د ټولګټو وزارت ویاند محمداشرف حقشناس نن سهشنبه (د تلې ۲۲مه) «سلام وطندار» ته ویلي چې د سالنګونو لویې لارې د تونلونو د ترمیم پروژې د پلي کولو په موخه، دغه لار به د ۱۴۰۴کال د تلې له ۲۷مې نېټې څخه د لړم تر ۶مې نېټې پورې په بشپړ ډول تړل شوې وي.
حقشناس له موټرچلونکو وغوښتل چې د دې ۱۰ ورځو په موده کې سالنګونو لویې لارې ته د تګ پر ځای د دوشي – بامیان بدیل لاره وکاروي.
د سالنګونو لویه لار د کابل ښار او شمالي ولایتونو ترمنځ یو حیاتي تجارتي او ترانزیټي مسیر ګڼل کېږي چې نه یوازې د مسافرو د تګراتګ لپاره مهمه ده، بلکې د سوداګریزو توکو لېږد، د ولایتونو ترمنځ اقتصادي اړیکې او د هېواد د داخلي بازار د جریان لپاره هم حیاتي رول لري.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د دې لارې بندیدل به د خلکو د سفر او سوداګرۍ پرمهال ځینې ستونزې رامنځته کړي، نو له همدې امله چارواکي له مسافرو او سوداګرو غواړي چې د بدیلې لارې څخه استفاده وکړي او د امنیتي او ترمیمي کارونو پرمهال له صبر کار واخلي او همکاری وکړي.
د یادونې ده چې د تونلونو د ترمیم او ساتنې دا پروژه د دې لپاره پلي کېږي چې د لویې لارې خوندیتوب لوړ شي، د ترافیکي پېښو مخه ونیول شي او د شمالي ولایتونو د خلکو ژوند او اقتصاد خوندي وساتل شي.