نړیوال بانک وايي چې افغانستان په ۲۰۲۴ میلادي کال کې د منځنۍ کچې اقتصادي وده درلوده، خو د مالي محدودیتونو، د سوداګرۍ د توازن نشتوالي او د پانګونې د ظرفیت محدودیت له امله د ودې دغه کچه د هېواد د بنسټیزو اقتصادي ستونزو په حل کې ډېره مرسته نهده کړې.
د خوست محلي مسوولان وايي چې دغه ولایت کې د ۹۳ میلیونه افغانیو په لګښت د څلور پروژو چارې پیل شوې.
د خوست ښاروالي رياست څخه نن پنجشنبه، لیندۍ ۱۵مه په رالېږل شوې خبرپاڼه کې ويل شوي چې یادې پروژې د ښار په لومړۍ، دویمه او درېیمه ناحیو کې پلې کېږي.
کندوز کې د سنوکر یوه لوبغاړي پهلوان محمدتواب په خپل شخصي لګښت په ۳۰زره ډالرو د سنوکر کلب جوړ کړی دی.
د نوموړي په وینا، دغه سنوکرکلب له نړیوالو معیارونو سره سم جوړ او ګټېاخیستنې ته سپارل شوی دی.
د روزګان اوسېدونکي په دغه ولایت کې د اوبو ژورو څاګانو د سرونو نهپټېدو له امله اندېښنه ښيي او وايي، ژورې څاګانې په یوه ګواښ بدلې شوې دي.
د یاد ولایت اوسېدونکي سلاموطندار ته وايي چې د وچکالیو او اوبو کمښت له امله د څاګانو کېدنه ډېره شوې چې ورسره څاګانو ته د ماشومانو او څارویو د لوېدو ګواښ هم ډېر شوی دی.
د امربالمعروف او نهې عنالمنکر وزارت مسوولان وايي چې د ارزو ټلوېزیون د اسلامي ارزښتونو ساتنې په موخه تړل شوی دی.
د یاد وزارت ویاند سیفالسلام خیبر رسنیو ته په لېږلي یوه غږیز پیغام کې ویلي چې دغه ټلوېزیون د اسلامي ارزښتونو، له رسنیو د ناسمې ګټېاخیستنې مخنیوي او د ټولنیز نظم د ټینګښت په موخه تړل شوی دی.
د لوګر او میدانوردګ ولایتونو محلي مسوولان وايي چې یاد ولایتونو کې د ټرافیکي پېښو له امله دوه کسان مړه او نهه نور ټپیان شوي دي.
د ميدانوردګ مسوولان وايي، د دغه ولایت سيداباد ولسوالي اړوند د کابل_ کندهار پر لويه لار د شنيز درې د «مشنګ کلا» سیمه کې د مازدا او کرولا ډوله موټرو ترمنځ د ترافيکي پيښې له امله يو کس مړ شوی او پنځه کسان نور ټپيان دي.
ځوانان په ټينګ هوډ سره کولای شي، له هر خنډ او ستونزې تېر او بریالیتوب ته ورسېږي. هېواد کې ټولنیزې او حقوقي ستونزې ښايي د هر ځوان لپاره ستونزمنې وي، خو معلول کسان له دې ستونزو سربېره، د معلولیت بار هم زغمي، څو خپلو موخو ته ورسېږي.
د ننګرهار د چپرهار ولسوالي د اخوند کلي اوسیدونکي وایي، سږ کال یې زرګونه جریبه ځمکه د اوبو د نهشتون له امله بې کرکیلې پاتې شوې.
دوی سلاموطندار ته وايي چې د دې ولسوالي ډېری کارېزونه او چینې وچې او د اوبو کچه یې په بېسارې توګه ټيټه شوې.
د هلمند محلي چارواکي وایي چې په تېرو دوو اوونیو کې د دې ولایت په بېلابېلو سیمو کې شاوخوا درې زره جریبه دولتي ځمکه له غصب راګرځول شوې.
د غصب مخنیوي په دې کمپاین کې امنیتي او کرنیزو ادارو د یوشمېر غاصبینو د غصب مخه نیولې او ځینې غاصبین عدلي ارګانونو ته سپارل شوي دي.
زابل کې محلي چارواکي وايي چې د دغه ولایت د کانونو ریاست ته په ۱۴ میلیونه افغانیو د نوې ودانۍ د جوړېدو چارې پیل شوې.
یاد ریاست ته د نوې ودانۍ د جوړېدو چارو پیل مراسمو کې د یاد ولایت د والي مرستیال محبالله حماس او نورو چارواکو هم ګډون کړی وو.
د پکتيکا د مرکزي زندان مسوولان وايي چې په لومړي ځل د زندانيانو لپاره د حرفوي زدهکړو مرکز پرانېستل شوی دی.
د نوموړي په وینا، دا مهال په زندان کې د تخنيکي زدهکړو امريت په مرسته په لومړي ځل د حرفوي زدهکړو مرکز په زندان کې پرانيست چې د موټرسايکل جوړولو برخه کې زدهکړې ورکړل کېږي.
د معلولانو نړیوالې ورځې سره هممهاله، هېواد کې یوشمېر معلولان د دوی پر وړاندې له تبعیض ډک چلند څخه شکایت لري او وايي، زدهکړو او کاري فرصتونو ته لاسرسی نهلري.
دوی له سرپرست حکومت غواړي چې د ژوند لومړني خدمتونه ورته برابر کړي.
د سره صلیب نړیوالې کمېټې د اورتوپیدي مرکز مسوول عصمتالله قاضيزاده وایي، د روان ۲۰۲۴ کال د ډسمبر میاشت پورې هلمند کې د ۱۸زره معلولانو درملنه شوې.
د نوموړي په وینا، د جګړو پای ته رسېدو له امله د قربانیانو شمېر کم شوی، خو د نورو پېښو قربانیان اوس هم زیاتېږي. نوموړي زیاته کړه چې د مرکز لهخوا معلولانو ته مصنوعي غړي جوړ شوي او ځینو ته د حرکت اسانتیا لپاره ولچرونه هم ورکړل شوي دي.
د هلمند اطفایه مدیریت د پنځه سوه زره افغانیو په لګښت یو نوی ډیزاین شوی موټر جوړ او د یو لړ مراسمو په ترڅ کې ګټېاخیستنې ته سپارلی دی.
د هلمند اطفائیه مدیریت مشر ملا عبدالله صدام وايي، دغه موټر په یوه میاشت کې د اطفایه کارمندانو له لوري جوړ شوی چې ځانګړي نوښتونه لري.
د لوګر محلي چارواکي وايي چې د دغه ولایت د شیهدانو او کډوالو چارو ریاستونو له لوري د مرکز پلعلم په ګډون د بېلابېلو ولسوالیو پر ۶۰۰ بېوزله او اړو کورنیو د ۱۱ میلیونه افغانیو په ارزښت د خوراکي او غیرې خوراکي توکي مرستې ووېشل شوې.
د لوګر پوهنې ریاست چارواکي وایي، د دغه ولایت د برکيبرک ولسوالي د تګاب او چهلتن په ښوونځیو کې د ۲،۴ میلیونه افغانیو په لګښت دوه رغنیزې پروژې بشپړې او ګټېاخیستنې ته وسپارل شوې.
