د غور د مرکز فيروزکوه ښار په ختيځ «پشتهیګامورک» سيمه کې د سېلابونو له امله د بېځايه شويو کمپ کې د طبيعي پېښو له امله یوشمېر بېځايه شوي لومړنيو اسانتياوو ته له محدود لاسرسي څخه شکايت کوي.
د برېل خط نړیوالې ورځې سره هممهاله، هېواد کې یوشمېر نابینایان د ښوونیزو خدمتونو او کاري فرصتونو نهشتون څخه شکایت کوي او له سرپرست حکومته غواړي چې د دوی میاشتني حقوق لوړ کړي. ده له سرپرست حکومته وغوښتل چې د نابینایانو د حقونو زیاتولو او ټولنه کې د هغوی فعاله حضور ته زمینه برابره کړي.
د لوګر د مخابراتو او معلوماتي ټکنالوژۍ ریاست مسوولان وایي چې د مخابراتو او معلوماتي ټکنالوژۍ وزارت له لوري تازه پلعلم کې هستوګنې کورونو ته د (FTTH) انټرنټ د لېږد پروژه منظور شوې او ډير ژر به ښاریانو ته د انټرنټ د لېږد بهیر پيل شي.
د مایکروسافټ نړیوال شرکت هوډ لري چې سږکال د اطلاعاتي مرکزونو پراختیا لپاره ۸۰ بیلون ډالر پانګونه وکړي.
دغه شرکت جمعه، جنورۍ درېیمه د وېبلاک په یوه پوسټ کې ویلي چې دغه پانګونه به مایکروسافټ ته دا وړتیا په لاس ورکړي چې پر مصنوعي ځېرکتیا سمبال پروګرامونو ته پراختیا ورکړي.
د پاکستان لومړیوزیر شهباز شریف وايي چې دغه هېواد کې د وسلهوالو ډلو د لهمنځه وړو وخت رارسېدلی دی.
نوموړي دغه څرګندونې پرون جمعه جنورۍ درېیمه اسلاماباد کې د ترهګرۍ ضد تګلارې په اړه د پوځي او ولسي چارواکو مرکزي کمېټې ته په وینا کې کړې دي.
د میانمار پوځي حکومت چارواکي وايي چې د یاد هېواد د خپلواکۍ ورځې په مناسبت د ۱۸۰ بهرنیو وګړو په ګډون ۵۸۶۴ بندیان خوشې کوي.
د میانمار دولتي رسنۍ خبر ورکړی چې دغه کسان به د یاد هېواد د خپلواکۍ ورځې په مناسبت د عمومي بښنې فرمان له مخې خوشې شي.
د غزې په بېلابېلو سیمو کې له تېرو دوو ورځو راهیسې د اسراییلي ځواکونو د بریدونو له امله۱۵۰ کسانو خپل ژوند له لاسه ورکړی دی.
د راپورونو له مخې، ۷۳ کسان پرون جمعه، جنورۍ درېیمه او پنجشنبه هم د بریدونو له امله ۷۷ کسانو ژوند بایللی دی. اسراییلو د غزې شمال کې د دوو روغتونونو کارکوونکو ته امر کړی چې له یادو روغتونونو ووځي.
د تېرې یوې شپې او ورځې پرمهال غزه کې د اسراییلي ځواکونو د بریدونو له امله څه باندې ۷۰ کسانو خپل ژوند له لاسه ورکړی دی.
بریدونه د غزې پر بېلابېلو سیمو شوي چې پرمهال یې، د ښځو او ماشومانو په ګډون یادو کسانو خپل ژوند بایللی دی.
د میدانوردګ محلي چارواکي وایي چې د طبیعي پېښو پروړاندې د مبارزې وزارت او ډاکار موسسې له لوري پر شاوخوا ۱۲۰ بېوزله کورنیو مرستې ووېشل شوې.
د هلمند امنیه قومنداني د جنايي جرمونو سره د مبارزې مدیریت مسوولانو د تېرو لسو میاشتو پرمهال ۸۰کسان د جنايي جرمونو په تور نیولي دي.
د امنیه قومنداني ویاند عزتالله حقاني وايي، دغه کسان تېرو لسو میاشتو کې د لښکرګاه او یوشمېر ولسوالیو اړوند سیمو کې نیول شوي.
د ټولګټو وزارت مسوولان وايي چې د سالنګ لویه لاره د واورې ورښت او توپان له امله د هر ډول تګ راتګ پرمخ تړل شوې.
د یاد وزارت ویاند محمداشرف حقشناس نن جمعه، جدي ۱۴مه سلاموطندار ته وویل چې یاده لاره تېره ورځ یوازې د باروړونکو موټرو پرمخ تړل شوې وه، خو په وینا یې، نن له غرمې مخکې ۱۰:۳۰ بجې د هر ډول تګراتګ پرمخ تړل شوې.
د کابل په ګډون یوشمېر ولایتونو کې نن پنجشنبه، جدي ۱۳مه د ژمي لومړۍ واوره وشوه.
د کابل یوشمېر اوسېدونکي د سږني ژمي د لومړنۍ واورې اورښت ته خوښ دي او وایي، د واورې ورېدو سره به د هوا ککړتیا راکمه شي. د کابل یوشمېر اوسېدونکو د سږني ژمي لومړۍ واوره د عکسونو په اخیستلو او د بېلابېلو تفریحي پروګرامونو په جوړولو ولمانځله.
د میدانوردګ امنیه قومنداني مسوولان وايي، د کابل – بامیان لویه لار د دغه ولایت د «اونۍکوتل» په سیمه کې د زیاتې واورې ورښت له امله د ترافیکو پر مخ تړل شوې.
د پلازمینې یوشمېر اوسېدونکي هېواد کې د کاري فرصتونو له نشتوالي شکایت کوي او له سرپرست کومت څخه غواړي چې په ۲۰۲۵ کال کې ورته د کار زمینه برابره کړي.
د ټولګټو وزارت مسوولان وايي چې د کابل-کندهار لویې لارې د سړک پنځمې برخې چارې بشپړې شوې. د دوی په وینا، د یاد سړک ساتنې به بشپړ پام او څارنه کوي او ډېر وزن لېږدېدونکو موټر مخه به نیسي.
غزه کې د اسراییلو ځواکونو د بریدونو له امله یوولس کسانو خپل ژوند له لاسه ورکړی او ۱۵ نور ټپیان دي.
یادو کسانو د غزې سوېل د بېځایه شویو پر لنډمهالي کمپ د اسراییلو د هوايي برید پرمهال خپل ژوند له لاسه ورکړی.
