له پولیو خلاص افغانستان بنسټ اعلان کړی چې راتلونکې اوونۍ به د افغانستان په ټولو ولایتونو کې د پولیو ضد واکسین د تطبیق ملي کمپاین پیل شي.
دغه بنسټ نن چهارشنبه (د وري ۱۹مه) په یوه پیغام کې ویلي چې دا کمپاین به د راتلونکې اوونۍ د دوشنبې پر ورځ پیل شي.
یاد بنسټ له خلکو غوښتي چې د پولیو د لهمنځه وړو لپاره له دې پروګرام سره بشپړه همکاري وکړي او خپل ماشومان واکسین کړي، څو دا خطرناکه ناروغي له هېواده په بشپړه توګه ورکه شي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
خو یاد بنسټ تر اوسه نه دي ویلي چې په دې کمپاین کې به څومره ماشومان واکسین شي.
بلخوا (د روغتیا نړیوال سازمان) مخکې اعلان کړی و چې تېرکال په افغانستان کې د پولیو دوه مثبتې پېښې ثبت شوې وې چې یوه په بادغیس او بله په هلمند ولایتونو کې وې.
پولیو یوه ساري او خطرناکه ناروغي ده چې زیاتره کوچني ماشومان پرې اخته کېږي او د واکسین له لارې یې مخنیوی ممکن دی.