د پاکستان خېبرپښتونخوا ایالت اړوند سوېليوزیرستان کې پر امنيتي پوستې د وسلهوالو برید له امله څلور سرتېري وژل شوي او اووه نور تپیان دي.
پېښه بېګاه شپه ۱۱ بجې، د سوېليوزیرستان د شکتوی تحصیل په شرکۍ سیمه کې رامنځته شوې. ټپیان روغتون ته د درملنې لپاره لېږدول شوي دي.
د لغمان په یوې لرې پرته بادپښ ولسوالي کې د ۲۴۴زره امریکايي ډالرو په لګښت روغتیايي مرکز جوړ او ګټېاخیستنې ته سپارل شوی دی.
د یاد ولایت د کډوالو ریاست رییس غلامالرحمن بلال وایي چې یاد روغتیایي مرکز د یوه کال په موده کې جوړ شوی چې اتلس خونې، د احاطې دېوال، د اوبو څاه، تشنابونه او د محافظینو خونې لري.
د افغانستان د بانک مسوولان وايي چې سبا «چهارشنبه، سلواغې ۱۷مه» به «۲۵» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (سهشنبه، سلواغې۱۶مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا چهارشنبه «۲۵» میلیونه امریکايي ډالر لیلام کړي.
د ملګروملتونو د وګړو صندوق دوشنبه، جنورۍ درېیمه پر اېکسپاڼه یوه ویډیويي کلپ ویلي چې افغان ښځې په خپلو سیمو کې خوندي او اغېزمنو روغتیايي خدمتونو ته د نهلاسرسي له امله د مړینې له خطر او په بېلابېلو ناروغیو د اختهکېدو له ګواښ سره مخ دي.
د روسیې پلازمېنې مسکو کې د یوې چاودنې له امله اوکراینی بېلتون غوښتونکی لوړپوړی پوځي قومندان ارمن سرکیسیان وژل شوی او څلور نور کسان ټپیان دي.
پېښه دوشنبه، فبرورۍ درېیمه د مسکو شمال لوېدیځ «الپهپاروسا» سیمه کې کرملین ته په ۱۲ کیلومټرۍ کې شوې.
د پکتيا امنيه قومنداني مسوولان وايي چې د روان کال د تېرو اوو مياشتو پرمهال د مرکز ګردېز په ګډون، په ۱۴ ولسواليو کې د ۲۹۰ بېلابېلو جنايي پېښو په تور ۶۱۲ کسان نيول شوي دي.
د سرپرست حکومت ویاند ذبېحالله مجاهد وايي چې ا.ا اجازه نهورکوي چې یو ځل بیا امریکا د بګرام اډه ونیسي.
نوموړي دغه څرګندونې دوشنبه، سلواغې ۱۵مه پر اېکسسپېس کړي او زیاته کړې یې ده چې هېڅ داسې هوکړه نشته چې پر بنسټ دې بګرام اډه امریکا یا چین ته ورکړل شي.
جوزجان د افغانستان یو له شمالي ولایتونو څخه دی چې ۸۰ سلنه وګړي یې پر کرنه او مالدارۍ بوخت دي. پرلهپسې وچکالي، د اوبو نشتوالی او نباتي افتونو د دغه ولایت بزګران له مهمو ننګونو څخه دي چې دا مهال ورسره مخامخ دي.
هرات کې د افغانستان زعفرانو نړیوال مرکز کې د کتابونو مطالعې او دود لپاره درې ورځنی نندارتون پرانېستل شوی دی.
یاد نندارتون نن سهشنبه، سلواغې ۱۶مه پیل شوی او درې ورځې به دوام وکړي.
کندهار کې د اطلاعاتو او فرهنګ ریاست او یوه خصوصي مخابراتي شرکت له لوري د «کتاب د علم ځولۍ» په نوم د کتابونو درې ورځنی نندارتون پرانېستلی دی. یاد نندارتون ته راغلي کتاب پلورونکي اندېښنه لري چې ټولنیزو رسنیو کې د ځوانانو ډېره بوختیا به د کتاب پلور کمزوری کړی دی.
د سوداګرۍ او پانګونې خونې مسوولان له افغانستان بانک څخه غوښتنه کوي چېکابل کې د سرای شهزاده صرافانو پر ټولنې سیاسي او امنیتي فشارونه رانهوړي.
سلاموطندار د هنر برخه کې له ۲۳ ځوانانو سره مرکې کړي چې د مرکو پرمهال موندل شوې، دغه ځوانان له بېلابېلو ستونزو سره لاس او ګرېوان دي.
د مرکو پرمهال ځوانانو ویلي چې مالي ملاتړ نهلري، ټولنه کې ورته پام نهکېږي او د کار وسایلو ته د نهلاسرسي ترڅنګ، د خپلو اثارو پلور ته بازار هم نهلري.
پاکستان کې د روان کال د تېرې جنورۍ میاشتې پرمهال د وسلهوالو بریدونو او نښتو له امله د یاد هېواد ۵۲ امنیتي سرتېري وژل شوي دي.
په پاکستان کې د پیکس «انسټيټيوټ اف کنفلکټ اېنډ سيکيورټي سټډيز» په نوم څېړنیز بنسټ له لوري په خپور شوي راپور کې ویل شوي چې د امنیت ضد ډېری پېښې د یاد هېواد په خېبرپښتونخوا کې شوي دي.
د خوست امنيه قومنداني مسوولان وايي چې د یاد ولایت د عليشېرو ولسوالي د یوې کورنۍ د وژل شویو ۱۳ غړیو قاتلان یې، نیولي دي.
د خوست امنيه قومنداني څخه په خپره شوې خبرپاڼه کې ویل شوي چې دغه درې کسان د یادې قومنداني او د استخباراتو رياست د ځواکونو د ګډو هڅو په پایله کې نیول شوي دي.
د ننګرهار د کرنې، اوبولګولو او مالدارۍ ریاست مسوولان وايي چې یاد ولایت کې د ۱۸ میلیونه افغانیو په لګښت چکډېمونه جوړېږي.
د کرنې، اوبولګولو او مالدارۍ رییس مولوي محمدولي محسن وایي چې دغه چکډېومونه به د یاد ولایت په اوو ولسوالیو کې جوړ شي.
د کندهار د کرنې، اوبولګولو او مالدارۍ ریاست مسوولان وايي چې دغه ولایت کې د «طبق» ناروغي پر وړاندې شاوخوا ۲۵زره غواګانې واکسین شوي دي.
د واکسین دغه کمپاین د یاد ولایت د کرنې ریاست او د خوراک او کرنې نړیوالې ادارې په مالي ملاتړ شوی دی.
