د افغانستان لپاره د برتانیې ځانګړی استازی ریچارد لیندسي وايي، هېواد یې له افغانستان او افغانانو ملاتړ ته ژمن دی.
هغه تېره ورځ (چهارشنبه، جدي ۱۰) د نوي میلادي کال په مناسبت ویلي چې ۲۰۲۶ کال کې د افغانانو لپاره د سولې امنیت او ښې راتلونکې هیله لري.
هغه لیکلي چې: «برتانیا ستاسو ترڅنګ ولاړه ده او د ټولو لپاره له ثبات، فرصت او درناوی څخه ملاتړ کوي.»
ریچارد لیندسي د جوزا میاشتې په وروستیو کې د افغانستان لپاره د برتانیې ځانګړي استازي په توګه وټاکل شو او له دې وړاندې یې هم ټینګار کړی چې هېواد یې له افغانانو ملاتړ کوي.