د فلسطین حماس ډلې د اسراییلو د هغې پرېکړې غندنه کړې چې په الاقصی جومات کې یې، د روژې د دویمې جمعې پرمهال د لمونځکوونکو مخه نیولې ده. حماس په یوې بیانیه کې په روانې روژې میاشت کې د فلسطینیانو پروړاندې ورته اقدامات، د اسراییلو مذهبي جګړه بللې ده.
د پکتيا امنيه قومنداني مسوولان وايي چې د یاد ولایت مرکز ګردېز ښار اړوند بنوزيو سيمه کې د ترافيکي پېښې پرمهال د يوې مېرمنې په ګډون درېوو کسانو خپل ژوند له لاسه ورکړی دی.
د امریکا ولسمشر ډونالډ ټرمپ وايي چې د شماليکوریا مشر کېم جونګ اون سره لاهم ښې اړیکې لري.
ټرمپ چې په اووال دفتر کې د ناټو له عمومي منشي مارک روټ سره یوې خبري ناسته کې خبرې کولې، یو ځل بیا شماليکوریا د یوه اټومي ځواک په توګه یاد کړی دی.
د اوکراین ولسمشر ولودېمیر زېلېنسکي وايي چې د روسیې ولسمشر ولادېمیر پوتین د اوربند نه منلو لپاره زمینه برابروي، خو په وینا یې، د ډونالډ ټرمپ له وېرې، نوموړي ته دغه خبره نشي کولای. زېلېنسکي وايي چې روسیه دا مهال د اوربند لپاره شرایطي ټاکي او غواړي چې اوربند وځنډوي او یا هم په بشپړه توګه یې، د پليکولو مخه ونیسي.
د میدانوردګ د پوهنې ریاست چارواکي وایي چې د دغه ولایت په دایمیرداد ولسوالي کې ولسي وګړو له ۹ ښوونځيو او دیني مدرسو سره نږدې میلیون افغانیو په ارزښت مرسته کړې ده.
د لوګر لپاره نوی امنیه قومندان ملا اغاولي نوري نن پنجشنبه، کب ۲۳مه د یو لړ مراسمو په ترڅ کې معرفي او خپله دنده پیل کړه.
د لوګر په مرکز پلعلم کې په دې اړه جوړه شوې غونډه کې د کورنیو چارو وزارت او د لوګر لوړوپوړو نظامي او ملکي مسوولانو ګډون کړی وو.
د امریکا ولسمشر ډونالډ ټرمپ وايي چې هېڅ فلسطینی وګړی به له غزې ونهاېستل شي، حتا که دی پر یادې سیمې ولکه هم خپله کړي.
نوموړي پرون چهارشنبه په سپینه ماڼۍ کې د ایرلنډ لومړي وزیر مایکل مارټین سره د لیدنې پرمهال د یوه خبریال د پوښتنې په ځواب کې وویل: «هېڅوک هېڅ فلسطینی نهشي شړلی.»
د پکتيا امنيه قومنداني وياند منيب ځدراڼ وايي، پرون شپه يوه ډله وسلهوال غله د ګردېز ښار د صرافي زاړه مارکيټ ته ننوتلي، يو څوکيدار يې وژلی او بل يې ټپي کړی دی.
د ګردېز ښار د صرافي زاړه مارکيټ دواړه څوکیداران ورونه دي.
د کندهار امنیتي مسوولان وايي چې د یاد ولایت له رېګستان ولسوالي څخه پاکستان ته په غیرقانوني توګه د ۲۱۰ پسونو د لېږد مخه نیول شوې ده.
دغه څاروي د کرنې او مالدارۍ ریاست او امنیه قومنداني امنیتي ځواکونو په همکاري نیول شوي دي.
رویټرز خبري اژانس د دوو سرچینو له قوله ویلي چې روسیې د جګړې پای ته رسولو او امریکا سره د خپلو اړیکو بیارغونې لپاره واشنګټن سره د خپلو غوښتنو یو نوملړ شریک کړی دی.
رویټرز نن پنجشنبه، مارچ ۱۳مه په یوه راپور کې ویلي، دا معلومه نهده چې مسکو د خپلو غوښتنو په نوملړ کې څه ځای کړي او په رښتیني توګه غواړي چې اوکراین سره سوله وکړي، که نه؟
د پاکستان په بلوچستان کې بلوڅ بېلتون غوښتونکې ډله وايي چې له پوځ سره په نښته کې یې، څه باندې ۵۰ سرتېري وژلي دي.
د پاکستان امنیتي ځواکونه له تېرو دوو ورځو راهیسې د بلوچستان په بولان سیمه کې له یادې ډلې د هغو مسافرو ته خوشې کولو لپاره عملیات پیل کړي چې بلوڅ بېلتون غوښتونکو له یوه اورګاډي سره یوځای برمته کړي دي.
تخار کې د خلکو لهخوا په خپل سري توګه د درملو کارولو، د ځینو کسانو ژوند له ګواښ سره مخ کړی او د دغه ولایت د اوسېدونکو جدي اندېښنې یې راپارولي دي.
د یاد ولایت د لروپرتو سيمو یوشمېر اوسېدونکي وايي، د ډاکټرانو د کمښت او درملو ته د نهلاسرسي له امله په خپل سري توګه د درملو کارولو ته مخه کړې ده.
د ملګروملتونو د امنیت شورا د غونډې او د افغانستان د وضعیت په اړه د هیوادونو د استازیو د څرګندونو په غبرګون کې د اسلامي امارت چارواکي وايي چې د سرپرست حکومت د استازي له شتون پرته د داسې غونډو جوړول د افغانستان په ګټه نهدي.
سپینه ماڼۍ کې د اوکراین او امریکا ولسمشر ترمنځ له جنجالي لیدنې وروسته، د دواړو خواوو پلاویو تېره ورځ د سعودي عربستان په جدې ښار کې غونډه کړې او د سولې او له اوکراین څخه د امریکا د ملاتړ دوام په اړه یې خبرې کړي دي.
د لوګر د کلیو پراختیا او بیارغونې ریاست مسوولان وایي چې د ملګروملتونو د خوړو نړیوال سازمان (WFP) له لوري د دغه ولایت په برهکیبرک ولسوالي کې پر ۲۰۱۳ بېوزله او اړو کورنیو نغدي مرسته او خوراکي توکي ووېشل شول.
د ګردېز ښاروال مولوي حبيب الرحمن منصور نن (چهارشنبه، د کب ۲۲) د يادو پروژو د چارو پيل مراسمو کې وويل، په دغو دریو پروژو
