د امنیې قومنداني ویاند عبدالفتاح فایز سلاموطندار ته ویلي، دا پېښه د جمعې پر ورځ (تلې یوولسمه) مادیګر مهال رامنځته شوې ده. د نوموړي په وینا، برید دوه وروڼو، شفیعالله او طالب چې د ملنګ زامن او د الهسای ولسوالي اوسېدونکي دي، کړی او وروسته د «کوټي» کلي ته تښتېدلي دي.
د میدانوردګ د بدني روزنې او ورزش امریت مسوولان وایي چې د دغه ولایت په کوربتوب د کابل او غزني ولایتونو ترمنځ د والیبال سیالي پای ته ورسېدې.
د دغه ولایت د بدني روزنې او ورزش امر ذبیحالله وهاج سلاموطندار ته وویل چې یادې سیالي د والیبال فدراسیون له لوري د میدان ښار په دولتي جمنازیوم کې جوړې شوې وې چې یوه ورځ یې دوام وکړ.
د لوګر امنیه قومنداني مسوولان وایي چې د دغه ولایت امنیتي ځواکونو د یوه کشفي راپور له مخې، د خوښۍ ولسوالي په «دوبندي» سیمه کې ۶۷۴ کېلو ګرامه اومان بوټي نیولي دي.
د دغه ولایت امنیه قومنداني ویاند مولوي احمدالله انس سلاموطندار ته وویل، نیول شوي بوټي په یوه هستوګنیز کور کې د ښېښې نشهيي توکو د جوړېدو لپاره ځای پر ځای شوي وو چې د امنیتي ځواکونو له لوري ونیول شول.
د افغانستان او بنګلهدېش د کرېکټ ملي لوبډلې نن جمعه، د تلې ۱۰مه نېټه، خپله دویمه شل اووره سیالي کوي. ټاکل شوې چې دا لوبه د افغانستان پر وخت د ماښام ۷ بجې د متحده عربي اماراتو په شارجه کرېکټ لوبغالي کې پیل شي. د پرونۍ لوبې په ترڅ کې د افغانستان توپوهونکو ښه کارکردګي ونه ښودله او د بنګلهدېش لوبغاړو د هدف ترلاسه کولو کې ښکلې لوبه نندارې ته وړاندې کړه.
د اندونیزیا حکومت اعلان کړی چې ټولنیزې شبکې ټیکټاک د برښنايي خدماتو د وړاندې کوونکي په توګه د دې اپلیکیشن د راجستر حالت یې ځنډولی
د روسیې ولسمشر ولادېمیر پوتین د امریکا د ولسمشر ډونالډ ټرمپ هغه څرګندونو ته په غبرګون کې چې روسیه یې «د کاغذي زمري» په نوم یاده کړې وه، وویل چې ښايي ناټو خپله د داسې یوه نوم وړ وي.
پوتین پرون پنجشنبه، اکتوبر دویمه خبرداری ورکړ، که واشنګټن اوکراین ته د توماهاک توغندیو د لېږلو پرېکړه وکړي، نو دا به د جګړې په کرښه کې نوی خطر لوړ کړي.
د اسراییلو پوځ ادعا کړې چې د لبنان سوېل په بوفور قلعه سیمه کې یې د حزبالله هغه تاسیسات په نښه کړي چې د دې ډلې د « بریدونو او دفاعي سېسټم» د مدیریت لپاره کارول کېدل.
د پوځ په خپره شوې خبرپاڼه کې راغلي: «په یاد ځای کې د ترهګریزو فعالیتونو نښې لیدل شوې وې او د وسلو زېرمتونونه، پوځي جوړښتونه او ځمکېلاندې تاسیسات بمبار شوي دي.»
د پاکستان د بهرنیو چارو وزیر، اسحاق ډار، ویلي چې د امریکا د ولسمشر ډونالډ ټرمپ له لوري د غزې په تړاو اعلان شوی ۲۰ مادهییز پلان د هغو مسلماناکثریت هېوادونو له مسودې سره سمون نهلري چې وړاندې یې ګډه طرحه وړاندې کړې وه.
د میدانوردګ د بدني روزنې او سپورټ امریت مسوولان وایي چې د ولایت په کچه د بوکسینګ دوه ورځنۍ ټاکنیزی سیالۍ ترسره شوې.
د هلمند چارواکي وایي چې په تېرو دوو ورځو کې د بهرامچې له لارې ۲۱۴ کورنۍ بېرته هېواد ته راستنې شوي دي.
د هلمند د والي ویاند، مولوي محمدقاسم ریاض سلاموطندار ته وویل: «ولایت مقام په مشرۍ د استقبال، ثبت او تثبیت کمېټې د راستنېدونکو کورنیو د هرکلي ترڅنګ د هغوی د ثبت او تثبیت پروسه ترسره کړه او په اړه یې اصولي کړنې ترسره شوې.»
غزه کې د اسراییلي ځواکونو د هوايي او ځمکنیو بریدونو له امله لږترلږه ۲۰ کسانو خپل ژوند له لاسه ورکړی او یوشمېر نور ټپیان شوي دي.
د روغتونونو سرچینې الجزیرې خبري شبکې ته ویلي چې د اسراییلو بریدونه د غزې په شمالي او مرکزي سیمو لاهم روان دي.
د ایران ولسمشر، مسعود پزشکیان، پر دغه هېواد د نړیوالو بندیزونو د بېرته راګرځېدو په اړه ویلي چې د هېواد اقتصاد باید د نفت او ګاز پر صادارتو ونه تړل شي.
د «ایرنا» د راپور له مخې، پزشکیان چې د پنجشنبې پر ورځ د بندرعباس ښار ته سفر کړی، په یوې ناستې کې وویل: «موږ هره ورځ شاوخوا ۸ میلیونه بوشکې نفت او ګاز تولیدوو. که یوازې ۱۰سلنه سپما په مصرف کې وکړو، دا د ۸۰۰زره بوشکو معادل دی.»
د ترکیې حکومت د نړیوالو بندیزونو په لړ کې د ایران د اتومي پروګرام اړوند شتمنۍ کنګل کړې دي.
د ترکیې دولت د نړیوالو بندیزونو په چوکاټ کې د ایران د اتومي پروګرام له اړوندو ۲۰ کسانو او ۱۸ بنسټونو شتمنۍ چې پهکې د ایران د اتومي انرژۍ سازمان هم شامل دی، کنګل کړي دي.
د مالیزیا لومړی وزیر انور ابراهیم، وایي چې د غزې د مرستو د کاروان پر کښتیو د اسراییلي کمانډو ځواکونو له لوري د ۲۳ مالیزیايي وګړو د نیولو خبر ورکړی دی.
انور ابراهیم په یوه ویډیويي پیغام کې چې پر ټولنیزو رسنیو خپور شوی، ویلي، د نیول شویو کسانو د خوشې کېدو لپاره به د منځني ختیځ له مشرانو ــ په ځانګړې توګه د ترکیې، مصر او قطر ــ څخه مرسته وغواړي.
د پروان په کوهصافي ولسوالي کې د نړیوال بانک د درې میلیونه افغانیو په لګښت د څښاک پاکو اوبو یوه شبکه جوړېږي.
د پروان د کلیوبیارغونې او پراختیا ریاست مسوولان وايي، د دې پروژې عملي چارې د کوهصافي ولسوالي د بچهخاک په کلي کې پیل شوي دي.
د هلمند کرنیز چارواکي دغه ولایت کې پر شاوخوا پنځه سوه پنځوس جریبه ځمکه سویابین کرل شوي چې پایله یې، تر ډېره مثبته ښودل شوې ده.
دغه ولایت د کرنې ریاست د کرنیزو چارو امر مولوي مطیعالله عابد سلاموطندار ته وویل: «دا ولایت کې پنځه سوه پنځوس جریبه ځمکه باندي د سویابینو کرنه تر څیړنې لاندې نیول شوې ده. دغه نبات د هلمند د خاوري، اوبو او هوا سره ښه توافق ښودلی او پایله یې مثبته تمامه شوې ده.»
