په داسې حال کې چې نن سهشنبه پر اوکراین د روسیې د برید څلور کاله پوره کیږي، برتانیې کيیف سره د ۵۵.۷ میلیون پونډ په ارزښت تازه مرسته اعلان کړه.
رویټرز اژانس نن سهشنبه حوت ۵ / فبروري ۲۴ راپور ورکړی چې اوکراین سره د برتانیې حکومت دغه مرستې به نظامي، بشري او د بیارغونې په برخو کې ولګول شي.
له ۲۰۲۲ کال راهیسې د اوکراین او روسیې ترمنځ جګړه کې چې څلور کاله یې پوره شول، له دواړو خواوو سلګونه زره کسانو ته مرګژوبله اوښتې.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
خو امریکا دې وروستیو کې هڅې پیل کړي، څو دغې خونړۍ جګړې ته یوه سولهییزه حللاره پیدا کړي.
د امریکا، اوکراین او روسیې استازو وروستی ځل تېره اونۍ سویس کې د خبرو درېیم پړاو ترسره کړ او د امریکا ځانګړي استازي سټیو ویټکاف هغه مهال وویل: «موږ ویاړو چې د هغه تر مشرۍ لاندې د دې خونړۍ جګړې د درولو لپاره کار کوو.»
د امریکا استازي زیاته کړې چې دواړو لورو هوکړه کړې، څو خپل مشران به د پرمختګونو په اړه خبر کړي او د یوې هوکړې د ترلاسه کولو لپاره به خپلو هڅو ته دوام ورکړي.