د ملګروملتونو چارواکي وايي چې د سره صلیب، فلسطیني ملکي دفاع ادارې او د ملګروملتونو پنځلس بیړني او مرستندویه کارکوونکو جسدونه د غزې تړانګې په سوېل کې په یوه ډلهییز قبر کې موندل شوي دي.
دغه کسان له څو اوونیو راهیسې ورک و چې جسدونه یې، له موټرو سره یوځای د غزې سوېل کې تر خاورو لاندې موندل شوي.
د ملګرو ملتونو د مرستو مشر ټام فلیچر پر خپله اېکسپاڼه لیکلي چې جسدونه د ویجاړو شویو موټرو ته نږدې خښ شوي دي.
هغه لیکلي: «دوی د اسراییلي ځواکونو له لوري د ژوند ژغورلو په هڅه کې ووژل شول. موږ ځواب او عدالت غواړو.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
لومړي معلومات ښيي چې لومړۍ ډله د مارچ پر ۲۳مه د اسراییلو له لوري وژل کېږي او ورپسې نور مرستندویه کارکوونکي د خپلو همکارانو پر لټون یادې سیمې ته ورځي او یو په بل پسې د اسراییلو له لوري وژل کېږي.
اسراییلو تراوسه د یادو مرستندویه د جسدونو موندلو په اړه څه نهدي ویلي.
پر غزې د اسراییلو برید راهیسې تر دې مهاله څه باندې ۴۰۸ مرستندویه کارکوونکو خپل ژوند له لاسه ورکړی دی.
په ورته مهال د ملګروملتونو د راپور له مخې، د تېرو ۱۸ میاشو پرمهال غزه کې د روانې جګړې له امله ۱۰۶۰ روغتیايي کارکوونکو خپل ژوند له لاسه ورکړی دی.