د هرات د اطلاعاتو او فرهنګ ریاست له لوري د دې ولایت د خطاطانو انجمن په همکارۍ، د «قلم ځلا» تر سرلیک لاندې د «کوفي خط» لومړنۍ نندارتون نن (دوشنبه، زمري ۱۳مه) پرانېستل شوی دی.
د نندارتون جوړوونکی، سیدشمسالدین نوريزاد وايي، په دې نندارتون کې ۴۵ هنري اثار د «کوفي خط» په بېلابېلو سبکونو، په ځانګړي ډول د لومړي هجري قرن دودیز سبکونو، نندارې ته کېښودل شوي دي.
غزه کې چارواکي وايي چې د اسراییلي ځواکونو د هوايي او ځمکنیو بریدونو له امله ۹۲ کسانو خپل ژوند له لاسه ورکړی دی.
دغه کسان یوازې پرون «یکشنبه، اګسټ درېیمه» وژل شوي چې ۵۶ کسان یې، مرسته ترلاسه کوونکي دي.
د ملګروملتونو د کډوالۍ سازمان وايي چې د یمن په سواحلو کې د یوې کښتۍ د ډوبېدو له امله ۶۸ افریقايي کډوالو ژوند له لاسه ورکړی او ۷۴ نور ټپیان شوي دي.
یمن کې د ملګروملتونو د کډوالۍ سازمان «IOM» مشر عبدالستار ایسویوف اسوشیډېډپرېس خبري اژانس ته ویلي چې په دې کښتۍ کې د ایتوپیا ۱۵۴ وګړي سپاره وو او د یمن ابین ښار ته نږدې په اوبو کې ډوبه شوې ده.
د ایران د بشري حقونو سازمان «ههنګاو» مسوولان وايي چې ایران د تېرې جولای میاشتې پرمهال د دغه هېواد په زندانونو کې پنځه افغانان په دار ځړولي دي.
دغه سازمان «یکشنبه، زمري دولسمه» په یوه راپور کې ویلي چې د ایران په زندانونو کې د ۹۶ کسانو د اعدام حکم اجرا شوی دی.
د راپور پر بنسټ، اعدام شوي کسان د نشهيي توکو، وژنې، جنسي تیري او سیاسي فعالیتونو په تور نیول شوي وو.
د اسراییلو لومړي وزیر بنیامین نتنیاهو غزه کې له سره صلیب غوښتنه کړې چې له حماس سره یرغمل شویو ته بېړنۍ مرستې ورسوي.
نتنیاهو د سره صلیب نړیوال سازمان سیمهییز مشر جولیان لیریسن سره د خبرو پرمهال پر هغه غږ کړی چې غزه کې د حماس له لوري یرغمل شویو ته خواړه برابر او طبي مرستې ورسوي.
د خوست ښاروالي مسوولان وايي چې د ۵.۷ میلیونه افغانیو په لګښت د اوومې ناحیې اداري ودانۍ جوړه او ګټېاخیستنې ته وسپارل شوه.
د خوست ښاروالي څخه په استول شوې خبرپاڼه کې راغلي چې د ښاروالي اړوند اوومې ناحيې لپاره اداري وداني د ۵.۷ ميليونه افغانيو په لګښت بشپړه او نن «یکشنبه، زمري ۱۳مه» ګټېاخيستنې ته وسپارل شوه.
د ملګرو ملتونو د پراختیايي ادارې UNDP په مالي ملاتړ لوګر کې له ۱۸۰ متشبثو ښځو سره د کوچنیو کاروبارونو د پراختیا په موخه نغدي
د غزني یوشمېر اوسېدونکي او ناروغلرونکي سلاموطندار ته وايي چې د یاد ولایت، ولايتي روغتون د ناروغانو درملنې او معاینې لپاره کافي ځای نهلري او ناروغان کوچنیو خونو او په لنډمهاله توګه یې، درملنه کېږي.
د غزني اوسېدونکی رامین وايي چې ناروغانو او ناروغلرونکو ته ورکړل شوې کوچنۍ خونې، د مراجعهکوونکو په پرتله په نشت حساب دي.
د ایران دولتي رسنۍ د دغه هېواد د پوځ د مشر امیر حاتمي له قوله ویلي چې د اسراییلو ګواښونه لاهم شته دي او باید ورته په کمه سترګه ونهکتل شي.
د لوګر عامې روغتیا ریاست مسوولان وايي چې د عامې روغتیا وزارت له لوري د مرکز پلعلم ښار اړوند په «نائبامینالله خان لوګري» درې سوه بسترېز روغتون کې د سترګو ناروغانو د درملنې لپاره لنډمهاله کمپ پرانېستل شوی دی. ده وویل، د سترګو بې وزله او اړو ناروغانو ته په دې پروګرام کې لمړیتوب ورکول کیږي او ټوله درملنه یې په وړیا ډول ترسره کیږي.
د اوکراین اندیپندنت ورځپاڼې د دغه هېواد د هوايي ځواک د معلوماتو پر بنسټ، راپور ورکړی چې روسیې یوازې د ۲۰۲۵ کال د جولای په میاشت کې ۶۱۲۹ د شاهد ډول ډرونونه پر اوکراین توغولي؛ دا شمېر د له جولای وړاندې میاشتې په پرتله له ۵۳۳۷ ډرونونو څخه ډېر دی.
د ایران بهرنیو وزیر مرستیال سعید خطیبزاده وايي چې دغه هېواد له امریکا سره د هر ډول غیرمستقیم تعامل او خبرو ته بېړه نهلري.
د ایسنا خبري اژانس راپور ورکړی چې خطیبزاده ویلي، ایران باید ډاډ ترلاسه کړي چې امریکا سره د خبرو پیل او یوې پایلې ته د رسېدو لپاره کافي تضمینونه شتون ولري.
د ملګروملتونو د خوړو نړیوال سازمان WFP اندېښنه ښوولې چې افغانستان کې د لوږې بحران د هرې ورځې په تېرېدو لا پسې ژوریږي.
دغه سازمان نن ویلي، ښځې، ماشومان او بیرته راستنېدونکي تر ټولو زیانمنو کسانو څخه دي.
راپور کې ویل شوي چې راتلونکو شپږو میاشتو کې د اړمنو افغانانو وضعیت ته د رسېدو لپاره ۵۳۹ میلیون ډالرو ته بېړنۍ اړتیا لري.
حماس ویلي، د فلسطین هېواد تر جوړېدو پورې د وسلو اېښودو ته چمتوالی نهلري. حماس غزه کې د اوربند خبرو لپاره د اسراییل د یوې
د غزې په بېلابېلو سیمو کې د اسراییلو د بریدونو له امله یوازې نن «شنبه، اګسټ دویمه» ۲۴ کسانو خپل ژوند له لاسه ورکړی دی.
په وژل شویو کې ۱۳ کسان مرسته ترلاسه کوونکي وو چې د مرستو ترلاسه کولو لپاره د مرستو وېش مرکز مخېته ولاړ وو.
د عزیزي ګروپ مشر میرویس عزیزي وايي چې هېواد کې سیاسي موخې نهلري او په وینا یې، یوازینی هدف یې، له سیالانو سره د خپل ولس سیال کول دي.
نوموړي دغه څرګندونې نن شنبه، زمري یوولسمه، کابل کې د لس میلیارډ ډالرو په ارزښت د «لس زره مېګاواټه برښنا» د تولید تفاهملیک د لاسلیک غونډه کې وکړې.
