په هلمند کې یوشمېر معلول لرونکي شکایت لري چې کلني حقوق «معاش» یې، کم شوي او د پیسو د ورکړې بهیر یې هم ځنډنی دی.
د دوی په وینا، د سرپرست حکومت له واکمنېدو وروسته یې، حقوق د پخوا په پرتله د پام وړ کم شوي او حتا د کورنۍ اړتیاوې یې، پرې نه برابرېږي.
د لوګر پوهنې ریاست مسوولان وایي چې د راتلوونکي ۱۴۰۴ ښوونیز کال لپاره د ښوونځيو په عمر برابر ۱۸زره نوي زدهکوونکي جذبېږي.
د دغه ولایت پوهنې ریاست ویاند شاهپور عرب سلاموطندار ته وویل، د یادو زدهکوونکو د جذب لپاره د کب میاشتې له پيل څخه تر پای په ټولو ښوونځیو کې نوملیکنه پيلېږي.
د خوست محلي مسوولان وايي چې دغه ولایت کې په ۵۰زره امریکايي ډالرو د ځمکې خړوبولو یو کانال جوړ او ګټېاخیستنې ته سپارل شوی دی.
د خوست ولايت مقام څخه نن «دوشنبه، سلواغې ۲۹مه» په خپره شوې خبرپاڼه کې راغلي چې د کرنې، اوبولګولو او مالدارۍ ریاست تر چتر لاندې دغه کانال د مرکز اړوند په میاخېلو کلي کې ګټېاخیستنې ته سپارل شوی دی.
د افغانستان بانک نن (دوشنبه، سلواغې ۲۹) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا سه شنبه، سلواغې ۳۰مه، به ۲۰ میلیونه امریکايي ډالر لیلام کړي.
دغه بانک له ټولو خصوصي بانکونو او پر شرایطو برابر د پولي خدمتونو او صرافیو شرکتونو څخه غوښتنه کړې چې دې داوطلبۍ کې ګډون وکړي.
د پکتیکا د امنیه قومنداني مسوولان وايي چې د دغه ولایت پر برمل ولسوالي پاکستاني جېټالوتکو بمباري نهدهکړې.
د امنیه قومنداني لهخوا نن سهدوشبه، سلواغې ۲۹مه په خپره شوې خبرپاڼه کې هغه ټولې اوازې رد شوي چې ګواکې پاکستاني جيټالوتکو پر برمل بمباري کړې.
د امربالمعروف او نهې عنالمنکر وزارت مسوولان وايي، یوشمېر هېوادونه په افغانستان کې د ښځو حقونو مسله د تبلیغاتو او سیاسي فشار په توګه کاروي.
د دغه وزارت ویاند سیفالاسلام خیبر د ۱۷هېوادونو د بهرنیو چارو ښځینه وزیرانو د ګډې اعلامیې په غبرګون کې ویلي، افغانستان کې د ښځو حقونه د اسلامي شریعت له مخې ټينګ دي.
د لوګر د کانونو او پټرولیم ریاست مسوولان وایي چې د دغه ولایت په مرکز پلعلم او ولسوالیو کې ۳۰ کانونه تثبیت شوې دي.
د دغه ولایت د کانونو او پټرولیم ریاست رییس مولوي نقیبالله احمدفرقاني پلعلم کې خبریالانو ته وویل، لوګر کې د وروستیو څېړنو له مخې، ۳۰ کانونه ثبیت شوي چې له ډلې یې د دوه کانونو عملي استخراج چارې هم پيل شوي دي.
د اروپا لپاره د ډونالډ ټرمپ ځانګړی استازی کېټ کلوګ وايي چې اروپا به د امریکا، روسیې او اوکراین ترمنځ په مذاکراتو کې ګډون ونهلري.
د نوموړي په وینا، اروپا سره به د پام وړ موضوعاتو په تړاو خبرې او مشورې وشي، خو په ټوله کې به دې مذاکراتو کې ګډون ونهلري.
د خوست محلي مسوولان وايي چې دغه ولایت کې د ۹۰ میلیونه افغانیو په لګښت د اوو پروژو چارې پیل شوې.
د خوست مرستيال والي محبوب شاه قانت وايي، په يادو پروژو کې د ښار داخل کې د کانال ترميم، د حکومتي ادارو پياده رونه، ښار کې روښنايۍ څراغونو نصبول، د نهه پوړيز سوداګريز مارکېټ جوړېدل او ځينې نورې پروژې شاملې دي.
د هلمند په کجکي ولسوالي کې د ملګروملتونو د پروژوي دفتر په مالي ملاتړ د ۴۰ کیلومټره سړک او اته کیلومټره کانال د جوړېدو چارې پیل شوې.
دغه پروژې د هلمند د کلیو بیارغونې او پراختیا ریاست تر چتر لاندې د ۷۶ میلیونه افغانیو په لګښت د کجکي ولسوالي په ابغول، شیري او سفیدحصار سیمو کې پیل شوي دي.
د میدانوردګ محلي مسوولان وايي چې وایي چې د پېښو پر وړاندې مبارزې وزارت له لوري د دغه ولایت د پېښو پرضد مبارزې ریاست لپاره د ودانۍ د جوړېدو چارې پیل شوې.
د دوی په وینا، یاده ودانۍ په درې پوړونو کې پر دوه جریبه ځمکه د راتلوونکو شپږو میاشتو په موده کې د ۱۳ میلیونه افغانیو په ارزښت جوړېږي.
د لوګر محلي چارواکي وايي چې د کور او ښار جوړونې وزارت له لوري د لوګر په مرکز پلعلم او ولسوالیو کې د هستوګنې اووه ښارګوټي جوړېږي.
د دغه ولایت د والي ویاند صدیق احمد صدیقي سلاموطندار ته وویل، دا ښارګوټي په پلعلم ښار او ولسوالیو کې په معیاري ډول جوړېږي.
عمر خوړلي دین محمد د کندهار د ارغنداب ولسوالۍ «محمد یعقوب کلاچې» سیمه کې پر پنځه جریبه ځمکه، مۍ «ماشو» کرلي او اوس یې، حاصل راټولوي.
هغه چې د نشهيي توکو بدیل کښت ته مخه کړې، وایي، د مۍ «ماشو» سږنی حاصل یې، ځکه کم دی چې د دوبي زیاتې تودوخې یې، د حاصل نیونې پرمهال فصل اغېزمن کړی دی.
پاکستان وايي چې د امریکا لهخوا د دوی سیال ګاونډي هند ته د پرمختللو وسلو ورکړې، دوی اندېښمن کړي دي.
د پاکستان بهرنیو چارو دفتر ویاند شفقت عليخان په اسلاماباد کې اونیزې خبري غونډې ته وویل چې دا ډول اقدامات به سیمه کې د ځواک انډول ګډوډول کړي او د امنیتي وضعیت د خرابېدو لامل کېدای شي.
جرمني کې چارواکي وايي، د دغه هېواد مونیخ ښار کې تورن افغان چې د خلکو پر ګڼېګوڼې، موټر وروستلی او ۳۶ کسان یې، ټپیان کړي، د نیولو پرمهال د الله اکبر ناره او دعا کړې. د جرمني د باوریا ایالت پولیسو دغه کس اسلامپاله افراطي بللی دی.
شماليکوریا وايي، که امریکا د خپل کورني امنیت خوندیتوب په اړه لري، نو له پوځي ګواښونو څخه دې لاس واخلي.
د امریکا یوه پوځي قومندان څو ورځې وړاندې ویلي و چې د شماليکوریا بالېسټیک توغندي د دې وړتیا لري چې امریکا کې خپل اهداف په نښه کړي.
