د زابل د شهیدانو او معلولانو چارو ریاست د مرکز قلات ښار پر ۱۰۰بېسرپرسته یتیمانو او اړمنو کورنیو څلورډوله خوراکي توکي ووېشل چې پهکې ۵۰ کیلوګرامه اوړه، ۱۰ کیلوګرامه غوړي، ۲۰ کیلوګرامه لوبیا او ۱۰ کیلوګرامه بوره شامل وه.
سلاموطندار له څلورهغو ځوانانو سره چې درې یې، ماسټري او یوه یې، د لېسانس تر کچې زدهکړې کړي او اوس ازاد کاروبار لري، مرکې کړې دي.
د پروان اوسېدونکی عبدالرب رحیمي چې په ژبو او ادبیاتو برخه کې د لېسانس تر کچې لوړې زدهکړې لري، وايي، د خپلې راتلونکې لپاره یې، په ډېره خواري زدهکړې وکړې، خو اوس خیاطي کوي.
د کابل د بېلابېلو سیمو اوسېدونکي د څښاک پاکو اوبو له کمښت څخه شکایت لري او وايي، د اوبو کمښت له کبله ګڼو ستونزو سره لاس او ګرېوان دي.
د کابل د کلوله پشتې سیمې اوسېدونکی قاسم سلاموطندار ته وايي چې درې ورځې وروسته یو وار په دولتي نلونو کې اوبه ورخوشې کېږي.
د هلمند د عامې روغتیا ریاست رییس ډاکټر سیداحمد سعید وايي چې د هلمند په یوولس ولسوالیو کې به معیاري روغتونونه جوړ شي.
د نوموړي په وینا، په دې پروژه کې د هرې ولسوالي لپاره یو روغتون منظور شوی چې د مرکز لښکرګاه د روغتونونو په څېر به معیاري او مجهز وي.
خوست کې چارواکي وايي چې د یاد ولایت په مرکز کې د ۴۳ نیم میلیونه افغانیو په لګښت د دوو پروژو چارې پیل شوې.
د خوست ولايت مقام څخه په رالېږل شوې خبرپاڼه کې ويل شوي چې دغه پروژې د خوست ښار اړوند شپږمه ناحيه کې پيل شوې دي.
د کندهار په درېیمه ناحیه کې د یوه خصوصي پانګوال له لوري د وحشي ژویو نسل زیاتوالي او د خلکو تفرېح لپاره پر شاوخوا دوه جریبه ځمکه ژوبڼ جوړ شوی دی.
د پکتيکا محلي مسوولان وايي چې د ډيورنډ فرضي کرښې ته څېرمه پرتو پنځو ولسواليو کې د اسلامي امارت د مشر د ځانګړي حکم له مخې، د ۳۵۰ ميليونه افغانيو په لګښت د بيارغونې او پراختيا برخو کې د ۶۰ پروژو چارې پيل شوې. هغه ټينګار وکړ چې يادو ولسواليو کې به راتلونکی کال نورې اساسي او بنسټيزې پروژې هم پلې کړي.
د افغانستان، هند، ایران او اوزبیکستان استازیو نن شنبه، لیندۍ یوولسمه ممبی ښار کې د یادو هېوادونو ترمنځ د ټرانزیټ او له چابهار بندر د ګټېاخیستې او سوداګریزې راکړې ورکړې پراخیتا په تړاو بحث او خبرې کړې دي. د صنعت او سوداګرۍ وزارت ویاند عبدالسلام اخندزاده جواد سلاموطندار ته وايي چې افغانستان اوس خپله ډېره سوداګري د چابهار بندر او بندر عباس له لارې کوي.
د تحریرالشام ډلې په مشري مخالفو وسلهوالو د سوریې حکومتي ځواکونو تر کنټرول لاندې سیمو کې د تېرې چهارشنبې ورځې راهیسې پرمختګ کړی او د دغه هېواد دویم لوی ښار حلب یې نیولی دی.
د حکومتي ځواکونو او مخالفو وسلهوالو ترمنځ تر اوسه په دغو شخړو کې له ۳۰۰ څخه ډېر کسان وژل شوي دي.
د لوګر د بدنې روزنې او ورزش امریت چارواکي وایي چې د دغه ولایت په مرکز پل علم کې د ۶۰ غوره لوبغاړو ترمنځ د «بوکسېنګ» ورزش یوه ورځنۍ سیالي وشوې.
د دغه ولایت د بدنې روزنې او ورزش امریت امر انجنیر مزمل نعیمزي سلاموطندار ته وویل، دا سیالي د ولایت په کچه د پنځه غوره کلبونو او ۶۰ ورزشکارانو ترمنځ ترسره شوې.
د پاکستان خېبرپښتونخوا ایالت په کُرمه د فرقهییزو نښتو له امله د وژل شویو کسانو شمېر له ۱۳۰ اوښتی دی.
ځایی چارواکو وايي، د تېرې اونۍ په وروستیو کې د لنډمهاله اوربند سره سره لاهم نښتې کېږي. چارواکي لاهم هڅه کوي، څو دې نښتو ته د حل لاره ولټوي.
په اسلاماباد کې د افغانستان سفارت وايي، افغان کډوالو د دغه هېواد په هېڅ سیاسي فعالیت یا جنايي پېښه کې ګډون نهدی کړی.
دغه سفارت نن پر اېکس یوه خبرپاڼه کې لیکلي چې په اعتراضونو کې د افغان کډوالو لاس لرلو په اړه د پاکستاني چارواکو وروستۍ څرګندونې د اندېښنې وړ او د هغوی د ځورونې په موخه د پلمې جوړولو لپاره شوې دي.
د چین «MCC» شرکت مسوولانو لوګر کې د یوې غونډې پرمهال ویلي چې د دغه ولایت محمداغې ولسوالي کې د «چین-افغانستان» ګډ سوداګریز بازار جوړوي.
د لوګر عینکو کان د چین اېمسيسي شرکت مسوول «سونګ» او ورسره مل پلاوي د لوګر والي او چارواکو سره د یاد بازار د جوړېدو په اړه لومړنی ناسته کړې.
د رییسالوزرا اداري مرستیال عبدالسلام حنفي د یوه لوړپوړي پلاوي په مشري اوزبکستان ته تللی دی.
د ا.ا ویاند ذبېح.الله م.جاهد پر اېکس یوه خبرپاڼه کې لیکلي چې دغه سفر د سیاسي، اقتصادي، ټولنیزو او کلتوري اړیکو د پیاوړتیا لپاره شوی دی.
په پاکستان کې یوشمېر افغان کډوال وايي، نه یوازې د ژوند لومړنیو خدمتونو ته لاسرسی نهلري، بلکې شپه او ورځ دا وېره ورسره وي چې پولیس به یې ونیسي او بېرته به یې افغانستان ته واړوي.
په پاکستان کې مېشت یو افغان کډوال اېمل حبیبي وايي، افغان کډوال په دغه هېواد کې په ډار او وېرې سره ژوند کوي.
د کډوالو په چارو کې د ملګرو ملتونو سازمان عالي کمېشنري وايي، د دغه بنسټ ارزونې ښيي چې په روان زېږدیز کال کې د افغانستان په ګډون، په ټولو هغو هېوادونو کې کورنی تاوتریخوالی ۵۰ سلنه زیات شوی چې له سیاسي، اقتصادي، ټولنیزو او کډوالۍ له ناورین سره لاس او ګرېوان دي.
