د ریاستالوزرا اقتصادي مرستیال عبدالغني برادر او یوشمېر نورو چارواکو په ګډون نن سهشنبه، جدي یوولسمه د کابل شکردرې ولسوالي کې د شاه او عروس بند ګټېاخیستنې ته وسپارل شو.
په دې اړه جوړو شویو مراسمو ته عبدالغني برادر وویل، دغه بند د څه باندې ۹ میلیونه مترمکعب اوبو ذخیره کولو وړتیا لري او څه باندې ۳ زره هکتاره ځمکه خړوبولی شي.
د شماليکوریا مشر کېم جونګ اون خپل سیال د روسیې ولسمشر ولادېمیر پوتین ته د نوي عیسوي کال پیغام کې هغه ته د بریالیتوب هیله څرګنده کړې.
د شمالي کوریا دولتي خبري اژانس « KCNA» خبر ورکړی چې کېم جونګ اون په یوه لیک کې خپل «نږدې ملګري» ولادیمیر پوتین، د روسیې خلکو او پوځ ته د نوي کال مبارکي ورکړې.
د ملګروملتونو سرمنشي انټونیو ګوټرېش د کډوالۍ نړیوالې ورځې په تړاو په نړیواله کچه د پراخ او خوندي کډوالۍ سېسټم پر رامنځته کېدو ټينګار کړی.
هېواد کې د لروپرتو سیمو یوشمېر اوسېدونکي وايي، د روغتیايي مرکزونو نهشتون او د لارو خرابوالي له امله نهشي کولای، پر وخت د خپلو ناروغانو درملنه وکړي.
د هلمند د نهرسراج ولسوالي اوسېدونکی ګلاحمد وايي: «دلته هېڅ کلینیک نشته چې موږ رسېدګي ورته وکړو؛ که وي هم هغه ډېر لرې دی راڅخه. داسې کوم ځای نشته چې موږ ناروغان وروړ کلینیک دلته له سره نشته، که وي هغه هم ډېر لرې دی.»
ټاکل شوې چې د سوریې بهرنیو چارو وزیر اسدحسن الشېباني په خپل لومړي بهرني سفر سعودي عربستان ته سفر وکړي.
نوموړي ته د سعودي بهرنیوچارو وزیر شهزاده فیصل بنفرهان بن عبدالله بلنه ورکړې. الشېباني همداراز لیکلي چې سعودي عربستان سره په هره برخه کې ښې ستراتیژیکې اړیکې غواړي.
د هلمند ناوهمېش ولسوالي کې د امنیتي خدماتو د ښهوالي او اداري چارو د تنظیم لپاره د امنیه قومنداني لپاره د نوې ودانۍ د جوړېدو چارې پیل شوې.
د یادې ودانۍ جوړېدو لپاره یو میلیون او څلورسوه زره افغانۍ ځانګړې شوې دي.
د کندهار کرنې ریاست په ریګستان ولسوالي کې د طبیعي بوټو د ساتنې لپاره ځانګړی کمپاین پیل کړی چې پرمهال یې، پاکستان ته د «شملغې بوټو» د قاچاق مخه نیول شوې.
د یاد ولایت د کرنې، اوبولګولو او مالدارۍ ریاست د رېګستان ولسوالي په بېلابېلو سیمو کې د طبیعي بوټو د ساتنې او پرېکولو د مخنیوي لپاره کمپاین کړی دی.
د خوست ښاروالي مسوولان وايي چې په ۱۳۵ میلیونه افغانۍ د نوې «غلې منډوي» د جوړېدو چارې پیل شوې.
د ښاروالي له لوري په خپره شوې خبرپاڼه کې د خوست ښاروال قاري بسمالله بلال له قوله ويل شوي چې نوې منډوي د ښار دویمه ناحیه «تخته بیکې» سيمه کې پر ۲۰ جریبه ځمکه جوړېږي.
په پکتیا کې چارواکي وايي چې دغه ولایت کې د متحده عربي اماراتو د حکومت له لوري د پنځه ميليونه امريکايي ډالرو په لګښت د يوه روغتون د جوړېدو چارې پيل شوې.
د مسوولانو په وينا، ياد ۱۵۰ بستريز روغتون پر ۲۵ جريبه ځمکه جوړېږي چې دوه ودانۍ لري او هره ودانۍ به څلورو پوړه وي او چارې به يې راتلونکو دوو کلونو کې بشپړې شي.
کابل کې د «ستارههای متحد» په نوم د هنري اثارو جوړ شوی څلورورځی نندارتون نن دوشنبه، جدي لسمه پای ته ورسېد.
دغه نندارتون کې ۴۰۰ بېلابېل ډوله هنري اثار نندارې ته کېښودل شوي وو چې تنظیموونکي یې، وايي، دې نندارتون کې ګڼشمېر ښځو او نجونو ګډون کړی.
د لوګر د کلیو پراختیا او بیارغونې ریاست مسوولان وايي چې د ماشومانو لپاره د ملګروملتونو ملاتړې ادارې (UNICEF) له لوري د دغه ولایت محمداغې ولسوالي زرغون ښار «دهمنکه» کلي کې د څښاک پاکو اوبورسولو یوه شبکه جوړه او ګټېاخېستنې ته وسپارل شوه.
د بهرنیو چارو وزارت سیاسي مرستیال شېرمحمد عباس ستانکزي د افغانستان لپاره د اذربایجان له سفیر الهام محمدوف سره کتلي دي.
د بهرنیو چارو وزارت د ویاند مرستیال ضیااحمد تکل وايي، دغه کتنه کې د دغه وزارت سیاسي مرستیال د دواړو هېوادونو ترمنځ د سیاسي، اقتصادي او ټولینزو همکاریو د پراختیا غوښتنه کړې.
د اسټرالیا کرېکټ ملي لوبډلې له یوې په زړه پورې لوبې وروسته هند ته په څلورمه ټسټ لوبه کې په ۱۸۴ منډو ماته ورکړه.
اسټرالیا په دې لوبه کې هند ته د ۳۴۰ منډو هدف ورکړی و چې هند د ټولو لوبغاړو په سوځېدو سره یوازې ۱۵۵ منډې جوړې کړې.
د میدانوردګ د کار او ټولنیزو چارو ریاست وایي چې د دغه ولایت په مرکز میدانښار او یوشمېر ولسوالیو کې شاوخوا ۷۰۰ کسانو ته د مسلکي زدهکړو زمینه برابره شوې.
د هرات اوسېدونکې سيما چې د زعفران پر کښت بوخته ده، وايي، له دې لارې د خپلې کورنۍ اړتیاوې برابروي او په وینا یې، ډېرې ستونزې حل کړي دي.
هغه سلاموطندار ته وايي چې د زعفرانو کښت یې، له کوره پیل کړ او کله یې چې ګټه ولیده، د یوې موسسې په مرسته یې، خپل کار ته پراختیا وکړه.
د روسیې بهرنیو چارو وزارت شنبه، ډسمبر ۲۸مه ویلي چې مسکو د افغانستان او پاکستان ترمنځ وروستي کړکېچ ته اندېښمن دی.
د روسیې بهرنیو چارو وزارت ویاندې ماریا زاخارووا د افغانستان له سرپرست حکومت او پاکستان غوښتنه کړې چې له زغم کار واخلي او هڅه وکړي، څو شته اختلافات د خبرو له لارې حل کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
