په روزګان کې د کلیو بیارغونې ریاست تر څار لاندې دECO موسسې په مالي ملاتړ او د MEDAIR مؤسسې په تخنیکي همکارۍ د دهراوود ولسوالي په دورشانک کلي کې د لس میلیونه افغانیو په لګښت د څښاک د پاکو اوبو یوه شبکه جوړه او ګټېاخیستنې ته سپارل شوې ده.
د اطلاعاتو او فرهنګ وزارت د نشراتو مرستیال حیاتالله مهاجر فراهي د سلاموطندار له لوري د «اقلیمي بدلون څرنګوالي کې د رسنیو ونډه» تر سرلیک لاندې جوړې شوې غونډه کې وویل چې د هېواد ډېری برخې د اقلیمي بدلون له کبله اغېزمنې شوې دي.
د نوموړي په وینا، په نورو هېوادونو خلک د جګړو له امله بېځایه کېږي، خو په افغانستان کې وچکالي د خلکو د بېځایه کېدو لامل شوې ده.
د خوست ځايي مسوولان وايي، د اسماعیلخېلو مندوزیو ولسوالي په بېلابېلو کليو کې د ٢٣ بابه عصري شنو خونو جوړولو چارې پيل شوې. د خوست
بدخشان کې د لومړي ځل لپاره ۲۲ جوړو ته د ډلهییز واده مراسم جوړ شوي دي. د ډلهییز واده دغه مراسم د «اروین» بنسټ له لوري برابر شوي و.
د یاد بنسټ مشر شبیراحمد احمدي وايي چې دغه ډلهییز واده یې، د هغو ځوانانو لپاره جوړ شوی کړی و چې د اقتصادي ستونزو له امله یې، د واده د مراسم لګښتونه نشوای برابرولی.
د پکتیکا ولایتي مسولان وايي، برمل ولسوالي کې د سره صلیب نړیوالې کمیټې ICRC په مالي مالي ۱۵۰۰ کورنيو ته نغدي مرسته وويشل شوه. د
د روزګان محلي مسوولان وايي چې د یاد ولایت په ترینکوټ ښار کې د کشفي عملیاتو پرمهال وسلې او مهمات نیول شوي دي.
د دوی په وینا، امنیتي ځواکونو د ترینکوټ ښار اړوند خیروکارېز سیمه کې د پخواني حکومت د امنیت د امر د یوه ساتونکي پر کور عملیات شوي چې له امله یې یو لړ ناقانونه وسلې او مهمات ترلاسه شوي دي.
د غزې روغتیايي چارواکو ویلي، اسراییلي ځواکونو یوازې تېره ورځ ۷۱ فلسطینیان د بشري مرستو ترلاسهکولو پرمهال وژلي او ګڼ شمېر نور ټپیان کړي.
د راپورونو پر اساس، تېرو شاوخوا دریو میاشتو کې د اسراییلي ځواکونو لخوا د مرستو په لټه کې له ۱۰۰۰ ډېر فلسطینیان وژل شوي.
د خوست امنیه قومنداني مسوولان وايي چې دغه ولایت کې یې، د جعلي ویزو او دعوتنامو د جوړولو په تړاو یو کس نیولی دی.
د امنیه قومنداني له لوري په خپره شوې خبرپاڼه کې ویل شوي چې له جنایي جرمونو سره د مبارزې منسوبینو په خوست ښار کې هغه کس نیولی چې خلکو ته به یې، جعلي ویزې او دعوتنامې د اصلي په نوم پلورلې او له دې لارې یې له خلکو زرګونه ډالر اخیستي وو.
د اسټرالیا حکومت اعلان کړی چې دغه هېواد کې یوټیوب د هغو سایټونو په لړ کې شاملوي چې د تنکیو ځوانانو لپاره یې کارونه محدودوي.
دا پرېکړ چې نن «چهارشنبه، جولای ۳۰مه» اعلان شوې د اسټرالیا د مخکینۍ پرېکړې سره په ټکر کې ده چې یوټیوب ته یې معافیت ورکړی و.
د روسیې په ختیځ کې د ریښتر په کچه ۸.۸ درجې زلزلې وروسته د ارام سمندر شاوخوا یوشمېر هېوادونو کې د سونامي خبرداری ورکړل شوی دی.
دغه زلزله چې د روسیې کامچاتکا ټاپو ته نږدې شوې، له امله د سمندر څپې څلور مترو ته لوړې شوي او د ارام سمندر شاوخوا سیمو د تخلیې خبرداری ورکړل شوی.
د امریکا ولسمشر ډونالډ ټرمپ خبرداری ورکړی، که مسکو په راتلونکو لس ورځو کې د اوکراین جګړې پای ته رسولو لپاره هڅې ونهکړي، د ده په وینا یې، د روسیې پر وړاندې به تعرفې او نور ګامونه واخلي.
ټرمپ زیاته کړې چې له دې وړاندې یې، روسیې ته د ۵۰ ورځو وخت ورکړی و چې اوس یې، دغه نېټه لس ورځو ته راښکته کړې ده.
د وسلهوال پوځ لوي درستېز قاري فصېحالدین فطرت لوګر ته د یوه سفر په ترڅ کې د دغه ولایت له ملکي او نظامي مسوولانو سره لیدلي دي.
د میدانوردګ امنیه قومنداني مسوولان وایي چې د دغه ولایت له مرکز میدانښار او ولسوالیو څخه ۳۰ روږدي کسان راټول کړي او تر درملنې وروسته خپلو کورنیو ته سپارل شوي دي.
د امارتي شرکتونو عمومي ریاست مسوولانو د دغه ریاست د تېر یوه کال د لاسته راوړنو شریکولو غونډې ته وویل، تېر یوه کال کې دغو
د هند د کورنیو چارو وزرات وايي چې په جمو او کشمیر کې یې «پهلګام» پېښې په پورې تړلي درې پاکستاني وګړي وژلي دي.
په دې ترهګریز برید کې شاوخوا ۲۶ هندي سیلانیان ووژل شول چې وروسته بیا دواړو هېوادونو د څلور ورځو لپاره پر یوه بل بریدونه هم وکړل.
د هند کورنیو چارو وزیر امت شاه د یاد هېواد پارلمان ته وویل: «غواړم ټول ملت ته ووایم چې دا درې ترهګر ول چې زموږ هېوادوال یې ووژل چې اوس درې واړه ووژل شول.»
د فلسطین د خپلواکې ادارې لومړی وزیر محمدمصطفی وایي چې د یوه خپلواک، ازاد او پرمختللي هېواد په توګه د فلسطین غوښتونکي دي.
نوموړي همداراز زیاته کړه چې د دوه حکومتي حللارې په اړه نړیوال کنفرانس باید یوازې پر اعلامیو بسنه ونهکړي، بلکې عملي ګامونو ته لاره هواره کړي.
