د ننګرهار مسوولان وايي، دغه ولایت کې د ۳.۵ میلیون افغانیو په لګښت د یو چکډیم جوړېدو چارې پیل شوې.
د ننګرهار کرنې، اوبو لګولو او مالدارۍ رییس مولوي محمد ولي محسن وویل، دغه چکډیم د جلالاباد ښار د نهمې ناحیې امانالله خان ښارګوټي اړوند د باراني اوبو ذخیره کولو او د ځمکې لاندې اوبو د سطحې لوړولو په موخه جوړیږي.
هغه وایي، یاد چِکډېم ۱۰۵ متره اوږدوالی، ۲۶ متره عرض او ۶ متره لوړوالی لري چې ۶۰ زره مترمکعبه اوبه به ذخیره کړي.