د ننګرهار د امنیې قومنداني د مطبوعاتو مسوول سیدطیب حماد وایي چې د دې ولایت د جلالاباد ښار د اوومې امنیتي حوزې اړوند د مرکزي غوچکو په سیمه کې بیګاه شپې ۱۲ بجې د هستوګنې یو کور نړېدلی چې له امله یې، اووه کسان مړه شوي او یو بل ټپي دی.
د نوموړي په وینا، د هستوګنې دغه دوه پوړیزه کور چې د نهر پر غاړه موقعیت درلود او د اوبو له امله مخکې زیامن شوی و، نړېدلی چې له امله یې یوه کورنۍ ترې لاندې شوې ده.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د حماد د معلوماتو له مخې، د یادې پېښې له امله د یوې کورنۍ اته غړي تر خاورو لاندې شوي و چې په پایله کې یې یوې مور او شپږو ماشومانو خپل ژوند له لاسه ورکړی او پلار یې ټپي شوی دی.
حماد زیاتوي چې د مړو شویو کسانو جسدونه د ننګرهار د عامې روغتیا ریاست ته انتقال شوي چې تر تکفین او تجهیز وروسته به یې دوستانو او عقاربو ته وسپارل شي.