د میدانوردګ د نوي والي ملا خیراالله خیرخواه د دندې پيل مراسمو کې د کورنیو چارو وزارت مرستیال په ګډون د ا.ا لوړو پوړو چارواکو، دغه ولایت مسوولانو او قومي مشرانو ګډون کړی وو.
نوموړي وویل، اسلامي امارت مشرتابه چې کوم مسؤولیت ورته سپارلی په ښه توګه به یې ترسره کړي.
د هلمند امنيه قومنداني د تېرې یوې اوونۍ په اوږدو کې د نشهيي توکو پر ضد د ترسره شويو عملياتو پرمهال په لښکرګاه ښار او يوشمېر ولسواليو کې سلګونه کيلوګرامه نشهيي توکي او د پروسس وسايل او څو کارخانې کشف او لهمنځه وړي دي.
د اسراییلو دفاع وزیر اسراییل کاتز غزه کې د حماس ډلې ته خبرداری ورکړی چې وسلې پر ځمکه کېږدي او برمته شوي، کسان خوشې کړي.
نوموړي پر خپله اېکسپاڼه د غزې په تړاو سخت ګواښ کړی او ویلي یې دي چې نن به د دې سیمې د حماس ډلې پر اهدافو یو «ستر توپان» راښکته شي.
د پروان د امنیه قومنداني محلي مسوولان وایي، د دغه ولایت د سیاهګرد ولسوالي امنیتي ځواکونو د جبلالسراج او سیدخېل د امنیتي ځواکونو په همغږۍ، دوه کسان د موټرسایکلونو غلا په تور نیولي دي.
په غزني کې د اصلاح شويو تخمونو د توليد، پروسس او وېش يوې کارخونې په رسمي توګه په فعاليت پيل وکړ. د دې کارخونې د جوړېدو موخه په دغه ولايت کې د اصلاح شويو تخمونو د پروسس په برخه کې ځانبسیاینې ته رسېدل بلل شوي دي. هغه زياته کړه چې کارخونه په يوې پخوانۍ ودانۍ کې جوړه شوې، خو ډېر ژر به يې د فعاليت کچه نوره هم پراخه شي.
د روسیې بېړنیو حالتو وزارت ویلي، د افغانستان زلزلهځپلو لپاره د بشري مرستو دویمه جوپه یې کابل ته لېږلې.
په دې ۲۰ ټنه مرسته کې خېمې او کمپلې شاملې دي چې د روسیې ولسمشر ولادیمیر پوتین په امر استول شوي.
د کونړ له زلزلې څخه ۸ ورځې تېریږي او خلک لاهم د اوبو، خوړو، خیمو، کمپلو او درملو په ګډون بېړنیو مرستو ته اړتیا لري.
د خوست د پوهنې ریاست یوه خبرپاڼه کې ویلي، د یوې همکارې ادارې په مالي ملاتړ د دغه ولایت په درېیو ولسوالیو کې د ۱۰۷
له پېښو سره د مبارزې او چمتووالي ادارې مشر ملا نورالدین ترابي د جاپان سفیر تاکایوشي کورومایا سره کتنه کې د ګډو همکاریو په پراختیا
د هرات محلي چارواکي وايي چې نن یکشنبه، وږي ۱۶مه، په د ګلران ولسوالي په «زیارت بابای فرق» کلي کې د اوبو د یوه بند د جوړولو چارې پیل شوې دي.
دغه ولایت کې د سرې میاشتې د څانګې د دفتر رییس احمدراشد وايي چې دغه پروژه د سره صلیب نړیوالې کمېټې مالي ملاتړ لاندې «د اقلیمي بدلون پر وړاندې هوښیارې کرنې» تر عنوان لاندې پلې کېږي.
د پنجشیر د کانونو او پټرولیم ریاست مسوولان وايي چې د کانونو وزارت تخنیکي او مسلکي ټیم د خپلو وروستیو سروېګانو پرمهال د یاد ولایت په عنابه، رخه، ابشار او پریان ولسوالیو کې تازه د بیروجو لس کانونه تثبیت کړي دي.
د فلسطین اسلامي جهاد ډلې «القُدس بریګیډز» پوځي څانګې پر اسراییلو د ویشتل شویو توغندیو مسوولیت پر غاړه اخیستی دی.
یادې ډلې ویلي چې دوی د اسراییل نتایوت ښار پر دوو توغندیو ویشتلی دی. دغه ډله وایي چې د یو لړ عملیاتو په ترڅ کې یې دغه توغندي ویشتلي.
د بدخشان د نسيدرواز ولسوالي کې سرچینې وايي چې د پخواني شوروي اتحاد پرو ړاندې د جګړې پرمهال د یادې ولسوالي یو اوسېدونکی د کوف-نسيدرواز ولسوالي پر لویه لاره ورک شوی و چې پرون شنبه، وږي ۱۵مه یې، سالم جسد موندل شوی دی.
د سرچینې په وینا، د نوموړي جسد د ویدغز بند کې ورک شوی و چې تېره ورځ د کنګل شویو یخونو له اوبوکېدو سره د هغه جسد پیدا شوی دی.
د اوکراین پر پلازمېنې کېیف د روسیې د ډرون او توغندیو تر ټولو پراخ بریدونو پرمهال درې کسان وژل شوي او ۱۸ نور ټپیان دي.
بریدونه نن یکشنبه، اګسټ اوومه، سهار مهال د کېیف پر بېلابېلو سیمو شوي دي.
د هېواد په ختیځ کې زلزله ځپلو سره د چین د بشري مرستو لومړۍ جوپه نن سهار کابل ته ورسېده. د چین د نړیوالې همکارۍ
د اسراییلو پوځ وايي چې له غزې تړانګې څخه دوه توغندي د دوی پر لور ویشتل شوي چې دا د تېرو درېوو اوونیو راهیسې لومړي ځل دی چې له غزې برید کېږي.
د پوځ په وینا، د اسراییلو دفاعي سېسټم یو توغندی په فضا کې شنډ کړی، خو بل یې په یوه تشه سیمه کې لګېدلی دی او کوم زیان یې نهدی اړولی.
تر اوسه کومې ډلې په رسمي توګه د دغه برید مسوولیت نه دی منلی.
د اسراییلو چارواکي زیاتوي چې د غزې له لوري هر ډول برید د حماس مسوولیت ګڼل کېږي؛ هغه ډله چې پر غزې تړانګې واک لري.
د سمنګان محلي مسوولان وايي چې دغه ولایت کې د ۲۱ میلیونه افغانیو په لګښت د دوو پراختیايي پروژو چارې پیل شوې.
د مسوولانو په وینا، په دې پروژو کې د غرونو ښووېیدو او له سېلابونو د سړکونو خوندي ساتلو لپاره د دوو استنادي دیوالو جوړول، شامل دي.
یاد استنادي دیوالونه به ۱۸۰ متره اوږدوالی او ۷.۲۸ متره پلنوالی ولري. ټاکل شوې چې یادې پروژې د سمنګان خُلم ولسوالي اړوند تاشقرغان تنګي او صیاد ګولايي کې رغول کېږي.
