د کډوالو او بېرته راستنېدونکو چارو وزير مولوي عبدالکبیر وايي، هغوی چې غوښتل یې اسلامي امارت د انزوا پر لور بوځي، نن خپله د انزوا خواته تللي.
هغه نن (جمعه، جدي ۱۹) خوست کې د جهادي مدرسې د دستاربندۍ يوه غونډه کې وویل، اسلامي امارت ورځ تر بلې په اقتصادي او سیاسي ډګرونو کې د پرمختګ په حال کې دی.
د خوست والي عبدالله مختار وايي، د تعليم کول د ژغورنې یوازینۍ وسيله ده. هغه تېره ورځ (پنجشنبه، جدي ۱۸) دغه ولايت کې د ښوونځيو
د کانونو او پترولیم وزارت ویلي، د هېواد په سطحه هغه کان کیندنې چې د دغه وزارت له قرارداد یا اجازهلیک پرته ترسره کیږي، غیرقانوني او جرم دی. دغه وزارت تېره شپه یوه خبرپاڼه کې ویلي، هغو کسانو او ډلو سره به چې په خپلسره توګه کان کیندنې کوي، جدي چلند وکړي.
د خوست د کليو بيا رغونې او پراختيا ريس مولوي علي محمد حقاني وويل د دې ولايت په باک، ځاځيميدان او ګربز ولسواليو کې یې
د کور او ښار جوړولو وزارت د نویو راستنو شویو کډوالو لپاره د ننګرهار د بهسودو ولسوالۍ اړوند «خانکي» ښارګوټی پرانیسته او عملاً یې د ځمکو د وېش لړۍ پیل کړه. د کور او ښار جوړولو وزیر نجیبالله حقاني وویل، دغه ښارګوټی په ۳ زره جریبه ځمکه جوړیږي چې ښوونځي، کلينيک، د اوبو رسولو شبکې، جوماتونه او نورې اسانتیاووې لري.
د کابل د شنو صنایعو صنعتي پارک کې د ۴۰ میلیون ډالرو په ارزښت د برښنا د تولید، لېږد او وېش په برخه کې د دریو پروژو چارې پیل شوې.
د برښنا شرکت اجراییوي مشر عبدالباري عمر نن (پنجشنبه، جدي ۱۸) په دې تړاو جوړو شوو مراسمو ته وویل، دغو پروژو کې د ۳۴ مېګاواټه لمریزې تولیدي برښنا دستګاه، د ۱۲۶ مېګاولټ امپیر سبسټېشن او د ۲۲۰ کېلوولټ برښنا لېږد مزي غځول شاملیږي.
هېواد کې د برښنايي پېژندپاڼو یوشمېر غوښتونکي وايي چې د پېژندپاڼو ترلاسه کولو لپاره یې، په میاشتو انتظار کړی او اوس یې چې ترلاسه کړي، املايي او نورې تېروتنې لري.
د کابل د خیرخانې سیمې اوسېدونکې امنه وايي چې برښنايي پېژندپاڼه کې یې، د تېروتنو له امله تحصیلي سندونه له ستونزو سره مخ شوي دي.
د اطلاعاتو او کلتور وزارت له لوري د شاوخوا ۱۵ میلیون افغانیو په ارزښت هلمند کې د دوو تاریخي ابدو د بیارغونې چارې پیل شوې.
د پکتيا زندان رییس قاري عبدالغني عادل د يادو پروژو د پرانيستې مراسمو کې وويل چې د زندان په داخل کې د يو مسجد په ګډون د يو نوي تعمير جوړيدل، د پخوانيو تعميرونو ترميم، د زندان لپاره برښنا ترانسفرمر لګول، د زندانيانو سره د ملاقات لپاره ځانګړي ځایونو جوړول او د تشنابونو جوړول پروژې بشپړې او ګټېاخيستنې ته سپارل شوي دي.
د خوست ولایت مقام څخه په خپره شوې خبرپاڼه کې ویل شوي چې د چاپېریال ساتنې ریاست نظارتي ټیم له لوري د شنې قطعې په همکارۍ د مرغانو خرڅلاو بازار څخه د نظارت په ترڅ کې، یوه غرنۍ بیزو او درې وزره وحشي مرغان غرنیزو سیمو کې بېرته خپل طبيعي چاپېریال ته خوشې شوې دي.
د بهرنيو چارو وزير امير خان متقي د عمان سلطنت بهرنيو چارو وزير بدر بن حمد البوسعيدي سره ټيليفوني خبرې کړي.
د بهرنیو چارو وزارت تېره شپه پر اېکسپاڼه لیکلي چې په دغو ټلیفوني خبرو کې د افغانستان او عمان پر دوو اړخيزو اړيکو، د دواړو هېوادونو ترمنځ د سوداګريزو، ټرانزیټي او ټرانسپورټي همکاريو په پراختيا بحث او خبرې کړي.
د هرات ځایي چارواکي وايي چې د روان لمریز کال په لومړیو نهو میاشتو کې له دې ولایت څخه ۲۲زره ټنه طبي بوټي د ۲۴
د غزني د بکاول دښتې سیمه کې د ودانیزو توکو د تولید او پروسس کارخونې، په ځانګړې توګه د ګچ او مبلایل کارخونو، د هوا ککړتیا او چاپېریالي ستونزې رامنځته کړې چې سلګونه کورنۍ یې اغېزمنې کړې دي.
په داسې حال کې چې قانون او شریعت د خاوندانو له لوري مېرمنو ته حساب ورکول د ښځو حق ګڼي، خو ډېری مېرمنې له خپل دې قانوني حق څخه ناخبرې دي. دیني عالمان او حقوقپوهان وايي چې د مالي حساب پټول، نه یوازې د شریعت خلاف دی، بلکې قانوني څار هم لري.
د اطلاعاتو او فرهنګ وزارت مسوولان وايي، کندهار کې د احمدشاه بابا کور رغنيزې چارې بشپړې او د سېلانيانو پر مخ پرانیستل شو. د دغه
د لوګر د اوبو او انرژۍ ریاست مسوولان وایي چې د څرخ ولسوالي اړوند د «بني غجرک» په سیمه کې د کهشان د اوبو سربند پروژه چې د څه باندې ۱۴۰زره امریکايي ډالرو په لګښت جوړه شوې ده چې نن چهارشنبه، په رسمي توګه پرانېستل شوی دی.
