د لغمان په یوې لرې پرته بادپښ ولسوالي کې د ۲۴۴زره امریکايي ډالرو په لګښت روغتیايي مرکز جوړ او ګټېاخیستنې ته سپارل شوی دی.
د یاد ولایت د کډوالو ریاست رییس غلامالرحمن بلال وایي چې یاد روغتیایي مرکز د یوه کال په موده کې جوړ شوی چې اتلس خونې، د احاطې دېوال، د اوبو څاه، تشنابونه او د محافظینو خونې لري.
د سلاموطندار پښتو فېسبوکپاڼه وڅارئ
نوموړي وویل: «دا د بادپښولسوالۍ اړوند یوبشپړ روغتیایي مرکز دی چې مالي ملاتړ یې د یونسیار ادارې له لوري شوی چې همکاره اداره یې د مهاجرینو ریاست دی چې مجموعه مصرف پرې دوه لکه څلورڅلویښت زره امریکایي ډالر شوی.
د لغمان والي شېراحمدحقاني وایي، بادپښ ولسوالي چې له ډېرو لومړنیو خدمتونو بېبرخې وه، د دوی په ځانګړې پاملرنه پهکې یاد مرکز جوړ او ګټېاخیستنې ته سپارل شوی دی.
هغه وویل: «د مریضانو انتقال مرکز ته سخت وه سرک هم خراب دی او ډیر کله مریض په لاره کې تلف کیږی دا یو ښه کار وشو چې ورسره به د مریضانو تداوي او مشکلات به ورسره تر یوې اندازې پورې حل شي .»
د یاد کلینیک امر ډاکتر عصمتالله وایي، له دې وړاندې د ولسوالي د ودانۍ، ترڅنګ په دوه خونو کې خلکو ته روغتیایي خدمات وړاندې کول چې د نوي تعمیر په جوړېدو سره به خلکو ته معیاري خدمات وړاندې کړای شي.
هغه وویل: «مونږ د زاړه کلینک په یو اطاق کې د مور او ماشوم خدمات د ولادت خدمات مخته وړل چې اوس په نوي تعمیر کې د مور اوماشوم خدماتو ته بیله څانګه، د ولادت بیله څانګه، مخکې له ولات خدمات وروسته له ولادت څارنه بیله څانګه لري.»
د سیمې اوسېدونکي د یاد روغتیایي مرکز جوړېدو ته خوښ دي، خو له دولت څخه د غواړي، څو د درملو او ډاکترانو د کمښت برخې ته ځانګړې پاملرنه وکړي.
د بادپښ ولسوالي اوسیدونکی جنتګل وایي چې په یاده ولسوالي کې د کلینیک د نهشتون له امله له ستونزو سره مخ و چې اوس به یې دغه ستونزه یو څه حل شي.
هغه وویل: «زمونږ دا مخکینی کلینک وران وه مونږ ستونزې درلودلې دواګانې نه وې پکې مشکلات زیات و اوس چې دا نوی کلینګ جوړ شوی مونږ ډیر خوشحاله یو چې زمونږ د مریضانو مشکلات پکې رفع شي.»
له دې وړاندې په بادپښ ولسوالي کې بشپړ روغتیایي مرکز شتون نهدرلود چې د یاد کلینیک په جوړېدو سره به دې ولسوالي کې روغتیايي ستونزې تر یوه بریده هوارې شي.