د پکتیکا محلي مسوولان وايي چې دغه ولایت کې د یوه خیریه بنسټ له لوري یتیمو او بېسرپرسته کورنیو ته د هستوګنې ۲۰ کورونه جوړ او سپارلي دي.
دغه کورونه د یاد ولایت په خوشامند ولسوالي کې د «المواسات خیریه بنسټ» له لوري جوړ شوي چې د ولايتي مسوولانو لهخوا بېسرپرسته او یتیمو کورنیو ته وسپارل شول.
بدخشان کې د تېرکال په پرتله سږکال د للمي غنمو او وربشو حاصلات د پام وړ کم شوي دي. د یادو حاصلاتو کمښت د اصلاح شویو تخمونو کموالی او ټیټ کیفیت یاد شوی دی.
د دغه ولایت یوه کروندګر وجههالدین سلاموطندار ته وايي، کروندګر د اړوند ادارو ملاتړ او پاملرنې ته اړتیا لري او شته ستونزې یې، باید هوارې شي.
د میدانوردګ د ښاروالي له لوري په مرکز میدانښار کې د تازه مېوې د راکړې ورکړې لپاره لوي سوداګریز مارکېټ پرانېستل شوی دی.
د یاد مارکېټ پرانېستې مراسمو ته د دغه ولایت مرستیال والي مولوي سیدالرحمن حافظ وویل، د میدانوردګ اوسېدونکو په ځانګړې توګه د بڼوالو لپاره دا یوه لویه لاستهراوړنه ده.
غزه کې روغتیايي سرچینې وايي چې د اسراییلو ځواکونو په نننیو بریدونو کې۴۳ کسانو خپل ژوند له لاسه ورکړی دی.
روغتیايي سرچینې الجزیرې ته ویلي چې ډېری دغه کسان د غزې مرکز او شمال کې د اسراییلو د بریدونو پرمهال په نښه شوې دي.
د حزبالله ډلې مرستیال نعیم قاسم وايي چې د اسراییلو او د یادې ډلې ترمنځ جګړه، هغه نښته ده چې لومړی په څوک وژړوي او په وینا یې، حزبالله به لومړی ونهژاړي.
رویټرز خبري ژانس نن سهشنبه، اکتوبر اتمه راپور ورکړی چې نعیم قاسم ویلي چې د یوه کال جګړې په تېرېدو سره یې، توان لا پرځای پاتې دی.
د لوګر یوشمېر فرهنګپال سلاموطندار ته وايي چې د پخوا په پرتله دغه ولایت کې د انځورګرۍ او خطاطي هنر کمرنګه شوی دی.
د دوی په وینا، د خطاطي او انځورګرۍ هنر ته د ځوانانو او فرهنګپالو نه پاملرنه، د باتجربه او مسلکي ښوونکو نشتون او د چاپي خدمتونو د مرکزونو زیاتوالی، د دغه هنر د پیکهکېدو مهم لاملونه بولي. د اطلاعاتو او فرهنګ ریاست هرکال د خطاطۍ او انځورګرۍ نندارتونونه او ورکشاپونه جوړوي.
هېواد کې یوشمېر کروندګر وايي، که د سرپرست حکومت له لوري ورته د بدیل کښت زمینه برابره نهشي، اړ دي چې د اقتصادي ستونزو له امله بېرته د کوکنارو کښت ته مخه کړي.
دغه کروندګر چې په تېر یوه کال کې یې د کوکنارو د کرلو پر ځای نورو کښتونو ته مخه کړې، شکایت لري چې د نشهيي توکو بدیل کښت ته لاسرسی نهلري.
د کندهار د کرنې، اوبولګولو او مالدارۍ ریاست مسوولان وايي چې دغه ولایت کې پر ۱۴۹۰ بڼوالو د حاصلاتو د راټولولو اړوند اړین توکي وېشل شوې دي.
د مرستو دغه لړۍ چې څه موده مخکې پیل شوې وه، د یاد ولایت پنجوايي او زېړۍ ولسوالیو کې پر ۳۰۹ بڼوالو د مرستو وېش سره، د مرستو ترلاسهکوونکو شمېر ۱۴۹۰ ته رسېدلی دی.
د لوګر کرنې، اوبولګولو او مالدارۍ ریاست مسوولان وایي چې د ملګروملتونو د خوړو او کرنې نړیوال سازمان (FAO) له لوري په مرکز پلعلم او درې ولسوالیو کې د ۱۹ میلیونه افغانیو په ارزښت د کرنې اړوند ۱۲ رغنیزو پروژو چارې پیل شوې.
د وروستیو ورځو پرمهال په پاکستان کې د امنیتي پېښو ترڅنګ د یوشمېر سیاسي او قومونو ګوندونو اعتراضونو زور اخیستی دی.
د امنیتي پېښو په لړ کې بېګاه شپه د دغه هېواد د کراچۍ ښار هوايي ډګر ته نږدې، پر چینايي وګړو برید شوی چې له امله یې، دوه چینايان وژل شوي او لس نور کسان ټپیان دي.
د پکتیکا محلي چارواکي وايي چې دغه ولایت کې پر ۳۰زره بزګرانو د اصلاح شوي تخم او کیمیاوي سرې د وېش لړۍ پیل شوه.
د پکتيکا ولايت مقام څخه سلاموطندار ته په لېږل شوې خبرپاڼه کې ويل شوي چې د مرکز ښرنې په ګډون په ټولو ولسواليو کې پر ۳۰زره بزګرانو د غنمو اصلاح شوی تخم او کيمياوي سره وېشلو لړۍ پيل شوې.
اسراییلي ځواکونو د غزې شمال په جبالیه کډوالو کمپ کې د یوه هوايي برید پرمهال ۱۹کلن فلسطینی خبریال وژلی چې ورسره په تېر یوه کال کې د وژل شویو خبریالانو شمېر ۱۷۵ ته رسېدلی دی.
د پاکستان په کراچۍ ښار کې د یوه ځانمرګي برید له امله دوه چینايي وګړي وژل شوي او یوشمېر نور ټپیان دي.
ځانمرګی برید پرون یکشنبه شپه، اکتوبر شپږمه د کراچۍ ښار نړیوال هوايي ډګر ته نږدې شوی دی.
پر اسراییلو د حماس او حزبالله ډلې د توغندیزو بریدونو له امله ۱۲ کسان ټپیان شوي دي.
د الجزیري خبري شبکې نن دوشنبه، اکتوبر اوومه راپور ورکړی چې د حزبالله ډلې د اسراییلو پر هایفه ښار توغندي توغولي چې پرمهال یې، لس کسان ټپیان شوې دي.
پکتیا کې د ګردېز ښاروالي مسوولان وايي چې دغه ولایت کې د ۴۰زره امریکايي ډالرو په لګښت د سړکونو د جوړېدو چارې پیل شوې.
د ګردېز ښاروالي د مسوولانو په وینا، د ملګروملتونو پراختيايي ادارې(UNDP) په مالي لګښت د پکتيا په مرکز ګردېز کې د لوړ پوړيزو ودانيو ترمنځ د کوچنيو سړکونو د کانګريټي جوړيدو چارې پيل شوې دي.
سلاموطندار له ۳۰ بېسواده مېرمنو سره مرکې کړې دي. د دغو مرکو موندنې ښيي چې یادې ښځې د بېلابېلو لاملونو له کبله بېسواده پاتې شوې دي. د دغو ښځو له ډلې دیارلسو یې کورني محدودیتونه، نهو یې اقتصادي ستونزې او شپږو نورو د لازمو شرایطو نه برابروالی او جګړه د خپلې بېسوادۍ لاملونه ښودلي دي. دوو نورو بیا هېڅ کوم لامل نهدی په ګوته کړی.
