د کار او ټولنيزو چارو وزارت د کار چارو مرستيال مولوي محمدزاهد احمدزی وايي، هرکال هېواد کې ۲۰زره کسان له حرفوي زدهکړو فارغېږي.
د نوموړي په وينا، دامهال هېواد کې د حرفوي زدهکړو۵۲ فعال مرکزونه شته چې هر کال ترې شل زره کسان فارغېږي او وزارت هڅه کوي، څو د حرفوي زدهکړو مرکزونه ولسواليو کې هم فعال کړي.
د کندهار کرنې، اوبولګولو او مالدارۍ ریاست مسوولان وايي چې د ملګروملتونو پراختیایي پروګرام «یواېنډيپي» په مالي ملاتړ د دغه ولایت په سپینبولدک کې د درېوو کانالونو د جوړېدو چارې پیل شوې.
دغه کانالونه د سپینبولدک په زنانه مارکیټ، کسیِ او ستون کارېز سیمو کې د ۵.۸ میلیونه افغانیو په ارزښت جوړېږي.
د پکتیا مرکز ګردېز ښار په ورزشي لوبغالي کې نن چهارشنبه، لړم ۲۳مه پر یوه کس د قصاص حکم پلی شوی دی.
د افغانستان سترې محکمې په یوې خبرپاڼه کې ويلي چې دغه کس د ميرزکې کړکين خولې اوسېدونکی دی د کلاشينکوف په واسطه یې، یو بل کس وژلی و.
د افغانستان د علومو اکاډمۍ له لوري کابل کې (د هېواد اوبیزو سرچینو څخه د مناسبې ګټېاخیستنې د لارو چارو څېړنې) تر سرلیک لاندې، یو ورځنی علمي څېړنیز سیمینار جوړ شو. د اوبو او برښنا وزارت مسوولان وايي، افغانستان له پرلهپسې وچکالي سره مخ دی او هېوادوال باید د اوبو له بېځایه مصرف څخه ډډه وکړي.
د مخابراتو او معلوماتي ټکنالوژۍ وزارت مسوولانو نن چهارشنبه، لړم ۲۴مه کابل کې د یوې غونډې پرمهال د مخابراتي او انټرنیټي خدماتو وړاندې کولو لپاره نوې بیې اعلان کړې. د مخابراتو او معلوماتي ټکنالوژۍ وزارت سرپرست وویل، دغه نوې بیې د خلکو په غوښتنه د اسانتیاوو او د شرکتونو ترمنځ د سالمې سیالۍ رامنځ ته کولو په موخه ټاکل شوې دي.
د روغتیا نړیوال سازمان وايي چې د روان ۲۰۲۴کال له پیل راهیسې تر دې مهاله افغانستان کې د پولیو یا ګوزڼ ۲۳ مثبتې پېښې ثبت شوي دي.
دغه بنسټ سهشنبه، لړم ۲۲مه خپل اوونیز راپور کې ویلي چې د تېرو یوولس میاشتو پرمهال افغانستان او پاکستان کې د پولیو ۷۱ پېښې ثبت شوي.
د پوهنې وزارت سرپرست حبیبالله اغا روزګان ته د سفر پرمهال ویلي چې د تېرحکومت پرمهال د یاد ولایت پوهنې ته پام نهو شوی.
د نوموړي په وینا، تېرې اداره کې د روزګان حق خوړل شوی او په وینا یې، هېڅ پام ورته نهدی شوی.
د کندهار کرنې، اوبولګولو او مالدارۍ ریاست مسوولان وايي چې دغه ولایت کې د ۲۴زره امریکايي ډالرو په ارزښت درېوو ولسوالیو کې د سبزیجاتو لپاره شنېخونې جوړېږي.
دغه شنېخونې د یواېنډيپي په مالې ملاتړ او د یاد ریاست د کرنیزو چارو آمریت تر څار لاندې د کندهار ارغنداب، دامان او ډنډ ولسوالیو کې جوړېږي.
زابل کې د قلات ښاروالي مسوولان وايي چې قلاتښار کې له هټیو راټول شوي، شاوخوا ١٢ ټُنه تاريخ تېر او بېکيفيته خوراکي او غیرخوراکي توکي سوځول شوي دي.
دغه تاریخي تېري توکي د قلات ښاروالي د مارکېټونو چارو د تنظيم او نظارت کمېټې لهخوا د تېرو دوو میاشتو پرمهال راټول شوي وو.
د عربي او اسلامي هېوادونو مشرانو د سعودي عربستان پلازمېنه «ریاض» کې د عربي ټولنې او اسلامي همکاریو د سازمان په بېړنۍ غونډه کې د غزې او لبنان د شخړو پر پای ته رسولو ټینګار کړی دی. غزه کې د حماس او اسراییلو ترمنځ د جګړې له پیل راهیسې تراوسه څه باندې ۱۴۶زره فلسطینیانو ته مرګژوبله اوښتې.
د خوست امنیتي مسوولان وايي چې دغه ولایت کې د تېرو دوو اوونیو پرمهال د نشهيي توکو د پلور په تور ۱۹ کسان نیول شوي دي.
د خوست امنیه قومنداني څخه نن «سهشنبه، لړم ۲۲مه» په لېږل شوې خبرپاڼه کې ويل شوي چې دغه کسان د امنيه قومنداني اړوند له نشهیي توکو سره د مبارزې منسوبینو له لوري نیول شوي دي.
ټاکل شوې چې ډونالډ ټرمپ د امریکا بهرنیو چارو وزارت لپاره مارکو روبیو د نوماند وزیر په توګه معرفي کړي.
ګڼشمېر امریکايي رسنیو راپور ورکړی چې ټرمپ بهرنیوچارو وزیر په توګه د مارکو روبیو ټاکلو ته رضایت ښودلی، خو کولای شي چې خپله پرېکړه بدله هم کړي.
د میدانوردګ د دښتټوپ له ښوونیز او روزنیز مرکز څخه ۲۶۱ کسان پولیس له عسکري زدکړو فارغ شول.
یاده فراغتغونډه کې د کورنیوچارو وزارت سرپرست سربېره، د یاد وزارت د تامیناتو رییس، د میدانوردګ والي، امنیه قومندان او نورو ګڼو لوړ پوړو مسوولانو پهکې برخه اخیستې وه.
د مالیزیا لومړی وزیر انور ابراهیم وايي چې د فلسطیني وګړو پروړاندې د روانې نسلوژنې پای ته رسولو لپاره دې، پر اسراییلو تسلیحاتي بندیزونه ولګول شي.
نوموړي دغه څرګندونې د عرب ټولنې او اسلامي همکاریو سازمان په غونډه کې کړې. دغه غونډه د سعودي عربستان په کوربهتوب روانه ده.
د غزې په بېلابېلو سیمو کې د تېرې دوو ورځو پرمهال د اسراییلو د هوايي او ځمکنو بریدونو له امله ۳۷ کسانو خپل ژوند له لاسه ورکړی دی.
روغتیايي چارواکي وايي چې د دوشنبې پر ماښام د غزې سوېليښار په خانیونس ته نږدې په یوه کافه کې د اسراییلو د برید له امله اووه کسانو خپل ژوند له لاسه ورکړ.
شاهین په ۲۰۲۰کال کې د ټرمپ ادارې او ا.ا ترمنځ د سولې یوې هوکړې ته په اشارې سره چې له افغانستان څخه د امریکايي ځواکونو د وتلو لپاره یې لاره هواره کړه، وویل: «داسې ښکاري چې ټرمپ د کار او عمل سړی دی او زه فکر کوم چې موږ باید د مسلو په حل کې رېښتیني واوسوو.»
هغه همداراز دې مرکه کې ویلي: «موږ له نړۍ او واشنټګن سره مثبت تعامل ته اماده یوو.»
