د اسلامي امارت د ویاند مرستیال حمدالله فطرت ویلي، د پاکستان پوځ تېره شپه ماخوستن شاوخوا نهه بجې کابل کې د اميد په نوم د معتادينو د درملنې ۲زره بستريز روغتون بمبار کړ.
هغه وویل، د شهيدانو شمېر ۴۰۰ ته رسېدلی او تر ۲۵۰ پورې نور ټپيان شوي.
د هغه په وینا، د روغتون زياتې برخې له منځه تللي او تر اټکل د زياتو تلفاتو ويره شته.
د اسلامي امارت ویاند ذبیح الله مجاهد ویلي چې پاکستان یو ځل بیا د هېواد پر حریم تېری کړی او دا ځل یې کابل کې د روږدو روغتون په نښه کړی دی.
هغه هم لیکلي چې دغه برید کې ګڼ شمېر ملکي وګړي چې ډېری یې تر درملنې لاندې وو، شهیدان او ټپیان شوي.
د ده په وینا، دغه «جنایت» په کلکو ټکو غندي او دا ډول عمل د ټولو منل شوو اصولو خلاف بشر ضد عمل بولي.