د ایران د پارلمان رییس محمدباقر قالیباف ویلي چې د سیمې امنیت باید د سیمې د هیوادونو له لوري تامین شي او د امریکا نظامي حضور په منځني ختیځ کې امنیت نشي راوستلی.
قالیباف نن سهشنبه، کب۲۶ /مارچ ۱۷مه، د ایران دولتي تلویزیون سره په خبرو کې ویلي: «د امریکا نظامي حضور په منځني ختیځ کې امنیت نه راولي. د سیمې امنیت باید د سیمې د هیوادونو په لاس کې وي.»
د ایران د پارلمان رییس زیاته کړې چې د سیمې نظم او امنیت به په اقتصادي او امنیتي برخو کې هم د سیمې د هېوادونو له لوري رامنځته شي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه ویلي: «د منځني ختیځ څېره او نظم به بدل شي، خو نه د امریکا د پلان مطابق؛ دا بدلون به د سیمې د هیوادونو لهخوا رامنځته شي.»
قالیباف ټینګار کړی چې د امریکا ځواکونه باید له سیمې ووځي.
وروسته له دې چې امریکا او اسراییل په ګډه پر ایران برید وکړ، تهران یې په غبرګون کې په منځني ختیځ کې د امریکایي اډو پر ضد عملیات پیل کړي چې لاهم روان دي.