د میدانوردګ د امربالمعروف، نهې عنالمنکر او شکایتونو اوریدو ریاست وایي چې دغه ولایت کې محتسیبینو یو مسلکي کوډګر نیولی دی.
د دغه ولایت د امر بالمعروف، نهي عنالمنکر او شکایتونو اورېدو ریاست له لوري سلاموطندار ته په رالیږل شوې خبرپاڼه کې ویل شوي چې دغه کوډګر د محتسیبینو له لوري د سیداباد ولسوالي په مرکزي حوزه کې نیول شوې دی.
د نیوزیلنډ لومړي وزیر کریسټوفر لکسون، د اسراییلو پر لومړي وزیر بنیامین نتانیاهو توندې نیوکې کړي او ویلي یې دي چې هغه «خپل عقل له لاسه ورکړی» دی.
لکسون د غزې پر تازه بریدونو سخت غبرګون ښودلی او دا یې «په بشپړ ډول د نه منلو وړ» بللي دي.
د روسیې ولسمشر ولادیمیر پوتین د شمالي کوریا له مشر کېم جونګ اون سره ټیلیفوني خبرې کړي او هغه ته یې د دې اوونۍ په جریان کې په الاسکا کې د امریکا له ولسمشر ډونالډ ټرمپ سره د پلان شویو خبرو تازه معلومات ورکړي دي.
د امریکا د بهرنیو چارو وزیر وايي چې د فلسطین حماس ډلې ته اجازه نهشو ورکولای چې پر غزې خپلې واکمنۍ ته دوام ورکړي.
د بهرنیو چارو وزیر، مارکو روبیو، په خپلو وروستیو څرګندونو کې ویلي: «نشي کېدای حماس ته اجازه ورکړو چې پر غزې خپلې واکمنۍ ته دوام ورکړي.»
د هنګري لومړي وزیر، ویکتور اوربان د جمعې د ورځې د ټاکل شوې لیدنې په درشل کې چې د امریکا ولسمشر ډونالډ ټرمپ او د روسیې ولسمشر ولادیمیر پوتین ترمنځ کېږي، ویلي دي چې روسیه د اوکراین په جګړه کې بریالۍ شوې ده. اوربان وویل: موږ داسې خبرې کوو لکه دا چې دا یوه نه ختمېدونکې جګړه وي، خو داسې نه ده. اوکراینیانو جګړه بایللې ده، روسیې دا جګړه ګټلې ده.
غزني کې د هغو کسانو په جنازه کولو او فاتحه اخیستو بندیز لګول شوی چې ځان وژنه کوي. د غزني والي عبدالصمد جاوید د امربالمعروف
د صنعت او سوداګرۍ وزارت سرپرست نورالدین عزیزي قرغزستان ته د سفر پرمهال د هغه هېواد د اقتصاد او سوداګرۍ وزیر باکیت صدیکوف سره لیدلي.
نن سهشنبه د اګست ۱۲مه د کار نړیوالې ورځې سره هممهاله، د کار او ټولنیزو چارو وزارت مسوولان وايي، تېر یوه کال کې یې څه
د پکتیکا د پوهنې رياست نن سهشنبه یوه خبرپاڼه کې ویلي، ګیان ولسوالي کې د «لستور» لېسې لپاره د یو مرستندوی بنسټ له لوري د
د پکتيا د صنعت او سوداګری رياست مسوولان وايي چې دغه ولایت کې نن «سهشنبه، زمري ۲۰مه» د سيکارام احمدي بازارموندنې شرکت له لوري درې ورځنی ملي او نړيوال نندارتون پرانېستل شوی دی.
د ياد نندارتون د پرانيستې مراسمو کې د پکتيا د صنعت او سوداګرۍ رییس مولوي محمدعظيم عظيمي وويل چې د ياد نندارتون په ۶۵ غرفو کې بېلابېل کرنيز، توليدي توکو نندارې ته اېښودل شوي دي.
د سعودي ولیعهد شهزاده محمدبن سلمان د اوکراین له ولسمشر ولودیمیر زېلېنسکي سره تلیفوني خبري کړې دي.
د سعودي رسمي خبري اژانس «واس» د راپور له مخې، محمدبن سلمان او زېلېنسکي په دې تلیفوني خبرو کې د اوکراین د کړکېچ وروستي پرمختګونه څېړلي او پر نورو موضوعاتو یې هم خبرې کړې دي.
د پکتيکا ولایت مقام څخه په استول شوې خبرپاڼه کې ویل شوي چې د عامې روغتيا وزارت د مرستيال عبدالولي حقاني او نورو ولايتي چارواکو له لوري د عامې روغتيا رياست په انګړ کې د کتلوي معافيت لپاره د ۱۳ميليونه افغانيو په لګښت د نوې ودانی جوړېدو چارې پيل شوې.
د سمنگان محلي چارواکي وايي چې د دې ولایت په مرکز او ولسوالیو کې د ۱۶ میلیونه افغانیو په لګښت د اوو پروژو چارې پيل شوې.
د سمنگان د کلیوبیارغونې او پراختیا ریاست رییس اخترمحمد مصباح وايي چې د دې پروژو کار (دوشنبه، د زمري ۲۰مه) د ایبک ښار او د خرم او سارباغ ولسوالیو کې پیل شوی دی.
ملګري ملتونه وايي چې غزه کې د روانې جګړې او کلابندۍ له امله شاوخوا سل ماشومانو د لوږې له امله خپل ژوند له لاسه ورکړی دی.
د ملګروملتونو د بشردوستانه مرستو د همغږۍ دفتر اوچا دغه وضعیت له شرمه ډک او ویجاړونکی بللی او د بېړني اقدام غوښتنه یې کړې ده.
د اسراییلو لومړی وزیر بنیامین نتنیاهو وايي چې غزه کې به ډېر ژر نوي پوځي عملیات پیل کړي او ټينګار یې کړی چې دغه لړۍ به په چټکۍ پای ته ورسېږي.
د رویټرز خبري اژانس د راپور له مخې، نتنیاهو په امنیتي کابینه کې د غزې د نیولو جنجالي طرحې له تصویب وروسته د حماس پر ماتې او برمته شویو پر ازادېدو ټينګار کړی دی.
د پکتیکا محلي مسوولان وايي چې دغه ولایت کې د خلکو په شخصي لګښت په دوه میلیونه افغانیو یوه ښوونځي ته ودانۍ جوړېږي.
د پکتيکا پوهنې رياست څخه په استول شوې خبرپاڼه کې ویل شوي چې په یوسفخېل ولسوالي کې د سیمې د خلکو لهخوا د دوه میلیونه افغانیو په لګښت د يو ښوونځي لپاره نوې ودانۍ جوړیږي.
