په ابوظبي کې د ا.ا سفیر بدرالدین حقا.ني وايي له دغه هېواد څخه غوښتي چې افغانانو ته د ویزو ورکړې په پروسه کې دې اسانتیاوې برابرې کړي. نوموړي له النهیان څخه غوښتي چې په متحده عربي اماراتو کې افغان بندیان افغانستان ته ولېږدوي. د خبرپاڼې له مخې، دواړو لوریو د افغانستان پر ټولیز وضعیت، وروستیو بدلونونو او شته فرصتونو خبرېاترې کړې دي.
د بریټانیا پارلمان داسې طرحه تصویب کړې چې پر بنسټ به یې پر نه جوړېدونکو ناروغیو اخته کسان د ځانوژنې حق ولري.
رویټرز خبري اژانس راپور ورکړی چې یاده طرحه پرون د بریټانیا په پارلمان کې د ۳۳۰ تایید رایو په ترلاسه کولو سره تصویب شوې ده.
په کابل او ولایتونو کې یوشمېر اړمنې کورنۍ وايي، د ژمي په رارسېدو سره د خوړو او سوند توکو د برابرولو توان نهلري او له مرستندویه بنسټونو او سرپرست حکومت څخه د مرستو غوښتنه کوي.
د کابل ښار په بېلابېلو سیمو کې «زېړې رېکشې» چې دې وروستیو کې له یوه ځایه بل ته د خلکو لېږد رالېږد لپاره ارزانه او ښه وسیله بلل کېږي، پر دې رېکشو لیکل شویو شعرونو او شعارونو هم د خلکو پام وراړولی دی. د پلازمېنې ډېری سیمو کې پر رېکشو، موټرو او نورو لېږدونکو وسایطو تر ډېره مذهبي، عشقي او طنزیه شعرونه او کلیمې تر سترګو کېږي.
د کورنيو چارو وزارت مسولان وايي چې د پکتیا جانيخېل ولسوالي لپاره يې، د ۲۲ ميليونه افغانيو په لګښت نوې ودانۍ جوړه او ګټېاخيستنې ته سپارلې ده.
د يادې ودانۍ د ګټېاخيستنې مراسمو کې د کورنيو چارو وزارت تاميناتي مرستيال مولوي عبدالله مختار وويل چې سږکال د یاد وزارت په بوديجه د هېواد په بېلابېلو ولايتونو کې ۳۰بنسټيزې پروژې بشپړې شوې چې له ډلې يې، ۲۳ ولسواليو ته ودانۍ جوړې شوې دي.
د لوګر د کلیو پراختیا او بیارغونې ریاست چارواکي وایي چې د ملګروملتونو د خوړو نړیوال سازمان(WFP) له لوري د دغه ولایت په محمداغې ولسوالي کې پر ۱۴ سوه بېوزله کورنیو د خوراکي توکو مرسته ووېشل شوه.
د عدلیې وزارت مسوولان اعلان کړی چې د کابل ښار اړوند «شېرپور» سیمه کې څه باندې ۱۵۵ جریبه ځمکه دولتي تثبیت شوې.
د یاد وزارت ویاند برکتالله رسولي نن پنجشنبه، لیندۍ اتمه پر خپله اېکسپاڼه لیکلي چې دغه ځمکه د پلان اړوند وه او په خپلسري توګه پهکې ودانۍ جوړې شوې دي.
د ميدان وردګ ولايت پوهنې رياست مسوولين وايې د مرکز میدانښار په ګډون په بیلابیلو ولسوالیو کې ۴۲ رغنیزې پروژې د ۶۸ میلیونه افغانیو په مالي لګښت د یوه کال په ترڅ کې بشپړې او نن پنجشنبه، لیندۍ اتمه ګټېاخېستې ته وسپارل شوې.
د کورنیو چارو وزارت افغانستان کې د تریاکو کښت او تولید زیاتوالي په اړه د ملګروملتونو راپور رد کړی او هغه یې، له «واقعیت لرې» بللی دی.
د یاد وزارت ویاند عبدالمتین قانع پر خپله اېکسپاڼه لیکلي چې افغانستان کې د تېر یوه کال پرمهال د تریاکو کښت او تولید راکم شوی دی.
د میدانوردګ د کلیو پراختیا او بیارغونې ریاست مسوولان وایي چې د خوړو نړیوال پروګرام (WFP) له لوري د دغه ولایت په سیداباد ولسوالي کې پر شاوخوا څلور زره بېوزله او اړو کورنیو نغدي مرسته ووېشل شوه.
د یاد ولایت د کلیو پراختیا او بیارغونې ریاست څخه سلاموطندار ته په رالېږل شوې خبرپاڼه کې راغلي چې هرې کورنۍ ته ۲۹۰۰ افغانۍ نغدي مرسته وېشل شوې.
د عامې روغتیا وزارت سرپرست نور جلال جلالي انتاني او افغان ـ جاپان روغتونونو کې د ساري ناروغیو د تشخیص د دوو مرکزونو د بنسټ ډبرې کېښودو مراسمو ته وویل چې د دغې پروژې په تطبیق سره به پلازمېنه کابل کې د ساري ناروغانو لپاره د روغتیايي خدماتو وړاندې کولو کچه لوړه شي.
د لوګرد شهیدانو او معلولانو چارو ریاست مسوولان وایي چې د مرکز پلعلم او ولسوالیو په ۵زره او ۵سوه معلولانو او د شهیدانو کورنیو په ورثه باندې ۲۶۲ میلیونه افغانۍ د تېر یوه کال کلني حقونه ووېشل شول.
د صنعت او سوداګرۍ وزارت مسوولان وايي چې د یاد وزارت سرپرست نورالدین عزیزي د یوه پلاوي په مشري نن چهارشنبه، لیندۍ اوومه، د اسټانبول نړیوال نندارتون کې ګډون وکړ.
د سرپرست حکومت مرکزي ویاند ذبېحالله مجاهد وايي چې کابل ته د روسیې امنیت شورا د عمومي سرمنشي سرګي شویګو په مشري راغلي پلاوي سره د دغه هېواد د ممنوعه ډلو له نوملړ د ا.ا نوم پر لرې کولو خبرې شوي دي.
دغه پلاوی دوه ورځې وړاندې کابل ته راغلی و او د سرپرست حکومت له چارواکو سره یې، پر بېلابېلو موضوعاتو خبرې کړې دي.
د دغه ولایت د سېندیزې حوزې ریاست ریيس ملا محمداسماعیل اخندازه جوړې شوې غونډې ته وویل، دغه کارېزونه د یونېسکو نړیوال سازمان په مالي ملاتړ د راتلوونکو شپږو میاشتو په ترڅ کې بیارغول کیږي چې له پرانېستې سره سم به یې ۱۲ سوه جریبه کرنیزه ځمکه خړوبه شي.
د کندهار د کرنې ریاست مسوولان وايي چې د یاد ولایت په خاکرېز ولسوالي کې لسګونه بڼوالو ته د بڼوالۍ اړوند برخه کې روزنه ورکړل شوه.
بڼوالو ته دغه روزنه د اوبو لګولو او مالدارۍ ریاست په هڅه، د (UNDP) په مالي ملاتړ او د سولۍ بنسټ موسسې په تخنیکي همکاري ورکړل شوې.
