د امریکا ولسمشریزو ټاکنو نوماند ډونالډ ټرمپ وايي، که نومبر کې د دغه هېواد په ولسمشریزو ټاکنو کې بریالی نهشي، نور به هېڅکله ولسمشر ته ځان نوماند نهکړي.
نوموړي له یوې رسنۍ سره په مرکه کې ویلي، دی باوري دی چې ولسمشریزو ټاکنو کې به بریالی شي. امریکا کې شوې سروې ښايي چې ډونالډ ټرمپ او د هغه سیاله کاملا هارېس په هغو ایالتونو کې چې د ولسمشر په ټاکلو کې مهمه ونډه لري، یو شان روان دي.
د کابل ښاروالي مسوولان وايي پلازمېنه کابل کې د ودانیو جوړولو کار ته اجازه ورکړل شوې او هر کس کولای شي، له یوه تر لس پوړه ودانۍ جوړه کړي.
د مسوولانو په وینا، د ودانۍ جوړونکي کس د ملکیت تثبیت باید شوی وي او د کابل ښاروالي اجازهلیک هم ترلاسه کړي.
هرات کې د روحالله عزیزي په نوم یوه زدهکړیال د ۵۳۰زره افغانیو په لګښت یو موټر جوړ او نندارې ته وړاندې کړی دی.
روحالله عزیزي چې د انجینیري پوهنځي د دویم کال زدهکړیال دی، وايي، د رباتونو او ماشینونو جوړولو سره یې، لېوالیتا ډېره ده او په وینا یې، دغه موټر یې د څلور میاشتو په موده کې جوړ کړی دی.
د زابل امنیتي مسوولان وايي چې د دغه ولایت په بېلابېلو سیمو کې د خلکو په شخصي لګښت په ۲۵ میلیونه افغانۍ اته پُلونه جوړ شوې دي.
د زابل ارغنداب ولسوالي امنیه قومندان حاجي نورلله صدیقي وایي، دغه پُلونه د امنیه قومنداني په همکاري او د خلکو په مالي ملاتړ تېرکال جوړ شوې دي.
د امارتي شرکتونو لوی ریاست مسوولان وايي چې د تېرکال پرمهال هېواد کې یو میلیون، ۲۰۶زره او ۶۷۱ مېګاواټه برښنا تولید شوې ده.
د یاد ریاست مسوولانو په وینا، له دې سربېره د تېرکال پرمهال ۵ میلیونه ۶۷۲زره او ۷۹۶ مېګاواټه برښنا له ګاونډیو هېوادونو څخه افغانستان ته وارده شوې.
د افغانستان کرېکټ ملي لوبډله نن یکشنبه، تلې لومړۍ نېټه د سوېليافریقا لوبډلې سره درېیمه او وروستۍ یو ورځنۍ لوبه کوي.
ټاکل شوې چې یاده لوبه نن مازدیګر د افغانستان پر وخت ۴:۳۰ بجې پیل شي.
د میدانوردګ محلي مسوولان وایي چې د ملګروملتونو د خوړو او کرنې نړیوال پروګرام (FAO) له لوري د دغه ولایت په سیداباد ولسوالي کې د ۲۵۰زره امریکایي ډالرو په ارزښت د یوشمېر رغیزو پروژو چارې پیل شوې.
خوست کې د غلامخان بندر د کمېساري مسوولان سلاموطندار ته وايي چې د پاکستاني او افغان ځواکونو ترمنځ د شوې جګړې له امله دغه لار له تېرو دوو ورځو راهیسې تړلې.
د غلامخان بندر کمېسار مولوي بهاييجان بلال «شنبه، وږي ۳۱مه» سلاموطندار ته وویل چې لاره د وړمې شپې جګړې له کبله تړل شوې.
ټاکل شوې د روانې اوونۍ د سهشنبې پر ورځ د امریکا نیویارک ښار کې د ملګروملتونو سازمان ۷۹مه کلنۍ غونډه جوړه شي.
غزې او اوکراین کې د روانو جګړو په څېر د سترو نړیوالو ننګونو ترڅنګ به، د افغانستان مسله هم د ملګروملتونو سازمان د غړو هېوادونو د کلنۍ غونډې د بحث وړ موضوع واوسي.
د زابل مرکز کلات ښار یوشمېر اوسېدونکي دغه ښار کې د ککړتیا او ناپاکۍ له امله شکایت کوي.
د کلات اوسېدونکی اخترګل له ښاروالي غوښتنه کوي چې د ښار پاکوالي ته جدي پاملرنه وکړي. د ده په وینا، اوس د ښار ډېری واټونه او واړه کانالونه د کثافاتو ډک دي او خلک له ګڼو روغتیايي ستونزو سره مخ دي.
د لبنان په پلازمېنې بېروت کې د اسراییلي ځواکونو د هوايي بریدونو په ترڅ کې د حزبالله ډلې د یوه لوړپوړي قومندان په ګډون ۱۴ کسان وژل شوي دي.
برید جمعه، سپټمبر ۲۰مه شوی دی.
د مکسیکو د لوېدیځ سېنالوا ایالت کې د دوو وسلهوالو سیالیو ډلو ترمنځ د نښتو پرمهال ۵۳ کسان وژل شوي او ۵۱ نور ورک دي.
اوکراین د دغه هېواد په دولتي دستګاوو کې پر حکومتي چارواکو د ټېلېګرام پر کارونې بندیز لګولی دی.
اوکراین دغه کار د روسیې لهخوا د څار په اړه د اندېښنې له امله کړی دی.
د غزې په بېلابېلو سیمو کې د اسراییلي ځواکونو د ټانک او هوايي بریدونو پرمهال لږترلږه ۲۷ کسانو خپل ژوند له لاسه ورکړی دی.
غزه کې بریدونه جمعه، سپټمبر ۲۰مه داسې مهال شوي چې اسراییلو لبنان کې د ایران ملاتړې ډلې حزبالله پر مرکزونو هم پراخ بریدونه کړي دي.
د افغانستان فوټسال ملي لوبډله د فوټسال نړیوال جام ګروپ پړاو سیالیو په لړ کې نن شنبه، سپټمبر ۲۱مه د اوکراین پر وړاندې سیالي کوي.
ټاکل شوې چې یاده لوبه نن د افغانستان پر وخت د شپې ۷:۳۰ بجې د اوزبیکستان په «انډيجان یونېورسل سپورټس کمپلېکس» لوبغالي کې پیل شي.
د جوګي قوم نږدې ۳۰۰ کورنۍ د افغانستان د پلازمېنې په خیرخانې کوتل کې د ژوند له لومړنیو امکاناتو پرته تر خیمو لاندې په سختو شرایطو کې ژوند کوي.
د جوګي قوم ښځې او نجونې له سختې بېوزلۍ، ټولنیز توپیري چلن، روغتیايي او د زدهکړو خدمتونو ته نه لاسرسی، په کم عمر کې ودېدو او نورو بېلابېلو ټولنیزو فشارونو سره مخامخ دي.
