د پنجشېر د عامې روغتیا ریاست چارواکي وایي چې د دغه ولایت د حصه اول ولسوالي یو اوسېدونکی په خپل شخصي لګښت په ۳۵زره ډالرو د خلکو د روغتیا لپاره یو کلینیک جوړوي.
د پنجشېر د عامې روغتیا رییس حجتالله محمد نن چهارشنبه، (وږي پنځمه) وویل چې دغه کس حاجي سیدمحمود نومېږي او د جرویش کلي اوسېدونکی دی. نوموړي د ۳۵زره امریکایي ډالرو په ارزښت خپله شخصي شتمني د دې روغتیايي مرکز د جوړېدو لپاره ځانګړې کړې ده.
محمدي زیاته کړه، که څه هم د کلینیک د جوړېدو په اړه بشپړ تخنیکي جزئیات تراوسه نهدي ورکړل شوي، خو دا مرکز به پر هغه ځمکه جوړ شي چې د کلي اوسېدونکو مخکې له مخکې ځانګړې کړې ده.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د یاد ولایت د عامې روغتیا رییس زیاته کړه چې د یاد کس دغه اقدام د درناوي وړ دی او د دې ریاست یو پلاوی د حاجي سیدمحمود له استازي او د کلي له یوشمېر اوسېدونکو سره لیدلي دي.
هغه د حاجي سید محمود دغه خیریه ګام وستایه او پر نورو شتمنو یې هم غږ وکړ چې د ټولنې د خدمت او خیر ښېګړڼې کارونو ته مخه کړي.