سمنګان کې د نومبر دویمې له زلزلې وروسته ګڼشمېر کورنۍ سرپناه نهلري او دامهال خیمو کې ژوند کوي. د سمنګان فیروزنخچیر ولسوالي کې د وروستۍ زلزلې پرمهال اغېزمن شوي خلک وايي چې اساسي روغتیايي خدماتو ته لاسرسی نهلري او د ژمي په رارسېدو سره یې روغتیایي وضعیت د اندېښنې وړ دی.
د سمنګان په فیروزنخچیر ولسوالي کې له شوې زلزلې ژوندي پاتې کسان وايي چې د سړې هوا، ناروغیو، ککړچاپېریال او نورو ستونزو سره لاس او ګرېوان دي.
په ورته مهال د سړې په هوا په زیاتېدو سره یاده سیمه کې موسمي ناروغي زیاتې شوي چې خلک یې اندېښمن کړي دي.
د بلخ د شولګرې او کشندې زلزلهځپلي وايي، سره له دې چې د خپلو ناروغانو د درملنې توان نهلري، خو اړ دي چې ناروغان د درملنې لپاره مزارشریف ښار ته یوسي. رمضان او نذیر چې د زلزلهځپلو له ډلې دي، له حکومته غواړي چې په دغو ولسوالیو کې د روغتیایي خدمتونو کچه لوړه کړي او د خلکو اساسي اړتیاوې پوره کړي.
هغه لیکلي: «د پاکستاني پوځيانو دغه ډول جنایتنه يوازې دا چې کومه لاستهراوړنه نه ده، بلکې يو ځل بيا ثابته شوه چې د غلطو معلوماتو پر اساس اقدام د وضعيت له لا ترينگلتيااو د پاکستان د پوځي رژیم له رسوایې او ناکامي پرته بله پايله نه شي لرلای.»
حکیمشاه او ۹ کسیزه کورنۍ یې دامهال له خپل نړېدلي کور او کلي شل کیلومتره لرې، نورو زلزلهځپلو سره یوځای داسې یوه دښته کې تر خیمو لاندې ژوند کوي چې د څښاک اوبو په ګډون، د ژوند هېڅ ډول اسانتیاوې نهلري.
د هغه یوه کمعمره یوه کلن لمسي وړمه شپه د سرپناه نهشتوالي او سړې هوا له امله ژوند بایللی دی.
کندهار کې چارواکي وايي چې د دغه ولایت په اړوند سیمو کې د ۴۸زره امریکايي ډالرو په ارزښت د درېوو چکډېمونو د جوړولو چارې پیل شوې.
دغه چکډېمونه د کندهار کرنې، اوبولګولو او مالدارۍ ریاست په هڅو، د اروپایي ټولني په مالي ملاتړ او د ملګروملتونو د کرنې او خوراک نړیوال سازمان په تخنیکي همکاري جوړېږي.
د میدانوردګ د بدني روزنې او ورزش امریت مسوولان وایي چې د فوټسال فدراسیون په همکارۍ د دغه ولایت بهسود ولسوالي په «دانهقول» سیمه کې د ۱۲ غوره لوبډلو ترمنځ د فوتسال سیالۍ پای ته ورسېدې.
«نیوکاسل» ناروغي د الوتونکو او بیا په ځانګړې توګه د چرګانو ترمنځ یو له خطرناکو ویروسي ناروغیو څخه شمېرل کېږي چې په دې وروستیو کلونو کې د کندوز د چرګانو په فارمونو کې په زیاته اندازه خپره شوې ده.
دا ناروغي په چټکۍ د خپریدو ترڅنګ کولای شي، په لنډ وخت کې د چرګانو فارمونو ته په لوړه کچه زیان ورسوي.
د افغانستان پخواني ولسمشر حامد کرزي پر خوست، کونړ او پکتیکا د پاکستان هوایي بریدونه په کلکو ټکو غندلي دي.
حامد کرزي نن سهشنبه، نومبر۲۵مه پر خپله اېکسپاڼه لیکلي چې په دغو بریدونو کې ښځې او ماشومان شهیدان شوي دي.
د اسلامي امارت چارواکي وايي چې بېګاه شپه په خوست کې د پاکستان هوايي بریدونو له امله لس کسان شهیدان او څلور نور ټپیان شوي
د ملګرو ملتونو د پراختیايي پروګرام د سیاسي، نوښت، او پوهې برخې مشر پیټر چوهدري ویلي چې افغانان د بېرته میلیونونو ستنېدونکو د جذب لپاره له اقتصادي رکود، اقلیمي بدلون ټکانونو او وروستیو زلزلو له کبله له جدي ننګونو سره مخ دي.
د پکتيکا ولايتي مسوږلان وايي چې په بېلابېلو ولسواليو او سيمو کې د يادګار څلي يا منارونه جوړوي چې د تېرو شلو کلونو پرمهال د بمبارونو، چاپو او بريدونو پرمهال پهکې په ډليز ډول ملکي خلک او د اسلامي امارت غړي په «شهادت» رسيدلي دي.
د العربیه خبري شبکې راپور ورکړی چې د اسراییلو پوځ نن دوشنبه، د نومبر د خانیونس د ښار ختیځ سیمې د راکټ ډزو سره سم بمبار کړي دي.
راپور وايي، اسرائیلي جنګي الوتکو په غزې پټې د رفح ښار په جنوب هم حملې ترسره کړې.
د ټولګټو وزارت وايي، په تېره اوونۍ کې له افغانستان څخه د اوسپنې پټلۍ له لارې ۱۴۷زره او ۱۹۴ متریک ټنه توکي لېږدول شوي دي.
د دغه وزارت ویاند، محمداشرف حقشناس، نن دوشنبه (د لیندۍ ۳مه/ د نومبر ۲۴مه) په یوه خبرپاڼه کې ویلي چې یاد توکي د لړم له ۲۳مې تر ۲۹مې پورې د افغانستان د اوسپنې پټلۍ د مختلفو مسیرونو له لارې انتقال شوي دي.
د اسلامي امارت د سوداګرۍ او صنعت وزیر نورالدین عزیزي د روانې مېلادي، نومبر میاشتې په ۱۹مه هند ته په پنځه ورځني رسمي سفر تللی و چې د رسمي خبرپاڼې له مخې د سوداګریزو اړیکو پراختیا او د چابهار بندر له ظرفیتونو مناسبه ګټهاخیستنه او فعالیت یې مهم بحثونه یاد شوي وو.
د بېپولې ډاکټرانو سازمان راپور ورکړی چې د تېرو لسو کلونو پرمهال د کونړ زلزله تر ټولو خونړۍ طبیعي پېښه وه چې له امله یې، ۲۲۰۰ کسانو خپل ژوند له لاسه ورکړی او څه باندې ۳۰۰۰ نور ټپیان شوي دي.
د یاد سازمان مسوولان وايي چې له زلزلې وروسته یې، د لومړیو ورځو پرمهال درېوو روغتونونو ته په بېړنۍ توګه مرستې رسولې دي.
