Asset 1SWN

پاکستان کې بریدونه؛ دوه سرتېري وژل شوي او یوشمېر ټپیان دي

160421131940-pakistan-polio-police-officers-killed-crime-scene-super-tease

پاکستان کې د وسله‌والو بریدونو پر دوام، په تازه نښتو او بریدونو کې څلور سرتېري وژل شوي او یوشمېر نور ټپیان دي.

په لومړۍ پېښه کې چې د پاکستان د بلوچستان ایالت په  قلعه عبدالله کې شوې، وسله‌والو د اېف‌سي ځواک پر یوه مرکز ډله‌ییز برید کړی او دوه سرتېري یې، وژلي دي.

د سلام‌وطندار پښتو فېسبوک‌پاڼه وڅارئ

پوځ دعوه کړې چې د ترهګرو دا برید یې شنډ کړی اؤ د دوؤ ځانمرګیانو په ګډون یې پينځه ترهګر وژلي دي.

د پاکستان د پوځ مطبوعاتي دفتر په یوې خبرپاڼه کې ویلي چې وسله‌‌والو له چاودېدونکو توکو ډک موټر د قلعه‌ عبدالله په ګلستان سیمه کې د امنیتي ځواکونو پوستې ته نږدې چاودنه ورکړې او نښته رامنځته شوې.

پاکستاني رسنیو د خپلو سرچینو له قوله بیا راپور ورکړی چې چاودنه د ځانمرګي برید له کبله رامنځته شوې او ګڼ‌ سرتېري په‌کې وژل شوي او ټپیان دي.

بل‌خوا د خېبرپښتونخوا په ټانک سیمه کې د سړک غاړې ماین چاودنې له امله د پاکستان د پوځ دوه سرتېري وژل شوي او دوه نور ټپیان دي.

سلام‌وطندار پر اېکس هم وڅارئ

دغه پېښې داسې مهال کېږي چې تېرکال د دغه هېواد د یوشمېر څېړنیزو بنسټونو د راپورونو له مخې، بلوچستان او خېبرپښتونخوا هغه ایالتونه یاد شوي چې د امنیت ضد ډېرې پېښې په‌کې رامنځته شوي دي.

مرتبط با این خبر:

به اشتراک بگذارید:
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام