د امریکا ولسمشر ډونالډ ټرمپ ګواښ کړی چې د ایران د پوځي وړتیاوو پر وړاندې به سخت اقدامات وکړي. د نوموړي په وینا، د ایران توغندیز سیستمونه او د توغندیو صنعت به په بشپړه توګه لهمنځه یووړل شي او د دغه هېواد سمندري ځواک به هم لهمنځه یووړل کړل شي.
د ملي دفاع وزارت هوايي ځواکونو یو ځل بیا په «میرانشاه او سپینوام» کې د پاکستان پوځي مرکزونه بمبار کړي. د دفاع وزارت نن شنبه
د اسراییل دفاع وزیر اسرائیل کاتز ویلي چې پر ایران یې برید کړی.
ټایمز آف اسراییل ورځپاڼې راپور ورکړی چې دغه بریدونه د اسراییل پر وړاندې د ګواښونو د لهمنځه وړلو په موخه ترسره شوي.
د راپور له مخې، پر ایران د اسراییل له بریدونو وروسته، په ټول اسراییل کې د خطر زنګونه غږول شوي دي.
ورته وخت کې قطر کې د امریکا سفارت پر ایران د اسراییل له بریدونو وروسته، خپلو ټولو کارکوونکو ته ویلي چې خوندي ځایونو کې پاتې شي.
د اسلامي امارت ویاند ذبیحالله نن یوې خبري غونډې ته وویل، دا هېڅ معقوله نه ده چې پاکستان خپلې ستونزې په افغانستان ور واچوي. دی وايي، پاکستان څو ځله پر افغان خاورې تېری کړی، ملکیان یې شهیدان کړي چې دا له ټولو قوانینو سره ښکاره سرغړونه ده. هغه زیاتوي چې پاکستان به د خپل هر شوم اقدام ځواب په اسلاماباد کې ترلاسه کړي.
له پاکستنه تازه را ایستل شوې یوشمېر کورنۍ وايي، له یوه لوري پاکستاني پوځ په جبري ډول له دغه هېواده ایستلي او له بل لوري یې په بېګناه ډول دوی په نښه کړي. د هغوی په وینا، لا خپلو سیمو ته نه و رسیدلي چې د پاکستان هدف وګرځېدل.
د دفاع وزارت هوايي ځواکونو نن شاخوا ۱۱ بجې د پاکستان په اسلاماباد کې «فیضآباد» ښار ته نږدې نظامي کمپ، نوښار کې د پوځ کینټ، جمرود پوځي کالوني، او ایبټآباد کې هوايي بریدونه وکړل. دغه وزارت ویلي، دغه هوايي عملیات په موفقانه توګه ترسره شول چې هلته یې د پاکستان فوج مهم نظامي ځایونه، مراکز او تأسیسات په نښه کړل.
د افغانستان په چارو کې د ملګرو ملتونو د بشري حقونو ځانګړي راپور ورکوونکي د پاکستان او اسلامي امارت ترمنځ جګړې ته په اشارې سملاسي د تاوتریخوالي کمول اړین بللي.
ریچارډ بنټ نن جمعه د دلوې ۸ / فبروري ۲۷ پر اېکسپاڼه لیکلي: «په خواشینۍ سره یو ځل بیا د پاکستان او افغانستان ترمنځ اوسنی کړکېچ په تاوتریخوالي بدل شوی.»
د ملګرو ملتونو سرمنشي انتونیو ګوترېش د افغانستان او پاکستان ترمنځ د نښتو په اړه اندېښنه ښودلې. ګوترېش له دواړو لورو غوښتي چې د تاوتریخوالي له زیاتېدو ډډه وکړي او خپل اختلافات د خبرو او ډیپلوماسۍ له لارې حل کړي. ده ټینګار کړی چې دواړه لوري باید خپلو نړیوالو ژمنو په ځانګړې توګه د ملکي وګړو خوندیتوب ته ژمن پاتې شي.
د ایران بهرنیو چارو وزیر عباس عراقچي له افغانستان او پاکستانه غوښتي چې شته ستونزې او اختلافات د خبرو له لارې حل کړي. نوموړي ویلي،
د دفاع وزارت یوه اعلامیه کې ویلي چې له ډیورنډ فرضي کرښې اخوا پر پاکستاني لوري د اسلامي امارت غچاخیستونکو بریدونو کې ۵۵ پاکستاني ځواکونه وژل شوي.
په دغو عملیاتو کې ۵۵ پاکستاني ځواکونه وژل شوي او دوه قرارګاوې او ۱۹ پوستې یې ونیول شوې.
خبرپانه کې ویل شوي چې یاد بریدونه پکتیکا، خوست، پکتیا، ننګرهار، کونړ او نورستان ولایتونو ته څېرمه د ډيورنډ فرضي کرښې هغې غاړې ته په پاکستاني ځواکونو ترسره شول.
نږدې پنځه ورځې وروسته له هغه چې د پاکستان پوځ د افغانستان په ځینو برخو هوایي بریدونه وکړل، پر ډیورنډ کرښه د دواړو هېوادونو ځواکونو د تېرو دوو ورځو پرمهال په څو ځایونو کې په پراخو او محدودو نښتو کې ښکېل شوي دي.
که څه هم ډاکټران د اومېندواره او شیدې ورکوونکو مېرمنو له لوري د روژې نیول په ځینو شرایطو کې ګواښونکي بولي، خو مېرمنې وايي، غوره ګڼې چې روژه بشپړه ونیسي.
د نسايي-ولادي برخې متخصصه زرغونه محبت سلاموطندار ته وايي چې د اومېندوارۍ له څلورې میاشتې وروسته د روژې نیول، د ماشوم او مور لپاره کمزوري او روغتیايي ستونزې رامنځته کوي.
د حکومت د اطلاعاتو او رسنیو د مرکز رییس نعیمالحق حقاني وایي، اسلامي امارت هېواد کې د رسنیو د فعالیت لپاره منظم میکانیزم لري او په وینا یې، که کومه دولتي اداره خبریالانو سره معلومات نهشريکوي، له دوی سره دې اړیکه ټينګه کړي.
د امربالمعروف او نهې عنالمنکر وزارت مسوولان وايي چې د وروستیو کلونو پرمهال ګڼشمېر بهر مېشتو افغان مېرمنو د خپل مهر د اخیستلو لپاره دغه وزارت ته مراجعه کړې ده.
د یاد وزارت ویاند سیفالاسلام خیبر له سلاموطندار سره په ځانګړې مرکه کې ویلي چې له بهر څخه ګڼشمېر مېرمنې د خپل مهر ترلاسه کولو په موخه یاد وزارت سره خپل شکایتونه ثبت کړي دي.
د ماشومانو د ژغورنې سازمان وايي چې د افغانستان ختیځ کې د مرګونې زلزلې څخه د شپږو میاشتو په تېرېدو سره هم شاوخوا ۲۵زره ماشومان په کونړ کې لاهم تر خېمو لاندې ژوند کوي.
دې سازمان نن پنجشنبه (کب اوومه / ۲۶ فبروري) په خپل تازه راپور کې ویلي چې په زلزلهځپلو سیمو کې کورونه او ښوونځي تر اوسه نهدي رغول شوي او د بیارغونې د پیل لپاره کوم څرګند مهالوېش هم شتون نهلري.
د فرانسې خبري اژانس د فبرورۍ په ۲۵مه، راپور ورکړی چې اسراییل د نړۍ د خبریالانو د نږدې دوه پر درېیمه برخه د وژنې مسوول بلل شوی دی. د راپور له مخې، تر ۶۰سلنې ډېر وژل شوي خبریالان فلسطینیان وو چې د غزې تړانګې اړوند پېښو ته یې پوښښ ورکاوه.
