې ۵۰ مټریک ټُنه کېږي او ارزښت یې، ۱۰۰زره ډالرو ته رسېږي، روسیې ته صادرې شوې دي.
هلمند کې د یونېسف په مالي مرسته د څه باندې پنځوس میلیونه افغانیو په ارزښت شپږ نوې ښوونیزې ودانۍ جوړې او د پوهني ریاست له لوري ګټېاخیستنې ته وسپارل شوې. دغه ښوونځي د مارجه، خانشین، نادعلي، ګرشک، باباجي او نهرسراج ولسوالیو کې جوړې شوې دي.
د افغاني سرې میاشتې ټولنې مسوولان وايي چې د تېرو دولسو میاشتو په موده کې یې د هېواد په بېلابېلو برخو کې خپلې هڅې پراخې کړي او د بېوزلو، راستنېدونکو او د طبیعي پېښو د اغېزمنو خلکو لپاره یې د خدمتونو کچه تر ۳۰ سلنه لوړه شوې ده.
UNICEF builds drinking water network in Parwan with 9.4 million Afghanis
د افغانستان د فوټسال ۱۷کلنې ملي لوبډلې لوبغاړي پکتيا ته تللي او د مرکز ګردېز ښار مرکزي څلور لارې کې د ولسي خلکو د پراخ هرکلي او تشويق سره مخ شوي دي.
د فوټسال ملي لوبډلې يوه لوبغاړي علي رضا وويل چې د ولس او خلکو لهخوا د دوی تشويق ورته ډېره روحيه ورکړې ده.
د هلمند ډېری کروندګر وایي چې سږکال د ممپلیو حاصل د تېرکال په پرتله ښه دی، ځکه د ناروغیو پېښې کمې وې او موسم هم د دې فصل لپاره مناسب و.
د کابل په یوه خصوصي ښوونځي کې لسګونه زدهکوونکو په ډلهییزه توګه له ناکاره توکو «د کاردستي رباطونه» جوړ کړي دي.
دغه ځوانان او تنکي ځوانان وايي چې د خپلو نوښتونو د ودې او د توکو بیاکارونې لپاره یې، هڅه کړې چې د کار وړ او لومړني وسایل جوړ کړي.
د لوګر د کرنې، اوبولګولو او مالدارۍ ریاست مسوولان وایي چې د ملګروملتونو د خوړو او کرنې نړیوال سازمان (FAO) له لوري د برهکي برک او څرخ ولسوالیو پر ۲زره او ۵ سوه بزګرانو اصلاح شوی تخم او کیمیاوي سره ووېشل شوه.
د سوېل ختيځ زون د افغاني سرې مياشتې ټولنې رییس منهاج الدين هاشمي وايي په شپږو ولايتونو غزني، میدانوردګ، لوګر، پکتيا، پکتيکا او خوست کې يې په ۵ کلينيکونو، ۱۸ سيار روغتيايي ټيمونو او ۲۹ فرعي کلينيکونو کې شاوخوا ۶ سوه زره کسانو ته روغتيايي خدمتونه وړاندې کړي دي.
سلاموطندار راډیو د کونړ د څوکۍ ولسوالۍ زلزله ځپلو وضعیت ته د رسېدو، د عامه پوهاوي ورکولو، د مرستو وېشلو بهیر څرنګوالي او د مسوولانو او د مرستندویه بنسټونو فعالیتونو ته د انعکاس ورکولو په موخه، دغه ولایت کې د ښکلا راډیو پر څپو څوکۍ ولسوالۍ کې سیاره راډیو فعاله کړې.
د پنجشېر د کرنې، اوبولګولو او مالدارۍ ریاست مسوولان وايي چې د تېر کال په پرتله سږکال دغه ولاین د انګورو حاصلات د پام وړ زیات شوي دي.
د یاد ولایت د کرنې، اوبولګولو او مالدارۍ ریاست رییس فضلالله دیوبند وايي چې روان کال ۱۷۰۷ مټریک ټُنه انګور راټول شوي چې تېرکال یاده موده کې ۱۱۱۲ مټریک ټُنه انګور راټول شوي وو.
د روزګان د عامې روغتیا مسوولان وايي چې د ۱۰۶ میلیونه افغانیو په لګښت د ولایتي روغتون د ارتقاء چارې په رسمي توګه پیل شوې. د دې پروژې په بشپړېدو سره به یاد روغتون له ۶۰ بسترو څخه ۲۰۰ بستریز ته لوړ شي چې د ولایت زرګونو اوسېدونکو ته به د غوره روغتیایي خدمتونو زمینه برابره کړي.
په کندهار ښار کې د یوه ملي پانګوال لهخوا د ۵.۴ میلیونه ډالرو په لګښت د خوراکي توکو او صنعتي موادو د تولید یوه ستره کارخونه جوړه شوې چې لسګونه کسانو ته پهکې د کارکولو زمینه هم برابره شوې ده.
د افغانستان په شمالي ولایتونو، په ځانګړې توګه بلخ او سمنګان کې تېره شپه زورورې زلزلې له امله د مړو شویو کسانو شمېر ۲۰ او د ټپیانو بیا ۵۰۰ ته لوړ شوی دی.
د عامې روغتیا وزارت مسوولان وايي چې تر دې دمه لږترلږه ۲۰ کسان مړه شوي او له ۵۰۰ زیات نور ټپيان دي.
