د هرات د صنعت او سوداګرۍ خونې مسوولان وایي چې د روان لمریز کال له پیل راهیسې د هرات لاساوبدل شوي غالۍ د ۲۷۰ زرو امریکایي ډالرو په ارزښت بهر ته صادر شوي دي.
د هرات د سوداګرۍ او پانګونې خونې اجرائیوي رییس یوسف امین وایي، دغه غالۍ استرالیا، جرمني او اتریش هېوادونو ته لېږدول شوي دي.
هغه زیاتوي چې په لاساوبدل شویو غاليو په صادراتو کې د تېرکال په پرتله څرګند زیاتوالس راغلی دی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د امین په وینا، تېرکال د ۱۵۵زرو امریکایي ډالرو په ارزښت غالۍ له هرات څخه صادرې شوې وې؛ خو په روان کال کې دا کچه تر ۱۱۶زرو ډالرو زیاته شوې ده.
په لاساوبدل شوې افغاني غالۍ د هېواد یو له مهمو کلتوري او اقتصادي محصول بلل کېږي چې د لوړ کیفیت، اصیلو نقشو او طبیعي رنګونو له امله په نړیوالو بازارونو کې ځانګړې پېژندګلوي او ارزښت لري.