د میدانوردګ محلي چارواکي وایي چې د جلرېز ولسوالي په «مامیکو» کلي کې د تورګل په نوم یوه کس هستوګنیز کور په بشپړه توګه سوځېدلی دی.
د دغه ولایت د طبیعي پېښو پر وړاندې مبارزې ریاست رییس مولوي فیضالله جلالي سلاموطندار ته وویل، د پېښې ځای ته له مرکز میدانښار څخه اطفایه رسیدلې او له سر زیان څخه مخنیوی شوی، خو مالي زیانونه زیات رامنځته شوې دي.
د سرپرست حکومت د ویاند مرستیال حمدالله فطرت افغانستان کې له امریکایي ځواکونو پاتې وسلو او پوځي تجهیزاتو ته د تحریک طالبان پاکستان «ټيټيپي» د غړیو لاسرسي په اړه د پاکستان د بهرنیو چارو وزارت ادعا کړه.
هرات کې د کتابونو یوه پلورنځي له لوري د سړک پر غاړه د کتابونو پنځه ورځنی نندارتون جوړ شوی دی.
دغه نندارتون نن پنجشنبه، سلواغې ۱۱مه، پرانېستل شوی او تر راتلونکو پنځو ورځو به دوام وکړي.
د برښنا شرکت مشر عبدالباري عمر وايي چې د برښنا تولید ډېروالي په موخه له کورنیو سرچینو څخه د برښنا تولید ۱۳ نوې پروژې پرانېستل کېږي.
نوموړي پر خپله اېکسپاڼه لیکلي چې دغه پروژې تر راتلونکې یوې یا دوو میاشتو پورې پرانېستل شي.
د افغانستان کرېکټ بورډ په پاکستان کې کېدونکې چمپینزټرافي یا اتلانو جام سیالیو لپاره د ملي لوبډلې لپاره جوړ شوی لباس رسنیز کړ.
کرېکټ بورډ نن پنجشنبه، سلواغې یوولسمه پر خپله فېسبوکپاڼه لیکلي چې جوړ شوي لباس کې د جام څلي ښکلا ځای پر ځای شوې.
د اقتصاد وزارت مرستیال عبداللطیف نظري وايي چې د امریکا د مرستو ځنډېدو وروسته، د هېواد په ۲۸ ولایتونو کې د ۵۰ نړیوالو موسسو او مرستندویه ادارو فعالیتونه ځنډول شوي دي.
نوموړي دغه څرګندونې سهشنبه، سلواغې نهمه کابل کې د یوې خبري ناستې پرمهال رسنیو ته کړې دي.
د خوست د عليشيرو او تريزيو ولسوالي د بوخانه سيمه کې د ۱۳ وژل شويو کسانو د کورنۍ غړي او خواخوږي په ياده پېښه کې د ښکېلو کسانو د نيولو او سزا ورکولو غوښتنه کوي.
د وژل شويو کسانو د کورنۍ يوه غړي ټيکهخان ماهر سلاموطندار ته وايي، له چا سره شخصي دښمني نهلري او ښکېلو کسانو ته د سختې سزا غوښتنه کوي.
د کابل ښاروالي مسوولان وايي چې د تېرو پنځو میاشتو پرمهال کابلښار کې د ۱۸ پرمختیايي پروژو کار بشپړ شوی، د ۸۲ پروژې تر کار لاندې دي او ۲۱ نورې پروژې د تدارکاتي په پړاو کې دي.
د کابل ښاروالي مسوولانو دغه څرګندونې د دغې ادارې د لاستهراوړنو او فعالیتونو په پروګرام کې نن چهارشنبه، سلواغې لسمه کړي دي.
روسیه کې چارواکي وايي چې پر دغه هېواد د اوکراین د ډرون بریدونو پرمهال د اټومي انرژۍ یوه بټۍ هم په نښه شوې.
مسکو ویلي چې د اوکراین له لوري د انرژۍ زیربنا د لږترلږه ۱۰۰ ډرون بریدونو لاندې راغلي دي.
د خوست ولايتي مسوولان وايي چې د عليشرو ولسوالي د مرګونې پېښې په تړاو یې، دوه شکمن کسان نيولي دي.
د خوست ولايت مقام وياند مستغفر ګربز سلاموطندار ته وايي چې بيګاه شپه ۹:۰۰ د عليشرو ولسوالي د ابوخانې سيمه کې وسلهوالو د يوې کورنی لس غړي په ډزو وژلي وو.
د پکتیکا شکین ولسوالي اوسېدونکي وايي چې د ژوند لومړنیو خدمتونو ته لاسرسی نهلري او له ډېرو ستونزو سره لاس او ګرېوان دي.
د دغې ولسوالي یوشمېر اوسېدونکو سلاموطندار ته وویل، د روغتيا، پوهنې، مخابراتو، پاکو اوبه او د سړکونو جوړېدو برخو کې ورته د پام وړ کار نهدی شوی چې له امله يې ستونزو سره مخ دي.
د سرپرست حکومت ریاستالوزرا په یوه تازه حکم کې ویلي چې د هوايي ډګرونو له لارې له ۵۰۰۰ ډالرو ډېر او د ځمکې له لارې له ۵۰۰ ډالرو زیات بهر ته د لېږد اجازه نشته.
په دې حکم چې نن چهارشنبه، سلواغې لسمه خپور شوی، همداراز خبرداری ورکړل شوی چې له سرغړونکو سره به قانوني چلن کېږي.
هند کې د یوه مذهبي جشن پرمهال د خلکو ګڼېګوڼې له امله لږترلږه ۱۵ کسان مړه شوي او لسګونه نور ټپیان شوي دي
دغه مرګژوبله د کومب په نوم مېله کې رامنځته شوې چې د جنورۍ له ۱۳مې نېټې راهیسې روانه ده.
پاکستان کې د وسلهوالو بریدونو پر دوام، په تازه نښتو او بریدونو کې څلور سرتېري وژل شوي او یوشمېر نور ټپیان دي.
په لومړۍ پېښه کې چې د پاکستان د بلوچستان ایالت په قلعه عبدالله کې شوې، وسلهوالو د اېفسي ځواک پر یوه مرکز ډلهییز برید کړی او دوه سرتېري یې، وژلي دي.
د لوګر اطلاعاتو او فرهنګ ریاست چارواکي وایي چې د اطلاعاتو او فرهنګ وزارت د حکم له مخې، په ټول ولایت کې د اسلامي او افغاني ارزښتونو خلاف کتابوتونو چاپ او پلور مخنیوی کړی.
د هلمند په ګرشک ولسوالي کې د یاد ولایت د اطلاعاتو او فرهنګ ریاست له لوري عامه کتابتون جوړ او نن «سهشنبه، سلواغې نهمه» ګټېاخیستنې ته سپارل شوی دی.
د اطلاعاتو او فرهنګ ریاست د فرهنګ او ګرځندوی امر مولوي سلطان محمدحنیف وايي چې دې کتابتون کې د بېلابېلو برخو شاوخوا ۳۰۰۰ کتابونه موجود دي.
