د بلخ محلي مسوولان وايي چې په مزارشریف ښار کې له عمومي سړکونو، لارو او کوڅو څخه د سمنټي دیوالو د لرې کولو کمپاین پیل شوی دی.
د بلخ د امنیې قومنداني د معلوماتو له مخې، دغه کمپاین د ریاستالوزرا د لارښوونې پربنسټ د مزارشریف ښار د درېیمې امنيتي حوزې له سیمې څخه پیل شوی دی.
د بلخ د امنیې قومنداني ویاند، محمدعیسی وثیق د یاد اقدام موخه د ښار د نظم ټینګېدل او د خلکو د تګراتګ د اسانتیاوو رامنځته کول یاد کړي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د هغه په وینا، دغه لړۍ به د مزارشریف ښار په ټولو سیمو کې عملي شي او سړکونه او د پلي تګ لارې به د خلکو پر مخ پرانیستل شي.
د مزارشریف ښار اوسېدونکو د دې اقدام هرکلی کړی او وايي، له سمنټي دیوالونو د سړکونو پاکېدو سره به تګراتګ پرمهال خلکو ته اسانتیاوې رامنځته شي او د خلکو ورځنی ژوند به هم ورسره ښه شي.