د هایټي په مرکزي ښارګوټي کې د ګرانګریف ډلې «بانډ» وسلهوالو په برید کې لږ تر لږه ۷۰ کسان وژل شوي او ۳۰۰۰ نور خپلو سیمو پرېښودو ته اړ شوې دي.
د ملګروملتونو د بشري حقونوعالي کمېشنرۍ دفتر «جمعه، اکتوبر پنځمه» وویل چې دا برید د پنجشنبې په ورځ د پورټاوپرنس شمال لوېدیځ ته په ۱۰۰کیلومترۍ کې، په پونټسونډ کې شوی دی.
د سلاموطندار پښتو فېسبوکپاڼه وڅارئ
د یاد دفتر د معلوماتو له مخې، په برید کې ۱۶ کسان ټپیان شوي هم دي. یادې ډلې ۴۵ کورونه او ۳۴ موټرونه هم سوځولې دي.
د هایتي لومړي وزیر ګیري کوونېل دغه برید غندلی دی. نوموړي پر خپله اېکسپاڼه لیکلي: «د بېدفاع ښځو، نارینهوو او ماشومانو پروړاندې یو ناوړه جنایت نه یوازې د قربانیانو پر ضد برید دی، بلکې د ټول هایتي ملت پر وړاندې برید دی.»
تراوسه د دغه برید لامل نهدی معلوم، خو یاده سیمه کې ډېری بریدونه د ګرانګرېف بانډ له لوري کېږي.
د ملګروملتونو د بشري حقونو دفتر د ورکړل شویو معلوماتو له مخې، روان کال دغه هېواد کې د وسلهوالو «بانډونو» ترمنځ نښتو کې ۳۶۶۱ کسان وژل شوي دي.