ټاکل شوې چې د سوریې د لنډمهالي حکومت ولسمشر احمد الشرع نن چهارشنبه، د کب اتمه، د یوه رسمي سفر په ترڅ مسکو ته لاړ شي.
نوموړی به د یاد سفر پرمهال د روسیې ولسمشر ولادېمیر پوتین سره وویني او د بېلابېلو موضوعاتو په اړه به خبرې وکړي.
د کرملین په خبرپاڼه کې ویل شوي چې دواړه لوري به د دوه اړخیزو اړیکو د پرمختګ او د منځني ختیځ د روان وضعیت په اړه خبرې وکړي.
الشرع مخکې هم، د ۲۰۲۵کال د اکتوبر په ۱۵مه، مسکو ته تللی و او د کرملین په ماڼۍ کې یې له پوتین سره لیدلي و.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د بشارالاسد د نظام له نسکورېدو وروسته، دمشق د الشرع تر مشرتابه لاندې له مسکو سره دوستانه اړیکې پیاوړې کړې دي.
روسیه هڅه کوي د سوریې په طرطوس بندر او حمیمیم هوایي اډه کې د خپلو پوځي مرکزونو راتلونکې خوندي کړي چې دا دواړه د روسیې یوازیني بهرني پوځي مرکزونه دي.
مخکې له دې سفر څخه، د روسیې د بهرنیو چارو وزارت د سوریې د حاکمیت او سیمهییزې بشپړتیا درناوی کړی دی.