د فلسطین د روغتیا وزارت ویلي چې د غزې پر بېلابېلو برخو د اسراییلو بریدونو کې لږترلږه ۷۶ کسان وژل شوي او لسګونه نور ټپیان دي.
نړیوالو رسنیو راپور ورکړی چې دغه کسان په تېرو څلېرویشتو ساعتونو کې د غزې پر بېلابېلو برخو د اسراییلو د پوځ په بریدونو کې وژل شوي او ټپیان دي.
په افغانستان کې د ملګرو ملتونو د ماشومانو د ملاتړ صندوق یا یونیسف وايي، په روان زېږدیز کال کې یې د ۲۸زرو افغان روغتیايي کارکوونکو ملاتړ کړی دی. یونیسف په یوه خبرپاڼه کې چې پر اېکس یې خپره کړې، ویلي چې د باکیفیته روغتیايي خدمتونو رسوونکي دغه شمېر کارکوونکي به میندو او ماشومانو ته خدمتونه ورسوي.
د سرپرست حکومت ویاند ذ.بېحالله م.جاهد پر اېکس لیکلي چې د ریاستالوزرا پخوانی سیاسي مرستیال د کډوالو او بېرته راستنېدونکو چارو وزارت د سرپرست په توګه ټاکل شوی دی. نوموړي د جدي په شلمه، پنجشنبې په یوه خبرپاڼه کې زیاته کړې چې مولوي عبدالکبیر د ا.ا د مشر هبت.الله اخوند.زاده د فرمان له مخې، د یاد وزارت د سرپرست په توګه ټاکل شوی دی.
د پکتيا مرکز ګردېز ښار او اړوند سيمو کې بېوزله کورنۍ وايي، د کمزوري اقتصادي وضعیت او د بیو لوړوالي له امله نشي کولی چې د سون توکي واخلي او خپل کورونه پرې ګرم وساتي.
دوی له مرستندويه بنسټونو غوښتنه کوي چې په روان ژمي کې دې ورسره د سون او نورو توکو مرستې وکړي.
د اسلامي امارت له بیاځلې واکمنېدو وروسته له بېلابېلو هېوادونو په ځانګړې توګه د سیمې له هېوادونو سره د ډیپلوماټیکو او اقتصادي اړیکو د ټینګولو لپاره جدي هڅې پیل کړي دي.
د بهرنيو چارو وزارت سرپرست امير خان متقي د روانې اوونۍ د سهشنبې په ورځ د متحده عربي اماراتو په رسمي بلنه د يوه لوړ پوړي پلاوي په مشرۍ هغه هېواد ته سفر کړی دی.
د هلمند په دولتي پوهنتون کې د ۲۵ میلیونه افغانیو په لګښت د داخلي سړکونو د «سفالټ چارې» په چټکۍ سره روانې دي چې په بشپړېدو سره به یې، ښوونکو او زدهکړیالانو ته اسانتیاوې برابرې کړي.
د دې پروژې ټولییز اوږدوالی ۲.۴ کیلومتره دی او موخه یې د پوهنتون دننه د ګرد، خاورو او خرابو لارو ستونزې لهمنځه وړل دي.
د لوګر د پوهنې ریاست مسوولان وایي چې د پوهنې وزارت د ښوونکو د مسلکي پراختیا او نصاب ریاست له لوري د دغه ولایت سلګونه ښوونکو ته د ظرفیت لوړونې پروګرام پيل شو.
د برازیل فوټبال ملي لوبډلې پیاوړی لوبغاړی نیمار وايي چې د ۲۰۲۶کال د فوټبال نړیوال جام کې به د وروستي ځل لپاره ولوبېږي.
د نوموړي په وینا، ډاډه دی چې برازیل به د شمالي امریکا په کېدونکي نړیوال فوټبال جام کې پایلوبې ته ورسېږي.
نیمار دا مهال د سعودي عربستان فوټبال لیګ کې له الحلال لوبډلې سره لوبېږي.
د کور او ښار جوړونې وزارت لهخوا د ميدانوردګ مرکز ميدانښار کې د ۶۸ ميلیونه افغانیو په لګښت د مسافروړونکو موټرو لپاره د ترمينال (هډې) د جوړېدو چارې پيل شوې چې زر کسانو ته به پکې د کار زمينه برابره شي. د ميدانوردګ والي قاري بختيار معاذ د کور او ښار جوړونې له وزارت مننه وکړه چې یاده اقتصادي پروژه یې دغه ولايت خلکو لپاره پيل کړه.
د امریکا ټاکل شوي ولسمشر ډونالډ ټرمپ لهخوا د افغانستان سرپرست حکومت ته د هغه هېواد د بشري مرستو په رسولو له نیوکې وروسته، د اقتصاد وزارت مسوولان وايي، سرپرست حکومت له افغانستان سره د بهرنیو بشري مرستو کې هېڅ لاسوهنه نهلري. امریکا د تېرو درېوو کلونو پرمهال افغانستان کې له مرستهرسوونکو بنسټونو سره څه باندې ۲ میلیارد ډالره مرسته کړې.
د اوکراین پوځي چارواکي وايي چې تېر ۲۰۲۴کال کې د جګړې پرمهال یې، څه باندې ۴۲۷۰۰۰ روسي سرتېري وژلي او ټپیان کړي دي.
د اوکراین دفاع وزیر او لوی درستیز الکساندر سرسکي ویلي چې روسي ځواکونو ته دغه مرګه ژوبله د ۲۰۲۴کال د جنورۍ له پیل د ډسمبر تر ۳۰مې اوښتي دي.
د پاکستان په پلازمېنه اسلاماباد کې د جرمني سفارت دویم سکرټر ټامس جورګن په خپل کور کې مړ موندل شوی دی.
پولیسو رسنیو ته ویلي چې نوموړی له دوو ورځو راهیسې خپلې دندې ته نهوو تللی او د لټون پرمهال په خپل کور کې مړ پیدا شوی.
د افغانستان کرېکټ بورډ د پاکستان پخوانی لوبغاړی یونسخان د کرېکټ ملي لوبډلې د سلاکار روزونکي په توګه ټاکلی دی.
کرېکټ بورډ نن چهارشنبه، مرغومي ۱۹مه پرخپله فېسبوکپاڼه لیکلي چې یونسخان یې، د راتلونکي چمپینزټرافي سیالیو لپاره د ملي لوبډلې د سلاکار روزونکي او څارونکي پر دنده ګومارلی دی.
د ملګروملتونو د سرمنشي مرستیال ولکر ټرک وايي چې د تېر ۲۰۲۴کال پرمهال په ایران کې څه باندې ۹۰۰ کسان اعدام شوي دي.
ولکر ټرک چې د ملګروملتونو د بشرحقونو عالي کمېشنر هم دی، همداراز ویلي، د یادو کسانو له ډلې، یوازې ۴۰ کسان یې، د یوې اوونۍ پرمهال اعدام شوي.
د پکتيکا محلي مسوولان وايي چې له پاکستان سره د «انګور ادې» لاره د ټرانزیټي لارې په توګه ټاکل شوې او له دې وروسته به پر یاده لاره ټرانزیټ کېږي.
شاوخوا يوه مياشت وړاندې د اسلامي امارت د مشر د ځانګړي حکم له مخې له پاکستان سره د انګورو اډې لاره په رسمي ډول ترانزیټ شوه.
د افغانستان بانک مسوولان وايي چې نن «پنجشنبه، مرغومې ۱۹مه» «۱۵» میلیونه امریکايي ډالر د لیلام په توګه بازار ته وړاندې کړل.
د افغانستان بانک پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره یې، نن پنجشنبه«۱۵» میلیونه امریکايي ډالر لیلام کړي دي.
