د کندوز امنیه قومنداني مسوولان وايي چې دغه ولایت کې یوه یتیمه نجلۍ چې له کلونو راهیسې په یوه کور کې بندي وه، ازاده کړې ده.
د مسوولانو په وینا، دغه یتیمه نجلۍ د کندوز د امام صاحب ولسوالي په اړوند سیمه کې له کلونو راپدېخوا بندي شوې وه چې د کشفي عملیاتو پرمهال له بنده ازاده شوې.
دوی ټينګار وکړ چې دغه نجلۍ له کلونو راهیسې د خپلې کورنۍ د غړیو له لوري د کور دننه په ځنځیرونو تړل شوې وه.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د کندوز د امنیه قومنداني ویاند جمعهالدین خاکسار سلاموطندار ته وايي، د یادې نجلۍ میرنی ورور چې کلونه یې، پر دې نجلۍ ظلم کړی، د امنیتي ځواکونو له لوري نیول شوي دي.
د خاکسار په وینا، د یادې پېښې د څېړنې لپاره یو پلاوی ګومارل شوی، څو د دې نجلۍ وضعیت له نږدې وڅاري او د نیول شوي کس دوسیه د قانوني مراحلو مخته وړو لپاره عدلي او قضايي ارګانونو ته وسپاري.