د خېبرپښتونخوا په سوېلي ولسوالي ډېرهاسماعیل خان کې د پاکستاني پوځ پر پوسته د وسلهوالو برید له امله لس سرتېري وژل شوي او دوه نور ټپیان دي.
د پاکستاني رسنیو د راپور له مخې، وسلهوالو برید ماښام کړی او له همدې له کبله امنیتي ځواکونو ته درنه مرګژوبله اوښتې.
د سلاموطندار پښتو فېسبوکپاڼه وڅارئ
برید د درازنده ښار څخه لس کلومټره لرې په ختیځ کې، د ډېره اسماعیلخان لوري ته په مرکزي سړک د امنیتي ځواکونو پر پوسته شوی دی.
د برید مسوولیت تحريک طالبان پاکستان پر غاړه اخیستی او ویلي یې دي چې برید یې، د خپل مشر قرېشي او ملګرو په غچ کې کړی دی.
د امنیتي چارواکو په وینا، وژل شوي سرتېري د پاکستان اېفسي ځواک اړوند سرتېري دي او د ټپیانو روغتیايي وضعیت هم د اندېښنې وړ ښودل شوی دی.
دوی زیاتوي چې له برید وروسته سیمې ته نور سرتېري هم ورلېږدول شوي او د وسلهوالو برید په شاه تمبول شوی دی. له برید وروسته سیمه کې د لټون عملیات هم پیل شوي دي.
درازنده د ډېره اسماعیل خان ښار څخه نزدې ۷۰کلومټره سوېللوېدیځ کې موقعیت لري او د بلوچستان ایالد ژوب او سوېليوزیرستان سره پولې لري.
له دې وړاندې هم د پاکستان په دغه ایالت او نورو سیمو کې د وسلهوالو بریدونو پرمهال د یاد هېواد سرتېري او نظامیان په نښه شوي دي.