د امریکا او روسیې د ولسمشرانو ترمنځ په ټیلیفوني خبرو کې روسیې د ټرمپ له لوري د ۳۰ ورځني اوربند له وړاندیز سره مخالفت ښودلی دی.
که څه هم دې ټیلیفوني اړیکه پوتین د اوکراین د انرژۍ پر زېربناوو د بریدونو درولو په اړه هوکړه کړې، خو ۳۰ ورځنی اوربند یې، نهدی منلی.
د خوست محلي مسوولان وايي چې یاد ولایت کې د څه باندې ۸۰ میلیونه افغانیو په لګښت د ۳۷ پراختیايي پروژې پیل شوې.
د خوست ولايت مقام څخه نن چهارشنبه، کب ۲۹مه په خپره شوې خبرپاڼه کې ویل شوي چې دغه پروژې د دغه ولایت په نادرشاه کوټ ولسوالي په ۳۷ کلیو کې پلې کېږي.
د کندهار د سوداګرۍ او پانګونې خونې مسوولان وايي، تېرو ۱۱ میاشتو کې يې له کندهار څخه پاکستان، هند، چين، امريکا، متحده عربي اماراتو، سويډن، ایران، ترکيې او جرمني ته د څه باندې ۴۴۷ میلیون ډالرو په ارزښت ۴۲۱ زره او ۷۵۸ ټنه صادر کړي.
د یادې خونې مرستیال عبدالباقي بینا وویل، صادراتو کې د وچې او تازه مېوې په ګډون، حبوبات، کاني مواد، سبزيجات او حيواني محصولات شامل دي.
د هلمند د والي ویاند مولوي محمدقاسم ریاض سلاموطندار ته وايي چې د کرنې ریاست د عامه پوهاوي سربېره، دغه ولایت کې د طبیعي کبانو ښکار په تور یو کس نیولی شوی دی.
د لوګر یوشمېر اوسېدونکي او ناروغان سلاموطندار ته وايي، د مرکز او ولسوالیو په ډېری شخصي درملتونونو کې غیرمسلکي کسان او کمعمره ځوانان یا هم د روغتیايي برخې زدهکړیالان کار کوي.
د خوست امنيه قومنداني روان کال په دغه ولایت کې د جنايي جرمونو او نشهيي توکو په تور څه باندې ۱۱۰۰ کسان نيولي دي.
د میدانوردګ د چاپېریال ساتنې، ښاروالي او کرنې ریاستونو له لوري د نیالګیو پسرلنی کمپاین پیل شو چې له مخې به یې، د دغه ولایت په مرکز میدانښار او ولسوالیو کې شاوخوا ۳۰زره مېوهلرونکي او غیرمېوهلرونکي نیالګي کېنول شي.
افغانستان کې د ملګروملتونو د سیاسي استازولی «یوناما» ماموریت غځېدو ته په غبرګون کې د ا.ا ویاند وايي چې یوناما باید د بېځایه اندېښنو رامنځته کولو او د افغانستان پر وړاندې پروپاګند ته لاره هواره نهکړي.
د ملي دفاع وزارت لوی درستیز محمدفصېحالدین فطرت وايي چې له ګاونډیو هېوادونو او نړیوالو سره د زور او جګړې اراده نهلري.
نوموړي دغه څرګندونې د ملي دفاع وزارت اړوند د ۷۰۰ منسوبینو د فراغتغونډه کې د وینا پرمهال کړې دي.
د فلسطین د روغتیا وزارت ویلي چې د غزې په یوشمېر برخو د اسراییل تازه هوايي بریدونو کې شاوخوا ۲۰۰ کسان وژل شوي او تر ۲۰۰ ډېر ټپیان دي.
دغه وزارت ویلي چې دغو کسانو ته د غزې شمالي سیمو دېرالبلاح، خانیونس، رفح او د غزې سویل کې د اسراییل د نن سهار هوايي بریدونو کې مرګژوبله اوښتې ده.
د فلسطین د روغتیا وزارت په وینا، پر غزې د اسراییل د بریدونو زیاتره قربانیان ماشومان او ښځې دي.
د پاکستان یوشمېر رسنیو راپور ورکړی چې دغه هېواد د سرپرست حکومت هغه غوښتنه رد کړې چې پاکستان کې دې د افغان کډوالو د پاتې کېدو موده وغځوي.
په راپورونو کې ویل شوي چې له دغه هېواده به د (ECC) کارټلرونکي، د اپرېل له لومړۍ نېټې څخه به په زوره افغانستان ته ستانه کړل شي.
د میدانوردګ محلي مسوولان وايي، د دغه ولایت د مرکزي بهسودو ولسوالي لویه لاره چې د واورې ورښت او برفکوچ له امله تړل شوې وه، بېرته پرانېستل شوه.
د امریکا ولسمشر ډونالډ ټرمپ وايي چې د روانې اوونۍ سهشنبه، مارچ ۱۸مه به د روسیې ولسمشر ولادېمیر پوتین سره د جګړې پای ته رسولو لپاره خبرې وکړي.
ټرمپ اېرفورس هوايي ډګر کې خبریالانو ته وویل چې وروستیو اوونۍ کې ډېر کارونه شوي دي.
د شمالي مقدونیې په یوه نایټکلب کې د اورلګېدنې له امله ۵۹ کسانو خپل ژوند له لاسه ورکړی او ۱۵۵ نور ټپیان شوي دي.
چارواکي وايي چې پېښه د یاد هېواد ختیځ کوچاني ښار په «نایټکلب» کې د یوه کنسرټ پرمهال رامنځته شوې ده.
د ایران مذهبي مشر ایتالله علي خامنهيي پر یمن د امریکا بریدونو ته په غبرګون کې ویلي چې د یمن ملت بریالی دی او مقاومت یوازینۍ لار ده.
غزه کې د روغتیا وزارت چارواکي وايي چې د تېرو ۲۴ ساعتونو پرمهال د اسراییلو بریدونو له امله ۱۵ کسانو خپل ژوند له لاسه ورکړی دی.
فلسطیني چارواکي وايي، د روان جنورۍ ۱۹مې اوربند سره سره چې په غزه کې یې د پراخې کچې جګړې ودرولې، د اسراییلو بریدونو له امله لسګونه کسان وژل شوي دي.
