د استرالیا لومړی وزیر انتوني البانیزي وايي چې هېواد به یې د خلیج سیمې د امنیت د ملاتړ لپاره پوځي مرستې واستوي.
د هغه په وینا، استرالیا به د اوږد واټن د څارنې یوه الوتکه او هوا په هوا توغندي واستوي، څو د ایران د احتمالي بریدونو پر وړاندې د سیمې له هېوادونو سره مرسته وکړي.
ملګرو ملتونو کې د امریکا سفیر وايي، له افغانستان سره د ملګرو ملتونو مرستې ارزونې ته اړتیا لري.
رویټرز اژانس نن سهشنبه د حوت ۱۹ / مارچ ۱۰ راپور ورکړی چې ملګرو ملتونو کې د امریکا استازي ویلي، د اسلامي امارت دریځ او پر افغان ښځو محدودیتونو ته په پام، افغانستان سره باید په نړیوالو مرستو بیاکتنه وشي.
د لبنان حزبالله ډله وايي چې د اسراییلو پر سرتېرو او پوځي ځایونو یې تازه بریدونه کړي دي. د دې ډلې په وینا، د سهار په لومړیو ساعتونو کې یې د لبنان د سرحدي ښار عیتارون ته څېرمه د اسراییلو په شمال کې د المالکیه پوځي ځای د راکټونو په وسیله په نښه کړی دی.
تېره شپه یو ځل بیا د پکتیا ډنډپټان ولسوالۍ کې له ډيورنډ فرضي کرښې اخوا د پاکستاني ځواکونو پوستې په نښه شوي. پکتیا کې يوې
د ایران بهرنیو چارو وزیر عباس عراقچي تازه ویلي چې له وروستیو شخړو وروسته، امریکا سره د خبرو بیا پیلول امکان نهلري.
هغه نن سهشنبه رویټرز اژانس سره خبرو کې ویلي، د ایران او امریکا ترمنځ تېرې خبرې یوه ترخه تجربه وه.
ورته وخت کې د ایران خاتم الانبیا مرکزي قرارګاه قومندان ویلي، د اسراییل او امریکا پر وړاندې به یې بریدونه دوام ولري.
د بهرنیو چارو وزیر امیرخان متقي ویلي، د جګړو پراخېدل د سیمې د بې ثباتۍ لامل ګرځي او ټول هېوادونه باید د شخړو د حل لپاره د زور پر ځای د خبرو، تفاهم او ډیپلوماټیک تعامل لاره خپله کړي. هغه زیاته کړې، پر ایران بریدونو او د ایران او ځینو خلیجي هېوادونو ترمنځ زیاتېدونکي کړکېچ، سیمه له امنیتي خطرونو سره مخ کړې.
د هرات ځايي مسوولان وایي، له اسلامکلا بندر څخه هره ورځ ۱۳۰۰ باروړونکي موټر تګراتګ کوي.
د هرات د اسلامکلا کمیسار حضرت زعیم آغا وایي، سره له دې چې ایران کې کړکېچ او جګړه روانه ده، د افغانستان او ایران ترمنځ د سوداګریزو توکو د ترانزیټ او تګراتګ بهیر لا هم په عادي ډول دوام لري او تر اوسه پهکې کوم جدي خنډ نه دی رامنځته شوی.
د کډوالو ستونزو ته د رسېدنې عالي کمېسیون مسوولان وايي چې ۷۵ کورنۍ له ایران او پاکستان څخه هېواد ته راستنې شوې دي.
د یاد کمېسیون د راپور له مخې، ۳۸ کورنۍ د ورېښمو پُل، ۱۵کورنۍ د هرات د اسلامکلا، او ۲۲ کورنۍ د کندهار دسپینبولدک له لارې هېواد ته راستانه شوې دي.
د پکتیکا ولايتي چارواکي وايي چې نن دوشنبه، کب ۱۸مه، د يو لړ مراسمو په ترڅ کې د نيالګيو پسرلنی کمپاين پېل کړی دی.
دغه کمپاين د پکتیکا د چاپېریال ساتنې، کرنې او اوبولګولو ریاستونو او د مرکز ښرنې ښاروالۍ په ګډه د «ځمکې ابادول د پیغمبر صلی الله علیه وسلم سنت دی» تر عنوان لاندې پيل شوی دی.
د ایران د روغتیا وزارت مرستیال علي جعفریان ویلي چې د تېرو نهو ورځو پرمهال په ایران کې د جګړو او بریدونو له امله له زرو ډېر کسان وژل شوي او زرګونه نور ټپیان دي.
جعفریان له الجزیرې خبري شبکې سره په خبرو کې وویل چې په دې موده کې تر ۱۲زرو ډېر کسان ټپیان شوي او لږترلږه ۱,۲۵۵ کسان وژل شوي دي.
د ترکیې د دفاع وزارت اعلان کړی چې د سیمې د وروستیو پرمختګونو له امله یې د شمالي قبرس ترکي جمهوریت ته شپږ اېف–۱۶ جنګي الوتکې او هوايي دفاعي سیستمونه ځای پر ځای کړي دي.
وزارت په یوه بیان کې ویلي چې دغه اقدام د سیمې د امنیتي وضعیت د بدلونونو له امله شوی دی.
د غزني یو شمېر اوسېدونکي دې وروستیو اونیو کې د خوراکي توکو د بیو له لوړېدو شکایت کوي او وایي، د خلکو د پېرلو توان
د امریکا د جګړې وزیر پیټ هېګسیت «Pete Hegseth »ویلي چې د ایران پر وړاندې د امریکا او اسراییلو د روانو پوځي عملیاتو په دوام کې به د تهران پر ضد بریدونه نور هم زیات شي.
هېګسیت له اېنبيسي نیوز سره په مرکه کې ویلي: «زموږ بریدونه به پر تهران لاډېر شي او دا عملیات د ټاکل شوي پلان له مخې مخته روان دي.»
د متحده عربي اماراتو د دفاع وزارت ویلي چې د هېواد هوايي دفاعي سیستمونه دامهال د ایران له لوري د توغندیو او بېپیلوټه الوتکو د احتمالي ګواښونو پر وړاندې په عملیاتو بوخت دي.
د وزارت په یوه بیان کې ویل شوي چې د هېواد په بېلابېلو سیمو کې چې کوم د چاودنو غږونه اورېدل شوي، هغه د هوايي دفاعي سیستمونو د فعالیت پایله ده.
د لبنان حزبالله ډلې ادعا کړې چې د اسراییلو د پوځ یوشمېر سرتېري او پوځي وسایط د لبنان سوېل د اودیسه کلي په شاوخوا کې د توغندیو په برید کې په نښه کړي دي.
د حزبالله په یوه بیان کې ویل شوي چې دغه برید نن سهار شوی او پهکې د اسراییلي پوځ پر یوې ډلې سرتېرو او څو پوځي موټرو راکېټونه توغول شوي دي.
بادغیس کې یوشمېر مېرمنې وايي چې د جنین او مور د وینې ترمنځ د سمون په اړه د نه پوهاوي له امله له بېلابېلو ستونزو سره لاس او ګرېوان شوې دي.
دوی خبرداری ورکوي چې ډېری کورنۍ په دې اړه پوهاوی نهلري او دا چاره کولای شي، د مور او ماشوم ژوند له ګواښ سره مخ کړي.
