د میدانوردګ چارواکي وایي چې د دغه ولایت مرکز میدانښار کې د «هېوادتولید، د هېواد ویاړ» په نوم د کورنیو تولیداتو درې ورځنی نندارتون جوړ کړی.
جوړي شوي نندارتون کې د چارو ادارې ریسس، د سوداګرۍ وزارت مرستیال، محلي چارواکو او سوداګرو ګډون کړی.
د سلاموطندار پښتو فېسبوکپاڼه وڅارئ
د میدانوردګ والي قاري بختیار معاذ وویل، له دغه نندارتون د جوړېدو موخه کورنیو تولیداتو ته بازارموندنه او سوداګر پانګونې ته هڅول دي.
نوموړي زیاته کړه، میدانوردګ د هېواد یو له هغه ولایتونو څخه دی چې په پراخه کچه کورني تولیدات لري او له دې لارې کروندګر، مالدار او بڼوال په سلګونه زره افغانۍ ګټه په لاس راوړي.
د چارو ادارې لوي ریيس مولي نورالحق انور وویل، دا ډول نندارتونونه کولای شي چې د هېواد اقتصاد ته وده ورکړي. نوموړي زیاته کړه، ا.ا هڅه کوي چې کورنیو تولیداتو ته په کور دننه او بهر بازار موندنه وکړي.
د میدانوردګ اوسېدونکي هم خوښ دي چې د ولایت په کچه د کورنیو تولیداتو درې ورځنی نندارتون جوړ شوي، خو دوي غوښتنه کوي چې ا.ا دې کورنیو تولیداتو ته مناسبه بازار موندنه وکړي.