د لوګر محلي چارواکي وايي چې د دغه ولایت په مرکز پلعلم او محمداغې ولسوالي له ۱۲۵ سېلابځپلیو کورنیو سره بېړنې مرستې شوې دي.
د دغه ولایت د والي ویاند صدیق احمدصدیقي سلاموطندار ته وویل، دغه مرسته د طبیعي پېښو پرضد مبارزې او کلیو پراختیا ریاستونو له لوري له سېلابځپلیو کورنیو سره شوې ده.
د ګردېز ښاروالي له لوري نن دوشنبه، چنګاښ نهمه، د ښاريانو سره په ګډه د ښار د پاکولو لپاره عمومي حشر کړی چې د ښاروالي مسوولانو، ګردېز ښاريانو او ګذر وکيلانو پهکې برخه اخیستې وه.
د ياد حشر د پيل په مراسمو کې د ګردېز ښاروال حبيبالله اخندزاده حامد وويل چې ياد عمومي حشر د ښار د پاکوالي لپاره شوی چې ګڼو خلکو پهکې ګډون کړی دی.
د پنجشېر ځايي مسوولان وايي، د دغه ولایت او تخار ترمنځ د ۲۸ کیلومتره سړک جوړولو لپاره ۲۷۰ میلیون افغانۍ بودیجه منظور شوه.
د پنجشېر ـ تخار نښلېدونکی سړک په ۲۸ کیلومتره اوږدوالي او ۵ متر سور سره جوړیږي او د کابل او شمال ختیځو ولایتونو ترمنځ د تګ راتګ زیاتېدو او د لېږد را لېږد په برخه کې به ګڼې اسانتیاووې رامنځ ته کړي.
د میدانوردګ ځايي مسوولان وایي، په چک ولسوالي کې د ۳۹ میلیون افغانیو په لګښت د اوبو رسولو څلورو شبکو د جوړېدو چارې پيل شوې.
په دغو پروژو کې د چک ولسوالي «خواجهانګور، ګلابخېلو، غونډۍ او کرکټ» کليو کې د اوبو رسولو د څلورو شبکو جوړول، یو شمېر کلیو کې د ۶۵ څاګانو ترمیم او په ۷ ښوونځیو کې د اوبو برابرول شامل دي.
د کورنیو چارو وزارت سرپرست سراج الدین حقاني ويلي، ډاکټران په سختو حالاتو کې خلکو ته د روغتیايي خدمتونو په وړاندې کولو کې مهم رول
د خوست ځايي مسوولان وايي، په ځاځيميدان ولسوالي کې تېره ورځ د شديدو اورښتونو او بادونو له امله د يو کور چت نړېدلی چې څلورو
د غور ځايي مسوولان وايي، د دغه ولایت تیورې او دولتیار ولسوالیو کې د ۱۶ میلیون او ۱۱۳ زره افغانیو په ارزښت د اوبو رسولو د دوو شبکو جوړولو چارې پیل شوې.
د غور د کلیو د بیارغونې او پراختیا ریاست د رسنیو دفتر مسوول ذبیحالله غوثيزاده نن (دوشنبه، سرطان ۹مه) وايي، د اوبو رسولو دغه شبکې د ډاکار موسسې په مالي ملاتړ تطبیق کیږي.
د بهرنیو چارو وزارت سرپرست امیر خان متقي د مالیزیا ځانګړي استازي سره لیدنه کې د افغانستان او مالیزیا ترمنځ په سیاسي او اقتصادي اړیکو او د همکاريو پر پراختيا خبرې کړي.
ښاغلي متقي د افغانستان او مالیزیا ترمنځ شته ډیپلوماټیکې، دیني، کلتوري او اقتصادي اړیکې د پراخوالي په حال کې بللي دي.
د لوګر ځايي مسوولان وايي، مرکز پلعلم او محمداغې، برهکي برک او ازرې ولسوالیو کې د وروستیو سېلابونو له امله پنځو کسانو ته مرګژوبله اوښتې. د
د هرات ځايي مسوولان وايي، دغه ولایت کې په ۶ زره جریبه ځمکه د کډوالو لپاره د یوه معیاري ښارګوټي جوړولو چارې پیل شوې.
د ریاستالوزرا اداري او د کډوالو ستونزو ته د رسېدنې عالي کمیسیون مشر مرستیال عبدالسلام حنفي وویل، دغه ښارګوټی به د ژوند ټولې اسانتیاووې ولري.
دغه ښارګوټی د هرات په زندهجان ولسوالي کې جوړیږي.
پاکستان تېره ورځ شمالي وزیرستان کې پر پاکستاني پوځیانو له ځانمرګي برید وروسته، افغانستان سره د غلامخان بندر لاره تړلې.
د خوست ولايت مقام نن (یکشنبه، سرطان ۸م) سلاموطندار ته استولې خبرپاڼه کې ویلي، پاکستان تېره شپه د غلامخان بندر د افغانستان کميسارۍ مسوولانو ته خبر ورکړلی چې یاده لاره د امنیتي ستونزو او مشکلاتو له امله تر نامعلوم وخت پورې تړل شوې ده.
لوګر ځايي مسوولان وايي، د وروستیو سېلابونو له امله د دغه ولایت په مرکز پلعلم ښار او محمداغې ولسوالي کې د هستوګنې شاوخوا ۲۵۰ کورنه نړېدلي.
د دغه ولایت د والي ویاند صدیق احمد صدیقي سلاموطندار ته وویل، د شنبې شپې سېلابونو له امله لوګر کې ۵۰ کورونه په بشپړه توګه او ۲۰۰ نور نېمه وران شوي دي.
د روان کال تېره جوزا میاشت کې د هېواد د اوسپنې پټلۍ له لارې ۳۱۲ زره او ۳۹۷ مټریک ټنه انتقالات شوي. د ټولګټو چارو
له ایرانه د راستنېدونکو افغانانو شمېر زیاتېدو سره هممهاله، د کډوالو په چارو کې د ملګرو ملتونو عالي کمېشنرۍ UNHCR د بیرته راستنېدونکو ستونزمن وضعیت په اړه خبرداری ورکړی.
دغه سازمان تېره ورځ (شنبه، سرطان ۷مه) یوه راپور کې له ایرانه د بیرته راستنېدونکو افغانانو اړتیاوو ته د رسېدنې لپاره د بېړنیو مالي مرستو غوښتنه کړې.
د دغه سازمان په وینا، د جون میاشتېې له ۱۳مې راهیسې د بیرته راستنېدونکو شمېر مخ په زیاتېدو دی.
د فلسطین روغتیايي چارواکو ویلي، د اسراییل او حماس ترمنځ د جګړې له پیل راهیسې لږ تر لږه ۶۶ ماشومان د لوږې له امله مړه شوي.
د راپورونو پر اساس، د اسراییل له لوري غزې ته د مرستو پر لېږد بندیز، هلته انساني بحران نور هم ژور کړی.
د فلسطین د دولتي رسنیو ادارې دغه وضعیت جنګي جنایت بللی او خبرداری یې ورکړی چې اسراییل د ملکيانو په ځانګړې توګه د ماشومانو نابودۍ لپاره لوږه د جنګي وسیلې په توګه کاروي.
پاکستاني رسنیو راپور ورکړی چې شمالي وزیرستان کې د ځانمرګي برید پرمهال ۱۳ پاکستاني پوځیان وژل شوي او ۱۰ نور ټپیان دي. دغه ځانمرګی برید
