د بدخشان د خواهان ولسوالي اوسېدونکو د ځمکو خړوبولو لپاره د یوه کرنیز کانال د جوړولو چارې پیل کړې دي.
د خواهان ولسوالي قومي مشر رحمتالله سلاموطندار ته وايي چې د یادې ولسوالي دښتو ته د اوبو برابرولو سره په یوه کال کې دوه فصله د غنمو، وریجو او نورو مېوو حاصلات ترلاسه شي.
روغتیايي چارواکي وايي چې د غزې په بېلابېلو سیمو کې د اسراییلي ځواکونو بریدونو پرمهال له بېګاه شپې ناوخته راهیسې ترې مهاله ۱۹ کسانو خپل ژوند له لاسه ورکړی دی.
الجزیرې خبري شبکې نن شنبه، جولای پنځمه خبر ورکړی چې دغه کسان د غزې په بېلابېلو سیمو کې ژوند له لاسه ورکړی چې ښځې او ماشومان هم پهکې شامل دي.
د امریکا ولسمشر ډونالډ ټرمپ له خپل سیال ولادېمیر پوتین سره تر ټیلیفوني اړیکې وروسته ویلي چې دی له پوتین سره له ټیلیفوني خبرو ناخوښ دی او په وینا یې، «پوتین غواړي وژنو ته دوام ورکړي.»
په داسې حال کې چې غزه کې د اسراییل بریدونه دوام لري، حماس د اوربند په اړه د خبرو لپاره چمتوالی ښوولی دی.
الجزیرې خبري شبکې نن (شنبه، سرطان ۱۴) د حماس په خبره لیکلي چې: «د خبرو نوي پړاو پیلولو لپاره چمتو یو.»
تر دې وړاندې د امریکا ولسمشر ډونالډ ټرمپ غزه کې د اوربند لپاره د ۶۰ ورځني اوربند طرحه وړاندې کړه او له اسراییل او حماس دواړو لورو یې وغوښتل چې هغه ومني.
د خوست مرکز کې د څلور ميليون امريکايي ډالرو په لګښت په ۱۰ جریبه ځمکه کې د يوه ورزشي کمپلکس د جوړېدو چارې پيل شوې.
د بدني روزنې او ورزش عمومي رييس احمدالله وثیق د ياد ورزشي کمپلکس د چارو پيل مراسمو کې وويل، د دغه کمپلکس ټول لګښت چې شاوخوا ۴ میلیون ډالر کیږي د يوه بهر ميشتي افغان لخوا ورکول کیږي.
د پاکستان پوځ ادعا کوي چې له افغانستان سره ډیورنډ فرضي کرښې ته نږدې یې، هند پورې تړلي، ۳۰ وسلهوال وژلي دي.
د یاد هېواد د پوځ مطبوعاتي څانګې له لوري په خپره شوې خبرپاڼه کې ویل شوي چې دغه وسلهوال هغه مهال ووژل شول چې غوښتل یې، له افغانستان څخه دغه هېواد ته ننوځي.
د هرات محلي مسوولان وايي چې د تېرې یوې شپې او ورځې پرمهال څه باندې ۳۱زره افغانان له ایران څخه بېرته هرات ولایت ته راغلي دي.
د کډوالو په چارو کې د اطلاعاتو او عامه پوهاوي کمېسیون مسوولان همداراز زیاتوي چې د هرات اسلامکلا بندر له لارې تېرو ۲۴ ساعتونو کې له ایران څخه ۳۱زره او ۳۰۳ افغانان بېرته راستانه شوي دي.
د اسراییلو پوځ وايي چې د غزې شمال کې د شپنیو عملیاتو پرمهال د دوی یو سرتېری وژل شوی دی.
د اسراییلو پوځ د وژل شوي سرتېري نوم «۱۹ کلن یائیر الیاهو» یاد کړی او د اسراییلو د ازر سیمې اوسېدونکی دی.
په داسې حال کې چې راتلونکې اوونۍ د اسراییلو لومړی وزیر بنیامین نتنیاهو امریکا ته سفر کوي، ډونالډ ټرمپ وايي چې د غزې اوسېدونکو لپاره د امنیت غوښتونکی دی.
ټرمپ په اندروز هوايي ډګر کې خبریالانو ته ویلي چې د غزې اوسېدونکو لپاره امنیت غواړي او په وینا یې، دوی له جهنم ورهاخوا ژوند کوي.
د امریکا په شیکاګو پولیس وايي چې د وسلهوالو کسانو د ډزو پرمهال څلور کسان وژل شوي او ۱۸ نور ټپیان دي.
د نړیوالو رسنیو د راپورونو له مخې، پېښه د شیکاګو له ګڼېګوڼې ډکې یوې سیمه کې شوی چې یوشمېر کسان د یوه رسټورانټ مخته راټول شوي او نمانځنه یې، کوله.
غزې په بېلابېلو سیمو کې نن جمعه، جولای څلورمه، د اسراییلي ځواکونو د بریدونو له امله ۱۸ کسانو خپل ژوند له لاسه ورکړی دی.
روغتیايي چارواکو الجزیرې شبکې ته ویلي چې یوشمېر نور کسان په دې بریدونو کې ټپیان شوي دي.
د اوکراین چارواکي وايي چې روسیې بېګاه شپه د یاد هېواد پر کېیف او نورو سیمو پراخ بریدونه کړي چې له کبله یې، ۱۴ کسان ټپیان شوي دي.
د کېیف ښاروال ویټالي کلیچکو نن جمعه، جولای څلورمه، پر خپل ټېلېګرام لیکلي چې د روسیې په بریدونو کې دولس ټپیان روغتون کې بستر شوي.
د ننګرهار د همېشهبهار سب سټېشن کې د ۶۵ میلیون افغانیو په لګښت د ۳۰ مېګاواټه په ظرفیت د کپسیټر بانک نصبولو چارې پیل شوې.
د لوګر د کرنې، اوبولګولو او مالدارۍ ریاست مسوولان وایي چې د ملګروملتونو د پراختیایي پروګرام(UNDP) له لوري د دغه ولایت په مرکز پلعلم او څلور ولسوالیو کې ۶۵ شنېخونې جوړېږي.
د روسیې چارواکي وايي چې د اوکراین ختیځ لوهانسک سیمه یې، په بشپړه توګه نیولې ده. لوهانسک د اوکراین ختیځ له څلورو سیمو یوه هغه ده چې روسیې په بشپړه توګه د نیولو ادعا کوي.
د غزې حکومت د رسنیو دفتر وايي چې د تېرو ۴۸ ساعتونو پرمهال د اسراییلي ځواکونو د بریدونو پرمهال ۳۰۰ کسانو خپل ژوند له لاسه ورکړی دی.
د یاد دفتر د معلوماتو له مخې، د نن پنجشنبې سهار راهیسې، د غزې ښار پر بېلابېلو سیمو د بریدونو له امله ۳۰ کسانو خپل ژوند له لاسه ورکړی.
