د ایران د بهرنیو چارو وزیر سیدعباس عراقچي، د امریکا د ولسمشر د وروستیو ګواښونو په غبرګون کې ویلي چې د دې هېواد ځواکونه «ګوته په ماشه» دي او د ایران پر وړاندې د هر ډول تېري په صورت کې به «سمدستي او په پوره ځواک» ځواب ورکړي.
عراقچي د ایران او اسراییلو ترمنځ د «۱۲ ورځنۍ جګړې» له تجربو یادونه وکړه او ویې ویل چې دغو زدهکړو د ایران د غبرګون وړتیا «پیاوړې، چټکه او ژوره» کړې ده.
د هغه په وینا، ایران اوس د هر ډول احتمالي ګواښ پر وړاندې لاښه چمتووالی لري.
نوموړي په همدې حال کې ټینګار کړی چې تهران تل د یوه عادلانه اټومي تړون هرکلی کړی، خو دا تړون باید له ګواښ او جبر پاک وي. هغه زیاته کړې چې د فشار تر سیوري لاندې خبرې اترې د منلو وړ نهدي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دا څرګندونې داسې مهال کېږي چې د امریکا ولسمشر ډونالډ ټرمپ یو ځل بیا خبرداری ورکړی او ویلي یې دي چې د امریکا «لویه سمندري بېړۍ» د سیمې پر لور روان ده. ټرمپ ټینګار کړی که تهران خبرو ته حاضر نهشي، واشنګټن د «چټک او سخت» پوځي اقدام لپاره چمتو دی.
د دواړو لورو دا دریځونه د سیمې د امنیتي وضعیت په اړه اندېښنې زیاتوي، خو ایران بیا هم وایي چې د متقابل درناوي پر بنسټ سیاسي حل ته لومړیتوب ورکوي.