د امارتي شرکتونو مشر مولوي احمد جان بلال د یوه پلاوي په مشرۍ تاتارستان جمهوریت ته سفر کړی.
د امارتي شرکتونو لوی ریاست نن (سهشنبه، سنبله ۴) پر اېکسپاڼه لیکلي چې د کانونو او پټرولیم وزیر ملا هدایت الله بدري هم په دې سفر کې برخه لري.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دغه ریاست ویلي چې یاد پلاوی به د تاتارستان پلازمېنې کازان کې د تېلو او ګازو د صنعت په اړه جوړېدونکې دوه ورځنۍ غونډه کې د ګډون ترڅنګ د تېلو، ګازو او کیمیایوي توکو تر عنوان لاندې نندارتون څخه هم لیدنه وکړي.
همداراز ټاکل شوې د اسلامي امارت پلاوی به د تاتارستاني چارواکو سره د صنعتي همکاریو په اړه بحثونه ولري او له پراختیایي پروژو به لیدنه وکړي.