د اسلامي امارت مشر شیخهبتالله اخندزاده تېره ورځ د پکتیا له مسوولانو سره لیدنه کې ویلي، د شرعي نظام د حاکمیت لپاره باید هڅې وشي، څو اسلامي او شرعي په ځانګړې ډول د امربالمعروف او نهي عنالمنکر احکام چې د اسلام اصلي هدف دی، نافذ شي.
د سرپرست حکومت ویاند ذبیحالله مجاهد پر اېکسپاڼه ویلي، شیخهبتالله اخندزاده ټینګار کړی چې اوس یې وخت دی، ترڅو په اقتصادي، سیاسي، او نظامي چارو کې شریعت تطبیق شي.
د هرات د حوزوي روغتون یوشمېر ډاکټران وايي چې ډېری امېندواره مېرمنې د امېندوارۍ پرمهال د تورو لکو «پرمخ تور داغونه» یا د امېندوارۍ ماسک درملنې لپاره دغه روغتون ته مراجعه نهکوي. فاطمه امیني او معصومه مومني امېندواره مېرمنې دي چې پرمخ د تورو داغونو څخه رنځېږي.
د لوګر پوهنې ریاست مسوولان وايي چې د پلعلم ښار اړوند د الوزیو په سیمه کې د لومړي ځل لپاره د حضرت ابوعبیده بن الجراح په نوم یو نوی ښوونځی د زدهکوونکو پرمخ پرانېستل شوی دی.
د میدانوردګ چارواکي وایي چې د دغه ولایت د ټولګټو ریاست له لوري د چک ولسوالي د «ده عربان» سیمې د لس کیلومټره سړک د بیارغونې چارې پيل شوې.
د کونړ محلي چارواکي وايي چې دغه ولایت کې د یوه کور چت لوېدو له امله درې ماشومان مړه شوي او بل ټپي دی.
پېښه بېګاه شپه شااوخوا دوه بجې د کونړ د چپې درې په ولسوالي کې د باران ورېدو له امله رامنځته شوې ده.
د پاکستان په بلوجستان ایالت کې د پولیسو پر موټر د وسلهوال برید له امله درې پولیس وژل شوي او یو بل ټپي دی.
د پولیس چارواکو په وینا، برید د کوټې په مستونګ سړک د نوي سریاب پولیسو پر موټر شوی دی. دوی زیاته کړې چې له برید وروسته وسلهوال پر تېښته بریالي شوي دي.
د هند کرېکټ غوره لیګ یا ایپياېل کې نن پنجشنبه، اپرېل لسمه رویال چلنجرز بنګلور له ډیلي کپېټلز سره سیالي کوي.
ټاکل شوې چې یاده لوبه نن ماښام د هند د بنګلور په «اېم چېناسوامې کرېکټ لوبغالي» کې ترسره شي.
د نړیوالو رسنیو د راپورونو پر اساس، اسراییلي ځواکونو نن (پنجشنبه، وري ۲۱) د غزې بېلابېلو سیمو کې د استوګنې پر ودانیو هوايي بریدونه کړي چې ګڼ شمېر کسانو ته یې مرګژوبله اړولې ده.
راپورونو کې ویل شوي چې د غزې پر «شجاعیه» سیمه د اسراییل بریدونو کې لږترلږه ۳۵ فلسطینیان وژل شوي او ۵۵ نور ټپیان دي.
د امریکا ولسمشر ډونالډ ټرمپ ویلي چې د چین په صادراتي توکو یې تعرفه له ۱۰۴سلنې ۱۲۵سلنې ته لوړه کړې او د نورې نړۍ اضافه تعرفه یې ۹۰ ورځې ځنډولې ده.
هغه لیکلي چې دغه پرېکړه د چین د هغه غچ اخیستونکي اقدام په ځواب کې شوې چې د امریکایي توکو په وارداتو یې تعرفې ولګولې.
ډونلډ ټرمپ ویلي چې پر چین لګول شوې تازه تعرفه په سملاسي ډول عملي کېږي.
۲۵کلن عاقل شاه بختیار له کوچنیوالي څخه د ودانیو او انجینیري پروژو سره لېوالتیا درلوده. هغه ته انجینیري یو مسلک نه، بلکې یوه هیله وه. نوموړي خپلو دې هیلو ته د رسېدو لپاره د بلخ پوهنتون له انجینیري پوهنځي د فراغت سند ترلاسه کړ، خو نهیې غوښتل چې یوازې انجینیر پاتې شي.
د افغانستان بانک سبا «پنجشنبه، وري ۲۱مه» د افغانیو ارزښت ساتنې لپاره ۲۰ میلیونه ډالر د لیلام په توګه بازار ته وړاندې کوي.
د افغانستان بانک نن (چهارشنبه، وري ۲۰مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا «پنجشنبه، وري ۲۱مه» ۲۰میلیونه امریکايي ډالر لیلام کړي.
د اوکراین ولسمشر ولودېمیر زېلېنسکي وايي چې اوکرایني ځواکونو په ختیځ اوکراین کې دوه چینایان چې د روسیې لپاره جنګېدل، نیولي دي.
غزه کې د اسراییلو د مرګونو بریدونو پر دوام، په شویو تازه بریدونو کې د ښځو او ماشومانو په ګډون ۲۶ کسانو خپل ژوند له لاسه ورکړی دی.
دغو کسانو د غزې پر بېلابېلو سیمو د اسراییلو په بریدونو کې خپل ژوند له لاسه ورکړی.
د دومېنېکا هېواد د پلازمېنې سانټو دومېنېکا ښار د یوه نایټکلب د چت لوېدو له امله ۹۸ کسان وژل شوي او ۱۶۰ نور ټپیان دي.
په وژل شویو کې د پلازمېنې والي او د بېسبال مېجر لیګ پخوانی لوبغاړی اوکتاویو ډوټل هم شامل دي.
د راپورونو له مخې، شاوخوا ۴۰۰ ژغورونکي او مرستندویه ډلو غړي د احتمالي ژوند پاتو او جسدونو د راېستلو لپاره هڅې کوي.
د امریکا د دفاع وزیر پېټ هېګسټ پاناما ته د خپل سفر پرمهال ویلي چې د پاناما کانال به له چین بېرته وګرځوي.
نوموړي د پاناما له چارواکو تر لیدنې وروسته ژمنه کړې چې د یاد هېواد امنیتي ځواکونو سره همکاري پراخه او ټينګار یې وکړ چې د پاناما کانال کې به د چین د نفوذ مخه ونیسي. د امریکا دفاع وزیر زیاته کړې چې چین غواړي د سوداګرو په مرسته دغه کانال د جاسوسۍ لپاره وکاروي، خو په وینا یې، دوی به یې مخه ونیسي.
د پکتيا د امنیې قومنداني یوې خبرپاڼه کې ویلي چې د يو لړ عملياتو په ترڅ کې يې د نشهيي توکو يوه کارخونه کشف او
