د افغانستان د غالیو تولیدوونکو او صادروونکو ټولنې ویلي، د غالیو یوه افغاني شرکت د ترکیې د استانبول په دوموټېکس نړیوال نندارتون کې د کلاسیک ډيزاین په برخه کې لومړی مقام خپل کړی.
د راپورونو پر اساس، دغې ټولنې دا یوه ستره لاستهراوړنه بللې او زیاته کړې یې ده چې دا به نړیوال بازار کې د افغاني غالیو ارزښت لا لوړ کړي.
د مالوماتو پر بنسټ، د ترکیې د استانبول دوموټېکس نندارتون کې چې تېره ورځ شنبه پایته ورسېده، ۱۹ هېوادونو ګډون کړی وو.
د یادونې ده چې دا دویم ځل دی د هېواد د غالیو تولیدونکي او صادرونکي شرکتونه د استانبول په دویم دوموتکس نړۍوال نندارتون کې ګډون کوي.