د امریکا ولسمشر ډونالډ ټرمپ ولودېمیر زېلېنسکي یو دېکتاتور بللی او خبرداری یې ورکړی چې نوموړی باید د سولې ټينګښت لپاره ژر اقدام وکړي او یا هم اوکراین له لاسه ورکړي.
ټرمپ دغه څرګندونې یوه ورځ له هغې کوي چې نوموړي ولودیمیر زېلېنسکي پر اوکراین د روسیې د برید او روانې جګړې مسوول بللی دی.
د بامیان محلي مسوولان وايي چې د واورې ورښت له امله د کابل-بامیان او دایکندي او غور لویې لارې له بېګاه شپې راهیسې تړل شوي دي.
د بامیان والي ویاند فرزان سیغاني وايي چې د بامیان-دایکندي ترمنځ د قوناق کوتل، د شاتو کوتل، د بندشوی پُل او بکک کوتل د واورې ورښت له کبله بند شوي دي.
د غربي نورستان چې درې ولسوالي دواب، منډول او نورګرام په کې شاملېږي، یوشمېر اوسېدونکي سلاموطندار ته وايي، مرکزي نورستان په ځانګړې توګه مرکز پارون ته د تګراتګ پرمهال ستونزو سره مخ دي.
د افغاني سرې میاشتې ټولنې مسوولان وايي، د تېرو شپږو میاشتو پرمهال کابل، ننګرهار، بلخ، هرات او کندوز ولایتونو کې ۵زره او ۳۹۹ رواني ناروغانو ته د درملنې خدمات وړاندې کړي دي.
مسوولانو دغه څرګندونې چهارشنبه، کب لومړۍ نېټه، دغې ادارې د لاسته راوړنو او فعالیتونو په تړاو یوې خبري غونډه کې کړي دي.
د اسټرالیا په تاسماني ایالت کې نن چهارشنبه، فبرورۍ ۱۹مه، شاوخوا ۱۵۷ نهنګان له اوبو څخه وچې ته رواتلي چې ډېری یې، لهمنځه تللي دي.
دغه نهنګان د تاسماني شمال لوېدېځ ارتور سیند سواحلو ته راوتلي دي. یوه افسر برنډن کلاک ویلي: «له ۱۵۷ نهنګانو څخه یوازې ۹۰ نهنګان ژوند پاتې دي.»
د حماس ډلې په غزه کې د اسراییلو لهخوا د جګړې پای ته رسولو لپاره د ټولو برمته شویو کسانو د خوشېکېدو وړاندیز کړی دی.
د حماس یوه ویاند حازم قاسم نن چهارشنبه، فبرورۍ ۱۹مه له اسراییلو سره د اوربند دویم پړاو خبرو پیل په درشل کې دغه وړاندیز کړی.
د پاکستان د بلوچستان ایالت په اړوند سیمه کې ناپېژنده وسلهوالو د یوه بس موټر اووه مسافر وژلي دي.
برید بېګاه ناوخته د بلوچستان سوېللوېدیځ بارکهان ولسوالي کې پر هغه بس موټر شوی چې لاهور ته روان و.
د پاکستان او عربي متحده اماراتو په کوربهتوب نن چهارشنبه، فبرورۍ ۱۹مه د چمپینزټرافي سیالي پیلېږي چې لومړۍ لوبه کې به کوربه له نیوزیلنډ سره سیالي وکړي.
په دغه جام کې اته لوبډلې په دوو ګروپونو وېشل شوي چې افغانستان به د لومړي ځل لپاره پهکې سیالي وکړي.
نړیوال بانک دې وروستیو کې یوه تازه راپور کې ویلي چې د افغانستان اقتصادي وده لاهم کمزورې ده او پراخې بېوزلي او وزګارتیا میلیونونه کسان زیانمن کړي دي.
د دغه بانک په راپور کې ناڅرګندې پالیسۍ، مالي انزوا، د بهرنیو مرستو کمېدو او له پاکستان سره ترینګلو سوداګریزو اړیکو د افغانستان د اقتصادي ودې د بېثباتۍ اصلي لاملونه بلل شوي دي.
د جوزجان محلي مسوولان وايي چې په مرکز شبرغان ښار کې به دوه سوه زره مېوهلرونکي او غیرمېوهلرونکي نیالګي کېنوي.
د شبرغان ښاروال حبیبالله قانع د نیالګیو کېنولو د کمپاین پرانېستې پرمهال وویل چې د ښار بېلابېلو سیمو کې به د زرغونتیا په موخه دغه نیالګي کېنول شي.
د لوګر د صنعت او سوداګرۍ ریاست مسوولان وایي چې د دغه ولایت په مرکز پلعلم کې د یوه کس په شخصي لګښت د مرمرینو ډبرو پروسیس او تولید کارخونې په فعالیت پيل وکړ. ګلزار زیاته کړه، دغه کارخونه کې پرمختللي ماشینونه لګول شوي او هره میاشت به ۳۰ ټُنه مرمرینې ډبرې په اساسي او مسلکي توګه پروسیس او تولید کړي.
د کندهار د کرنې، اوبولګولو او مالدارۍ ریاست مسوولان وايي چې دغه ولایت کې د تېرو شپږو میاشتو پرمهال د بېلابېلو ناروغیو پروړاندې ۲۶۲زره څاروي واکسین شوي دي.
دغه څاروي د کرنې، اوبولګولو او مالدارۍ ریاست، د خوراک او کرنې نړیوال سازمان او اروپايي ټولنې په مالي ملاتړ واکسین شوي.
د خوست امنيه قومنداني وياند طاهر احرار نن «سهشنبه، سلواغې ۳۰مه» سلاموطندار ته وويل چې د ځاځي ميدان ولسوالي کې د خاورې پاڼ ښوویېدو له امله دوه کسان ترې لاندې شوي او ژوند يې له لاسه ورکړی دی.
د لوګر پوهنې ریاست مسوولان وایي، راتلونکي ۱۴۰۴ ښوونیز کال کې د لوګر ولایت په مرکز پلعلم او ولسوالیو کې ۱۵ نوي لومړني ښوونځي پرانیزي.
د میدانوردګ چارواکي وایي چې د کابل-کندهار پر لویه لاره د دوو ټرافیکي پېښو له امله شپږ کسان ټپیان شوې دي.
د دغه ولایت امنیه قومنداني ویاند محمدیوسف اسرار سلاموطندار ته وویل، لومړۍ پېښه تېره شپه ناوخته د سیداباد ولسوالي اړوند په «هفت اسیا» سیمه کې د یوې کرولا او د کمپک موټرو ترمنځ رامنځته شوې ده.
د هېواد په بېلابېلو ولايتونو کې يوشمېر کروندګر چې پخوا يې په خپلو کروندو کې کوکنار کرلي وو وايي، د کوکنارو د بدیل کښت په برخه کې د دولت او مرستندويه بنسټونو لهخوا ورسره مرسته نهده شوې. دغه بزګران د کرنې، اوبولګولو او مالدارۍ له وزارت غواړي چې د بدیل کښت او اصلاح شویو تخمونو په وېش کې ورسره مرسته وکړي.
